.jpg?$p=c8a05f8&f=16x10&w=852&q=0.8)
യു. ഷറഫലി | Photo: Krishna Pradeep, Mathrubhumi
കോഴിക്കോട്: സ്‌പോര്‍ട്സ് കൗണ്‍സില്‍ പ്രസിഡന്റായി പ്രഖ്യാപിക്കപ്പെട്ട ശേഷം ആദ്യ പ്രതികരണവുമായി മുന്‍ ഇന്ത്യന്‍ ഫുട്‌ബോള്‍ താരം യു. ഷറഫലി. പ്രസിഡന്റായി തിരഞ്ഞെടുക്കപ്പെട്ടതില്‍ സന്തോഷമുണ്ടെന്നും വലിയൊരു ഉത്തരവാദിത്വമാണ് സര്‍ക്കാര്‍ ഏല്‍പ്പിച്ചിരിക്കുന്നതെന്നും ഷറഫലി മാതൃഭൂമി ഡോട്ട്‌കോമിനോട് പ്രതികരിച്ചു.
''വലിയൊരു ഉത്തരവാദിത്വമാണ് സര്‍ക്കാര്‍ ഏല്‍പ്പിച്ചിരിക്കുന്നത്. ഏറെ സന്തോഷമുണ്ട്. കായികരംഗത്ത് നിന്നുള്ള അനുഭവ സമ്പത്ത് ഉപയോഗപ്പെടുത്തി കൂടുതല്‍ ഭംഗിയായി കാര്യങ്ങള്‍ ചെയ്യാന്‍ ശ്രമിക്കും.'' - ഷറഫലി പറഞ്ഞു.
പോലീസുമായി ബന്ധപ്പെട്ട് നിരവധി ഗെയിംസുകളില്‍ സംഘാടക സമിതികളില്‍ കണ്‍വീനറായും ചെയര്‍മാനായുമെല്ലാം പ്രവര്‍ത്തിച്ചിട്ടുണ്ടെങ്കിലും ഇത് പുതിയൊരു പ്രവര്‍ത്തനമേഖലയാണെന്ന് അദ്ദേഹം വ്യക്തമാക്കി.
പോലീസില്‍ 36 വര്‍ഷം നീണ്ട സേവനം പൂര്‍ത്തിയാക്കി 2020-ലാണ് അദ്ദേഹം വിരമിച്ചത്. മലപ്പുറം കോട്ടക്കല്‍ റാപ്പിഡ് റെസ്‌പോണ്‍സ് ആന്‍ഡ് റെസ്‌ക്യു ഫോഴ്സിന്റെ കമാന്‍ഡന്റ് ആയാണ് വിരമിച്ചത്. 2022 ല്‍
കേരളത്തില്‍ നടന്ന സന്തോഷ് ട്രോഫി ഫുട്ബോളിന്റെ സംഘാടനം ഏകോപിപ്പിക്കുന്നതിനുള്ള ഇവന്റ് കോ-ഓഡിനേറ്ററായി ഷറഫലിയെ സംസ്ഥാന കായികവകുപ്പ് നിയോഗിച്ചിരുന്നു.
നീണ്ട 12 വര്‍ഷക്കാലം പോലീസ് ഫുട്‌ബോള്‍ ടീമിനായി ഷറഫലി കളിച്ചു. കേരള പോലീസ് ടീമിന്റെ മാനേജര്‍, മുഖ്യ പരിശീലകന്‍ എന്നീ സ്ഥാനങ്ങളും വഹിച്ചു. 1985 മുതല്‍ 1995 വരെ കേരള സന്തോഷ് ട്രോഫി ടീമില്‍ കളിച്ച അദ്ദേഹം 1993-ല്‍ കിരീടം നേടിയ ടീമിലും അംഗമായിരുന്നു. 1993-ല്‍ ഡല്‍ഹി, ഗോവ, ബെംഗളൂരു എന്നിവിടങ്ങളിലായി നടന്ന സൂപ്പര്‍ സോക്കര്‍ സീരിസില്‍ ഇന്ത്യന്‍ ഫുട്‌ബോള്‍ ടീമിന്റെ ക്യാപ്റ്റനായിരുന്നു.
Content Highlights: huge responsibility given by the government says U Sharafali
Also Watch
RELATED STORIES
.jpg?$p=e4e93ab&f=1x1&w=100&q=0.8)
.jpg?$p=8896326&f=1x1&w=100&q=0.8)
.jpg?$p=e4e93ab&f=1x1&w=100&q=0.8)
Premium
IN CASE YOU MISSED IT
.jpg?$p=2922c1a&f=1x1&w=100&q=0.8)
.png?$p=2bd0e28&f=1x1&w=100&q=0.8)
.jpg?$p=5ab4c51&f=1x1&w=100&q=0.8)
.jpg?$p=e1fda36&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..