നടാഷയുമായുള്ള വിവാഹനിശ്ചയം അറിഞ്ഞിരുന്നില്ലെന്ന് ഹാര്‍ദിക് പാണ്ഡ്യയുടെ അച്ഛന്‍


സെര്‍ബിയന്‍ നടിയും മോഡലുമായ നടാഷ സ്റ്റാന്‍കോവിച്ചാണ് പാണ്ഡ്യയുടെ വധുവാകാന്‍ ഒരുങ്ങുന്നത്.

Himanshu Pandya Photo: Twitter

മുംബൈ: കഴിഞ്ഞ ദിവസമാണ് ക്രിക്കറ്റ് താരം ഹാര്‍ദിക് പാണ്ഡ്യയുടെ വിവാഹനിശ്ചയം കഴിഞ്ഞത്. സെര്‍ബിയന്‍ നടിയും മോഡലുമായ നടാഷ സ്റ്റാന്‍കോവിച്ചാണ് പാണ്ഡ്യയുടെ വധു. ദുബായില്‍ അടുത്ത സുഹൃത്തുക്കളുടെ സാന്നിധ്യത്തില്‍ പുതുവര്‍ഷത്തില്‍ നടന്ന ഈ വിവാഹനിശ്ചയം ആരാധകര്‍ക്കെല്ലാം സര്‍പ്രൈസ് ആയിരുന്നു. 'എന്റെ വെടിക്കെട്ടോടെ ഈ പുതുവര്‍ഷം ആരംഭിക്കുന്നു' എന്ന അടിക്കുറിപ്പോടെ നടാഷയുടെ കൈപിടിച്ചു നില്‍ക്കുന്ന ചിത്രം പാണ്ഡ്യ തന്നെയാണ് ഇന്‍സ്റ്റഗ്രാമില്‍ പങ്കുവെച്ചത്.

എന്നാല്‍ ആരാധകര്‍ക്കു മാത്രമല്ല, പാണ്ഡ്യയുടെ വീട്ടുകാര്‍ക്കും ഈ വിവാഹനിശ്ചയം സര്‍പ്രൈസ് ആയിരുന്നു. അച്ഛന്‍ ഹിമാന്‍ഷു പാണ്ഡ്യ തന്നെയാണ് ഇക്കാര്യം വെളിപ്പെടുത്തിയത്. വിവാഹിനിശ്ചയം വീട്ടുകാര്‍ അറിഞ്ഞില്ലെന്ന് ഹിമാന്‍ഷു പറയുന്നു.

' മകനും നടാഷയും തമ്മിലുള്ള പ്രണയം അറിയാമായിരുന്നു. അവള്‍ നല്ല കുട്ടിയാണ്. ഞാന്‍ കുറേ തവണ അവളെ കണ്ടിട്ടുണ്ട്. വിവാഹത്തില്‍ ഞങ്ങള്‍ക്ക് എതിര്‍പ്പൊന്നുമില്ല. പക്ഷേ ഈ വിവാഹനിശ്ചയം ഞങ്ങള്‍ അറിഞ്ഞിരുന്നില്ല'. ഹിമാന്‍ഷു വ്യക്തമാക്കി.

Read More: 'ഞാന്‍ നിന്റേയും നീ എന്റേയും പ്രാണനാണ്'-ഹാര്‍ദിക് ഇനി സെര്‍ബിയന്‍ സുന്ദരിക്ക് സ്വന്തം'

കഴിഞ്ഞ ഓഗസ്റ്റ് മുതല്‍ ഇരുവരും പ്രണയത്തിലാണ്. 27 വയസ്സുള്ള നടാഷ 2012-ല്‍ മുംബൈയില്‍ എത്തിയതാണ്. സത്യഗ്രഹയിലൂടെയാണ് ബോളിവുഡില്‍ അരങ്ങേറ്റം. പിന്നീട് മോഡലായും തിളങ്ങി.

26-കാരനായ ഹാര്‍ദിക് പരിക്കുമൂലം മാസങ്ങളായി ടീമിന് പുറത്താണ്. ലണ്ടനില്‍ ഒക്ടോബറില്‍ ശസ്ത്രക്രിയയ്ക്കും വിധേയനായി. കഴിഞ്ഞവര്‍ഷം സെപ്റ്റംബറിലാണ് ഒടുവില്‍ ഇന്ത്യയ്ക്കുവേണ്ടി കളിച്ചത്. ബംഗ്ലാദേശിനും വെസ്റ്റിന്‍ഡീസിനും എതിരായ പരമ്പരകള്‍ നഷ്ടമായി. ശ്രീലങ്കയ്ക്കും ഓസ്‌ട്രേലിയയ്ക്കും എതിരായ പരമ്പരകളും കളിക്കാനാവില്ല. എന്നാല്‍, ന്യൂസീലന്‍ഡ് പര്യടനത്തിനുള്ള ഇന്ത്യ എ ടീമില്‍ ഉള്‍പ്പെടുത്തിയിട്ടുണ്ട്.

Content Highlights: Himanshu Pandya on Hardik Pandya’s Engagement


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021


ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022

Most Commented