'ശരിയായ ലക്ഷ്യത്തിനായുള്ള പോരാട്ടം ഒരിക്കലും വൈകില്ല' സമിക്ക് പിന്തുണയുമായി ഗെയ്ല്‍


2013-14 കാലഘട്ടത്തില്‍ സണ്‍റൈസേഴ്‌സ് ഹൈദരാബാദ് ടീമിനായി കളിക്കുമ്പോഴാണ് സമിയെ കാണികളും സഹതാരങ്ങളും വംശീയമായി അധിക്ഷേപിച്ചത്.

-

സെന്റ് ലൂസിയ: ഐ.പി.എല്ലിനിടെ വംശീയാധിക്ഷേപം നേരിട്ടെന്ന് വെളിപ്പെടുത്തിയ വെസ്റ്റിൻഡീസിന്റെ മുൻ ക്യാപ്റ്റൻ ഡാരെൻ സമിക്ക് പിന്തുണയുമായി സഹതാരം ക്രിസ് ഗെയ്ൽ. 2013-14 കാലഘട്ടത്തിൽ സൺറൈസേഴ്സ് ഹൈദരാബാദ് ടീമിനായി കളിക്കുമ്പോഴാണ് സമിയെ കാണികളും സഹതാരങ്ങളും വംശീയമായി അധിക്ഷേപിച്ചത്. 'കാലു' എന്നു വിളിച്ചുള്ള ഈ അധിക്ഷേപം അന്ന് തനിക്ക് മനസ്സിലായില്ലെന്നും ആ വാക്കിന്റെ അർഥം ഇപ്പോഴാണ് തിരിച്ചറിഞ്ഞതെന്നും സമി വ്യക്തമാക്കിയിരുന്നു. ഇതിന് പിന്നാലെയാണ് ഗെയ്ൽ ഔദ്യോഗിക ട്വിറ്റർ പേജിലൂടെ പിന്തുണ അറിയിച്ചത്.

ഈ പോരാട്ടം തുടരണമെന്നും സമയം ഒട്ടുംവൈകിയിട്ടില്ലെന്നും ഗെയ്ൽ ട്വീറ്റ് ചെയ്തു. 'ഇക്കാലമത്രയും നേരിട്ട മോശം അനുഭവങ്ങൾക്കെതിരേ പോരാടാനുള്ള സമയമാണിത്. ഞാൻ നേരത്തെ പറഞ്ഞതുപോലെ മാന്യൻമാരുടെ കളിയായ ക്രിക്കറ്റിലും വംശീയാധിക്ഷേപമുണ്ട്. അതു സത്യമാണ്.' ഗെയ്ൽ ട്വീറ്റിൽ പറയുന്നു.

നേരത്തെ വംശീയാധിക്ഷേപം വെളിപ്പെടുത്തിയതിന് പിന്നാലെ അതിനു പിന്നിലുള്ള താരങ്ങളെ സമി വെല്ലുവിളിച്ചിരുന്നു. തന്നെ വിളിച്ച് സംസാരിക്കണമെന്നും അന്നത്തെ സംഭവത്തിന് മാപ്പ് പറയണമെന്നും സമി ആവശ്യപ്പെട്ടിരുന്നു. അതല്ലെങ്കിൽ 'കാലു' എന്ന വാക്കിന് സ്നേത്തോടെയുള്ള മറ്റൊരു അർഥമുണ്ടെന്ന് തന്നെ ബോധ്യപ്പെടുത്താനാകണമെന്നും സമി വ്യക്തമാക്കിയിരുന്നു.

ഇതിന് പിന്നാലെ ആരാധകർ ഇഷാന്ത് ശർമയുടെ പഴയൊരു ഇൻസ്റ്റഗ്രാം പോസ്റ്റ് കുത്തിപ്പൊക്കുകയും ചെയ്തു. ഈ ചിത്രത്തിൽ സമിയും ഇഷാന്തും ഭുവനേശ്വർ കുമാറും ഡെയ്ൽ സ്റ്റെയ്നുമാണുള്ളത്. ഈ ചിത്രത്തിന് കൊടുത്തിട്ടുള്ള അടിക്കുറിപ്പിൽ ഇഷാന്ത് സമിയെ വിശേഷിപ്പിച്ചത് 'കാലു' എന്നാണ്. സൺറൈസേഴ്സ് ഹൈദരാബാദിൽ ഒരുമിച്ചു കളിക്കുമ്പോഴുള്ള ഫോട്ടോയാണിത്. ഇതോടെ സമിയെ അധിക്ഷേപിച്ചവരിൽ ഇഷാന്തും ഉൾപ്പെടുന്നുണ്ടെന്ന് ആരാധകർ പറയുന്നു.

Content Highlights: Chris Gayle Backs Darren Sammys Racism Allegation

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022


11:39

ആണോ പെണ്ണോ എന്ന് തിരിച്ചറിയാന്‍ കഴിയാത്ത മൃതദേഹം; കേരളത്തിന് പുറത്തെ ഓപ്പറേഷന്‍ | ദേവസ്യ സ്പീക്കിങ്

Aug 4, 2022


06:18

നിവേദ്യം കള്ള്, നേര്‍ച്ചയായി കിട്ടിയത് 101 കുപ്പി ഓള്‍ഡ് മങ്ക് റം; കേരളത്തിലെ ഏക ദുര്യോധന ക്ഷേത്രം

Mar 26, 2022

Most Commented