പത്തനംതിട്ട: മുന്‍ കേരള വോളിബോള്‍ ടീം ക്യാപ്റ്റനായിരുന്ന ഡാനിക്കുട്ടി ഡേവിഡ് (57) അന്തരിച്ചു. കരള്‍ സംബന്ധമായ അസുഖത്തെ തുടര്‍ന്ന് ചികിത്സയിലിരിക്കെയായിരുന്നു മരണം.
പത്തനംതിട്ട മല്ലശേരി സ്വദേശിയായ ഡാനിക്കുട്ടി ഡേവിഡ് കോഴഞ്ചേരി സെന്റ് തോമസ് കോളജ് ടീമിലൂടെയാണ് വോളിബോള്‍ കരിയറിലേക്ക് കടക്കുന്നത്. 1981-82 ലെ ഓള്‍ ഇന്ത്യ ഇന്റര്‍ യൂണിവേഴ്സിറ്റി വോളിബോള്‍ ചാമ്പ്യന്‍ഷിപ്പ് നേടിയ കേരള യൂണിവേഴ്സിറ്റി ടീമിന്റെ ക്യാപ്റ്റനായിരുന്നു.
1981 മുതല്‍ 1993 വരെ കേരളത്തിനായി 11 ദേശീയ ചാമ്പ്യന്‍ഷിപ്പുകളില്‍ കളിച്ചിട്ടുണ്ട്. 1985-86ലെ ഡല്‍ഹി ചാമ്പ്യന്‍ഷിപ്പില്‍ ഡേവിഡിന്റെ നേതൃത്വത്തില്‍ ഇറങ്ങിയ ടീം വെങ്കലം സ്വന്തമാക്കിയിരുന്നു. 1985-ലെ ഡല്‍ഹി ദേശീയ ഗെയിംസില്‍ സ്വര്‍ണം നേടിയ കേരള ടീമില്‍ അംഗമായിരുന്നു.
1993-ല്‍ ഫെഡറേഷന്‍ കപ്പ് നേടിയ ടൈറ്റാനിയത്തിനായി മികച്ച പ്രകടനം പുറത്തെടുത്ത ഡേവിഡ്, മികച്ച താരത്തിനുള്ള പുരസ്‌കാരവും സ്വന്തമാക്കിയിരുന്നു. ഒരു ദശകത്തിലേറെ കാലം ടൈറ്റാനിയം ടീമിനായി കളിച്ചു. ഇക്കഴിഞ്ഞ മേയ് 30-നാണ് ടൈറ്റാനിയത്തില്‍ നിന്ന് വിരമിച്ചത്.
Content Highlights: former kerala volleyball captain danikutty david passed away
Subscribe
Subscribe
