ഇന്ത്യയുടെ 'അനൗദ്യോഗിക' ടീമിനെ തോല്‍പ്പിച്ച പാകിസ്താനെ അഭിനന്ദിച്ച് ഇമ്രാന്‍ ഖാന്‍


പാകിസ്താന്‍ ആതിഥേയരായ ഈ ലോകചാമ്പ്യന്‍ഷിപ്പിന് അനുമതിയില്ലെന്ന് ലോക കബഡി ഫെഡറേഷന്‍ വ്യക്തമാക്കിയിരുന്നു

വിജയികളായ പാക് ടീമിന്റെ ആഘോഷം ഫോട്ടോ: ട്വിറ്റർ

ന്യൂഡല്‍ഹി: കബഡി ലോകകപ്പില്‍ വിജയിച്ച പാകിസ്താന്‍ ടീമിനെ അഭിനന്ദിച്ച് പ്രധാനമന്ത്രി ഇമ്രാന്‍ ഖാന്‍. ഇന്ത്യയുടെ 'അനൗദ്യോഗിക' ടീമിനെ നേരിയ വ്യത്യാസത്തില്‍ തോല്‍പ്പിച്ചാണ് പാകിസ്താന്‍ ചാമ്പ്യന്‍മാരായത്. സ്‌കോര്‍: 43-41. ഔദ്യോഗിക ട്വിറ്റര്‍ പേജിലൂടെയായിരുന്നു ഇമ്രാന്‍ ഖാന്റെ അഭിനന്ദനം. 'കബഡി ലോകകപ്പില്‍ ഇന്ത്യയെ തോല്‍പ്പിച്ച് ചാമ്പ്യന്‍മാരായ പാകിസ്താന് അഭിനന്ദനങ്ങള്‍.' ഇമ്രാന്‍ ഖാന്‍ ട്വീറ്റ് ചെയ്തു.

എന്നാല്‍ പാകിസ്താനിലേക്ക് കബഡി ലോകകപ്പിനായി ഇന്ത്യയുടെ ഔദ്യോഗിക ടീമിനെ അയച്ചിട്ടില്ലെന്ന് കേന്ദ്ര കായികമന്ത്രാലയവും ദേശീയ കബഡി ഫെഡറേഷനും നേരത്തെ വ്യക്തമാക്കിയിരുന്നു. അന്താരാഷ്ട്ര മത്സരത്തില്‍ ഇന്ത്യയെ പ്രതിനിധീകരിച്ച് പങ്കെടുക്കാന്‍ കായിക മന്ത്രാലയത്തിന്റേയും വിദേശകാര്യ മന്ത്രാലയത്തിന്റേയും അനുമതി നിര്‍ബന്ധമാണ്. എന്നാല്‍ വാഗാ അതിര്‍ത്തി കടന്ന ലാഹോറിലെത്തിയ ഇന്ത്യന്‍ ടീമിന് ആരും അനുമതി നല്‍കിയിരുന്നില്ല. അതോടൊപ്പം ഈ ലോകകപ്പിന് അംഗീകാരമില്ലെന്ന് ലോക കബഡി ഫെഡറേഷനും വ്യക്തമാക്കിയിരുന്നു. 45 കളിക്കാരും 12 ഒഫീഷ്യലുകളുമാണ് പാകിസ്താനിലെത്തിയത്.

കഴിഞ്ഞ ആറു ലോക കബഡി ചാമ്പ്യന്‍ഷിപ്പുകളും നടന്നത് ഇന്ത്യയിലാണ്. ആറു തവണയും ഇന്ത്യയായിരുന്നു ചാമ്പ്യന്‍മാര്‍. 2010, 2012,2013,2014 വര്‍ഷങ്ങളില്‍ പാകിസ്താനെ തോല്‍പ്പിച്ചായിരുന്നു ഇന്ത്യയുടെ കിരീടനേട്ടം.

Content Highlights: Imran Khan Congratulates Pakistan for Beating Unofficial Indian Team in Kabaddi World Cup Final

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
vismaya

11 min

'അവൾ അന്ന് പൊട്ടിക്കരഞ്ഞുകൊണ്ട് ചോദിച്ചു: ഞാൻ വേസ്റ്റാണോ ചേച്ചി...'

May 23, 2022


penis plant

1 min

ലിംഗത്തിന്റെ രൂപമുള്ള ചെടി നശിപ്പിച്ച് ടൂറിസ്റ്റുകള്‍; പ്രതിഷേധിച്ച് കംബോഡിയന്‍ സര്‍ക്കാര്‍

May 21, 2022


dileep highcourt

1 min

ദിലീപും ഭരണമുന്നണിയും തമ്മില്‍ അവിശുദ്ധബന്ധം, മറ്റൊരു വഴിയും ഇല്ല; നടി ഹൈക്കോടതിയില്‍

May 23, 2022

More from this section




Most Commented