ടോക്യോ: പാരാലിമ്പിക്‌സിന്റെ സമാപന ചടങ്ങില്‍ ഷൂട്ടിങ് താരം അവനി ലേഖറ ഇന്ത്യയുടെ പതാകയേന്തും. ഇന്ത്യന്‍ ടീമിലെ 11 പേര്‍ സമാപന ചടങ്ങില്‍ പങ്കെടുക്കും. 

ഷൂട്ടിങ്ങില്‍ ഇന്ത്യയ്ക്ക് വേണ്ടി ഒരു സ്വര്‍ണവും ഒരു വെങ്കലവും സ്വന്തമാക്കി ചരിത്രം സൃഷ്ടിച്ച താരമാണ് അവനി. 10 മീറ്റര്‍ എയര്‍ റൈഫിള്‍ മത്സരത്തില്‍ സ്വര്‍ണവും 50 മീറ്റര്‍ റൈഫിള്‍ ത്രീ മത്സരത്തില്‍ വെങ്കലവും താരം നേടി. 

ടോക്യോ പാരാലിമ്പിക്‌സില്‍ ഇന്ത്യന്‍ കായിക താരങ്ങള്‍ തകര്‍പ്പന്‍ പ്രകടനമാണ് പുറത്തെടുത്തത്. പാരാലിമ്പിക്‌സിലെ ഇന്ത്യയുടെ ഏറ്റവും മികച്ച പ്രകടനമാണ് ടോക്യോയില്‍ നടന്നത്. ഷൂട്ടിങ്ങിലും ബാഡ്മിന്റണിലും ഇന്ത്യന്‍ താരങ്ങള്‍ കൂടുതല്‍ മെഡലുകള്‍ സ്വന്തമാക്കി.

Content Highlights: Gold medallist Avani Lekhara to be India's flag bearer in closing ceremony