Photo: twitter.com|indianfootball
പനാജി: മുന്‍ ഇന്ത്യന്‍ ഫുട്‌ബോള്‍ താരവും ഏഷ്യാഡ് സ്വര്‍ണ മെഡല്‍ ജേതാവുമായ ഫോര്‍ച്യുനാറ്റോ ഫ്രാങ്കോ (84) അന്തരിച്ചു.
1962 ജക്കാര്‍ത്ത ഏഷ്യന്‍ ഗെയിംസില്‍ സ്വര്‍ണ മെഡല്‍ നേടിയ ഇന്ത്യന്‍ ഫുട്‌ബോള്‍ ടീമിലെ അവിഭാജ്യ ഘടകമായിരുന്നു ഫ്രാങ്കോ എന്ന മിഡ്ഫീല്‍ഡര്‍.
ഓള്‍ ഇന്ത്യ ഫുട്‌ബോള്‍ ഫെഡറേനാണ് അദ്ദേഹത്തിന്റെ മരണ വാര്‍ത്ത അറിയിച്ചത്. മരണ കാരണം വ്യക്തമായിട്ടില്ല.
1960-കളില്‍ ഇന്ത്യയയുടെ ഏറ്റവും മികച്ച മിഡ്ഫീല്‍ഡര്‍മാരില്‍ ഒരാളായിരുന്നു അദ്ദേഹം. 1960-ലെ റോം ഒളിമ്പിക്‌സില്‍ പങ്കെടുത്ത ഇന്ത്യന്‍ ടീമില്‍ അംഗമായിരുന്നു.
ഇന്ത്യയ്ക്കായി 26 മത്സരങ്ങളില്‍ കളിച്ച ഫ്രാങ്കോ 1962-ല്‍ ഏഷ്യന്‍ കപ്പില്‍ റണ്ണറപ്പായ ടീമിലും മെര്‍ദേക്ക കപ്പില്‍ 1964-ല്‍ വെള്ളിയും 1965-ല്‍ വെങ്കലവും നേടിയ ടീമിലും അംഗമായിരുന്നു.
1959-നും 1966-നും ഇടയില്‍ സന്തോഷ് ട്രോഫിയില്‍ തുടര്‍ച്ചയായി എട്ടു വര്‍ഷം മഹാരാഷ്ട്രയെ നയിച്ചത് ഫ്രാങ്കോയായിരുന്നു. 1964-ല്‍ കിരീടവും സ്വന്തമാക്കി.
ഇന്ത്യന്‍ ഫുട്‌ബോളിലെ ഇതിഹാസങ്ങളായ പി.കെ ബാനര്‍ജി, ചുനി ഗോസ്വാമി, തുളസിദാസ് ബലറാം, ജര്‍നെയ്ല്‍ സിങ് എന്നിവര്‍ക്കൊപ്പം ടീമിലെ പ്രധാനിയായിരുന്നു ഫ്രാങ്കോ.
ആഭ്യന്തര തലത്തില്‍ മുംബൈയിലെ ടാറ്റ ഫുട്‌ബോള്‍ ക്ലബിനായും കരിയറിന്റെ അവസാന കാലത്ത് സാല്‍ഗോക്കറിനായും കളിച്ചു. കാല്‍മുട്ടിനേറ്റ പരിക്കിനെ തുടര്‍ന്ന് ഫ്രാങ്കോയ്ക്ക് തന്റെ 30-ാം വയസില്‍ തന്നെ ബൂട്ടഴിക്കേണ്ടി വന്നു.
Content Highlights: Former India international footballer Fortunato Franco breathed his last
Also Watch
RELATED STORIES
.jpg?$p=8896326&f=1x1&w=100&q=0.8)
IN CASE YOU MISSED IT
.jpg?$p=2922c1a&f=1x1&w=100&q=0.8)
.jpg?$p=6e22375&f=1x1&w=100&q=0.8)
.jpg?$p=2dd1c87&f=1x1&w=100&q=0.8)
.jpg?$p=3056a41&q=0.8&f=16x11&w=104)
.jpg?$p=7e4c243&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..