മുന്‍ ന്യൂസീലന്‍ഡ് ക്രിക്കറ്റ് താരം ജോണ്‍ എഫ് റീഡ് അന്തരിച്ചു


ന്യൂസിലന്‍ഡിനായി 19 ടെസ്റ്റ് മത്സരങ്ങളില്‍ കളിച്ച ജോണ്‍ 46.28 ശരാശരിയില്‍ 1296 റണ്‍സ് നേടിയിട്ടുണ്ട്.

ജോൺ എഫ് റീഡ് | Photo: twitter.com|NZCPA

വെല്ലിങ്ടണ്‍: മുന്‍ ന്യൂസീലന്‍ഡ് ക്രിക്കറ്റ് താരവും ക്രിക്കറ്റ് നിരീക്ഷകനുമായ ജോണ്‍ എഫ് റീഡ് (64) അന്തരിച്ചു. ബാറ്റ്‌സ്മാനായിരുന്ന റീഡ് ന്യൂസീലന്‍ഡിനുവേണ്ടി 19 ടെസ്റ്റുകള്‍ കളിച്ചിട്ടുണ്ട്. ആറ് സെഞ്ചുറികളും നേടിയിട്ടുണ്ട്.

ഓസ്‌ട്രേലിയയ്‌ക്കെതിരായി നേടിയ 108 റണ്‍സിന്റെ പേരിലാണ് അദ്ദേഹത്തെ ലോകമറിയുന്നത്. 1985-ല്‍ ബ്രിസ്‌ബേനിലെ ഗാബ്ബ ഗ്രൗണ്ടില്‍ വെച്ചുനടന്ന മത്സരത്തിലാണ് ജോണ്‍ 108 റണ്‍സ് നേടിയത്. അന്ന് ആ മത്സരത്തില്‍ റീഡിന്റെ ഇന്നിങ്‌സിന്റെ ബലത്തില്‍ ന്യൂസീലന്‍ഡ് കരുത്തരായ ഓസ്‌ട്രേലിയയെ ഇന്നിങ്‌സിനും 41 റണ്‍സിനുമാണ് പരാജയപ്പെടുത്തിയത്. ആ മത്സരത്തില്‍ മാര്‍ട്ടിന്‍ ക്രോയുമായി ചേര്‍ന്ന് 225 റണ്‍സിന്റെ റെക്കോഡ് കൂട്ടുകെട്ട് പടുത്തുയര്‍ത്താനും ജോണിന് സാധിച്ചു.

ഇടംകൈയ്യന്‍ ബാറ്റ്‌സ്മാനായ റീഡ് സ്പിന്‍ ബൗളര്‍മാരെ നേരിടുന്നതിലാണ് മികവ് പുലര്‍ത്തിയിരുന്നത്. ന്യൂസീലന്‍ഡിനായി 19 ടെസ്റ്റ് മത്സരങ്ങളില്‍ കളിച്ച ജോണ്‍ 46.28 ശരാശരിയില്‍ 1296 റണ്‍സ് നേടിയിട്ടുണ്ട്. ആറുസെഞ്ചുറികളും രണ്ട് അര്‍ധസെഞ്ചുറികളും അദ്ദേഹത്തിന്റെ ബാറ്റില്‍ നിന്നും ജനിച്ചു. 180 റണ്‍സാണ് ഉയര്‍ന്ന സ്‌കോര്‍.

രാജ്യത്തിനായി 24 ഏകദിനങ്ങളിലും അദ്ദേഹം കളിച്ചിട്ടുണ്ട്. 27.52 ശരാശരിയില്‍ 633 റണ്‍സാണ് സമ്പാദ്യം. 88 റണ്‍സാണ് ഉയര്‍ന്ന സ്‌കോര്‍

1979-ല്‍ പാക്കിസ്താനെതിരെ അരങ്ങേറ്റം കുറിച്ച ജോണ്‍ 1986-ല്‍ ഓസ്‌ട്രേലിയയ്‌ക്കെതിരായ മത്സരത്തോടെ അന്താരാഷ്ട്ര ക്രിക്കറ്റില്‍ നിന്നും വിരമിച്ചു.

Content Highlights: Former NZ test batsman John F. Reid dead at 64

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nambi, Sasikumar

9 min

നമ്പി നാരായണൻ അപമാനിക്കുന്നത് ഐ.എസ്.ആർ.ഒയെ- ശശികുമാർ

Aug 10, 2022


swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


thomas isaac

2 min

'ആ അഞ്ചുവര്‍ഷം നഷ്ടപ്പെട്ടില്ലായിരുന്നെങ്കില്‍ വേറൊരു കേരളമായേനെ, ഇ.ഡിയുടെ നീക്കം പാര്‍ട്ടി നേരിടും'

Aug 11, 2022

Most Commented