ന്യൂഡല്‍ഹി: ജമ്മു കശ്മീര്‍ വിഷയത്തില്‍ പരസ്പരം കൊമ്പുകോര്‍ത്ത് പാക് ക്രിക്കറ്റ് താരം ഷാഹിദ് അഫ്രീദിയും മുന്‍ ഇന്ത്യന്‍ താരവും ബി.ജെ.പി എം.പിയുമായ ഗൗതം ഗംഭീറും. ട്വിറ്ററിലൂടെയായിരുന്നു വാക്‌പോര്.
ജമ്മു കശ്മീരിന് പ്രത്യേക പദവി നല്‍കുന്ന ആര്‍ട്ടിക്കിള്‍ 370 കേന്ദ്ര സര്‍ക്കാര്‍ റദ്ദാക്കിയതിന് പിന്നാലെയായിരുന്നു അഫ്രീദിയുടെ പ്രതികരണം. യു.എന്‍ പ്രമേയം അനുസരിച്ച് കശ്മീരികള്‍ക്ക് അവരുടെ അവകാശങ്ങളും എല്ലാവര്‍ക്കുമുള്ളതു പോലെയുള്ള അഭിപ്രായസ്വാതന്ത്ര്യവും അനുവദിക്കണമെമന്നായിരുന്നു അഫ്രീദിയുടെ ട്വീറ്റ്.
ഐക്യരാഷ്ട്രസഭയേയും അഫ്രീദി ട്വീറ്റില്‍ കുറ്റപ്പെടുത്തുന്നുണ്ടെന്നുണ്ട്. ഐക്യരാഷ്ട്രസഭ എന്തിനാണ് രൂപീകരിച്ചതെന്നും അവര്‍ ഉറങ്ങുകയാണോ എന്നും അഫ്രീദി ചോദിക്കുന്നു. പ്രകോപനമേതുമില്ലാതെ മനുഷ്യത്വത്തിനെതിരെ കശ്മീരില്‍ നടക്കുന്ന കുറ്റകൃത്യങ്ങള്‍ ആരും മറന്നുപോകരുതെന്ന് പറഞ്ഞ അഫ്രീദി കശ്മീര്‍ വിഷയം പരിഹരിക്കാന്‍ അമേരിക്ക മധ്യസ്ഥത വഹിക്കണമെന്നും ട്വീറ്റില്‍ ആവശ്യപ്പെടുന്നത്. അമേരിക്കയുടെ പ്രസിഡന്റ് ഡൊണാള്‍ഡ് ട്രംപിനെ ട്വീറ്റില്‍ പരാമര്‍ശിച്ചിട്ടുമുണ്ട്.
എന്നാല്‍ ഇതെല്ലാം നടക്കുന്നത് പാക് അധീന കശ്മീരിലാണ് എന്നായിരുന്നു ഗംഭീറിന്റെ മറുപടി. നിങ്ങള്‍ ആവലാതിപ്പേടേണ്ടെന്നും ഇതിന് ഉടന്‍ പരിഹാരം കാണുമെന്നും ഗംഭീര്‍ ട്വീറ്റില്‍ പറയുന്നു.
Kashmiris must be given their due rights as per #UN resolution. The rights of Freedom like all of us. Why was @UN created & why is it sleeping? The unprovoked aggression & crimes being committed in Kashmir against #Humanity must be noted. The @POTUS must play his role to mediate
— Shahid Afridi (@SAfridiOfficial) 5 August 2019
@SAfridiOfficial is spot on guys. There is “unprovoked aggression”, there r “crimes against humanity”. He shud be lauded 👏for bringing this up. Only thing is he forgot to mention that all this is happening in “Pakistan Occupied Kashmir”. Don’t worry, will sort it out son!!! pic.twitter.com/FrRpRZvHQt
— Gautam Gambhir (@GautamGambhir) 5 August 2019
Content Highlights: Gautam Gambhir Shahid Afridi Jammu and Kashmir Article 370
