മുന്‍ സ്പാനിഷ് താരം ഡേവിഡ് വിയ്യക്കെതിരേ ലൈംഗികപീഡനാരോപണം; നിഷേധിച്ച് താരം


ക്ലബ്ബിലെ മുന്‍ ജീവനക്കാരിയാണ് ട്വിറ്ററില്‍ ആരോപണമുന്നയിച്ചത്

Image Courtesy: Getty Images

ന്യൂയോര്‍ക്ക്: 2010-ല്‍ ലോകകപ്പ് നേടിയ സ്‌പെയിന്‍ ടീം അംഗവും അമേരിക്കന്‍ മേജര്‍ സോക്കര്‍ ലീഗ് ടീമായ ന്യൂയോര്‍ക്ക് സിറ്റി എഫ്.സി.യുടെ മുന്‍ സ്ട്രൈക്കറുമായ ഡേവിഡ് വിയ്യക്കെതിരേ ലൈംഗികപീഡനാരോപണം.

ക്ലബ്ബിലെ മുന്‍ ജീവനക്കാരിയാണ് ട്വിറ്ററില്‍ ആരോപണമുന്നയിച്ചത്. ഓരോ ദിവസവും വിയ തന്നെ ചുറ്റിപ്പിടിക്കുകയും അസഭ്യങ്ങള്‍ പറയുകയും ചെയ്യുമായിരുന്നെന്ന് യുവതി കുറിച്ചു. ജൂലായ് 17-നാണ് വിയ്യക്കെതിരേ യുവതി ട്വിറ്ററില്‍ ആരോപണവുമായി രംഗത്തെത്തിയത്.

എന്നാല്‍, ആരോപണങ്ങള്‍ വിയ്യ ശക്തമായി നിഷേധിച്ചു. ഇതിനെതിരേ നിയമപരമായി പോരാടുമെന്നും നിരപരാധിത്വം തെളിയിക്കാനുള്ള തന്റെ അവകാശത്തെ പൊതുജനങ്ങളും മാധ്യമങ്ങളും മാനിക്കണമെന്നും അദ്ദേഹം അഭ്യര്‍ഥിച്ചു.

അതേസമയം സംഭവത്തെക്കുറിച്ച് അന്വേഷണം തുടങ്ങിയതായി ന്യൂയോര്‍ക്ക് സിറ്റി അധികൃതര്‍ അറിയിച്ചു.

സ്പാനിഷ് ക്ലബ്ബ് ബാഴ്‌സലോണ വിട്ട് 2015-ലാണ് വിയ്യ ന്യൂയോര്‍ക്ക് സിറ്റിയില്‍ ചേര്‍ന്നത്. നാലു സീസണ്‍ കളിച്ചു. 2016-ല്‍ ലീഗിലെ ഏറ്റവും മൂല്യമുള്ള താരത്തിനുള്ള പുരസ്‌കാരവും ലഭിച്ചു. 2018-ല്‍ ക്ലബ്ബ് വിട്ട അദ്ദേഹം കഴിഞ്ഞ വര്‍ഷം ഫുട്ബോളില്‍നിന്ന് വിരമിക്കുകയും ചെയ്തു.

2008-ല്‍ യൂറോ കപ്പ് നേടിയ സ്‌പെയിന്‍ ടീമിലും അംഗമായിരുന്നു. 2005 മുതല്‍ 2017 വരെ ദേശീയ ടീമില്‍ കളിച്ച അദ്ദേഹം 98 മത്സരങ്ങളില്‍ നിന്ന് 59 ഗോളും നേടിയിട്ടുണ്ട്.

Content Highlights: Former Spanish striker David Villa accused of harassment by a former New York City FC intern


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented