ചെസ്സ് ഒളിമ്പ്യാഡ് ജേതാക്കളുടെ സ്വര്‍ണ മെഡലുകള്‍ക്ക് കസ്റ്റംസ് തീരുവ ഈടാക്കി; വിവാദം


ഡി.എച്ച്.എല്‍ ഇന്ത്യ കൊറിയര്‍ വഴി ചെന്നൈയില്‍ എത്തിച്ച മെഡലിന് 6,300 രൂപയാണ് കസ്റ്റംസ് തീരുവയായി തന്നില്‍ നിന്ന് ഈടാക്കിയതെന്നും ശ്രീനാഥ് ചൂണ്ടിക്കാട്ടി

ശ്രീനാഥ് നാരായണൻ ചെസ്സ് ഒളിമ്പ്യാഡ് സ്വർണമെഡലുമായി | Photo: twitter.com|nsrinath69

ന്യൂഡല്‍ഹി: ചെസ്സ് ഒളിമ്പ്യാഡ് ജേതാക്കളുടെ സ്വര്‍ണ മെഡലുകള്‍ക്ക് കസ്റ്റംസ് തീരുവ ആവശ്യപ്പെട്ട നടപടി വിവാദത്തില്‍.

ഇക്കഴിഞ്ഞ ഓഗസ്റ്റിലാണ് 12 പേരടങ്ങിയ ഇന്ത്യന്‍ ടീം ചെസ് ഒളിമ്പ്യാഡ് ജേതാക്കളാകുന്നത്. ഇന്റര്‍നെറ്റ് തകരാര്‍ മൂലം താറുമാറായ ഫൈനലിനൊടുവില്‍ ഇന്ത്യയെയും റഷ്യയെയും സംയുക്ത ജേതാക്കളായി പ്രഖ്യാപിക്കുകയായിരുന്നു.

മലയാളി താരം നിഹാല്‍ സരിന്‍ അടക്കം പങ്കെടുത്ത ടൂര്‍ണമെന്റായിരുന്നു ഇത്. പ്രധാനമന്ത്രി നരേന്ദ്ര മോദിയടക്കം ഈ വിജയത്തില്‍ താരങ്ങളെ അഭിനന്ദിച്ചിരുന്നു.

എന്നാല്‍ ടൂര്‍ണമെന്റ് ജയിച്ച ഇന്ത്യന്‍ ടീമിന്റെ വൈസ് ക്യാപ്റ്റനായിരുന്ന ശ്രീനാഥ് നാരായണന്റെ ഒരു ട്വീറ്റാണ് ഇപ്പോള്‍ ചര്‍ച്ചയായി മാറിയിരിക്കുന്നത്.

'ഒടുവില്‍ മെഡലുകള്‍ ഇതാ ഇവിടെ. ഫിഡെയ്ക്ക് നന്ദി. ടീമിലെ മറ്റുള്ളവര്‍ക്കും മെഡലുകള്‍ എത്തിക്കൊണ്ടിരിക്കുന്നു. ഇവ ലഭിക്കുക ഒട്ടും എളുപ്പമായിരുന്നില്ല. മൂന്ന് ദിവസങ്ങള്‍ക്കുള്ളില്‍ ഇവ റഷ്യയില്‍ നിന്ന് ഇന്ത്യയിലെത്തി, പക്ഷേ ബാംഗ്ലൂരിലേക്കെത്താന്‍ ഒരാഴ്ചയിലേറെയെടുത്തു. മാത്രമല്ല കസ്റ്റംസ് തീരുവ അടയ്‌ക്കേണ്ടിയും വന്നു', മെഡലിനൊപ്പമുള്ള ചിത്രത്തിനൊപ്പമായിരുന്നു ശ്രീനാഥിന്റെ ഈ ട്വീറ്റ്.

നവംബര്‍ 20-നുള്ളില്‍ ചെസ്സ് ഒളിമ്പ്യാഡ് ജേതാക്കളുടെ സ്വര്‍ണ മെഡലുകള്‍ ഇന്ത്യയിലെത്തിയിരുന്നു. ടീമിനായി നേടിയ തന്റെ മെഡലുകള്‍ കസ്റ്റംസില്‍ നിന്ന് വിട്ടുകിട്ടാന്‍ വിവിധ രേഖകളും തനിക്ക് കസ്റ്റംസ് അധികൃതര്‍ക്കു മുന്നില്‍ ഹാജരാക്കേണ്ടി വന്നുവെന്നും ശ്രീനാഥ് ഒരു ദേശീയ മാധ്യമത്തോട് പറഞ്ഞു. മെഡല്‍ വന്ന പാക്കേജ് തുറന്ന കസ്റ്റംസ് അതികൃതര്‍ അതിനുള്ളില്‍ എന്താണെന്ന് ചോദിച്ചുവെന്നും ഈ മെഡല്‍ ഉണ്ടാക്കാന്‍ ഉപയോഗിച്ച രാസപദാര്‍ഥങ്ങള്‍ ഏതൊക്കെയെന്ന് കാണിക്കാന്‍ വേണ്ടിവരെ തനിക്ക് ഒരു ഔദ്യോഗിക രേഖ ഹാജരാക്കേണ്ടി വന്നുവെന്നും ശ്രീനാഥ് വ്യക്തമാക്കി.

ഡി.എച്ച്.എല്‍ ഇന്ത്യ കൊറിയര്‍ വഴി ചെന്നൈയില്‍ എത്തിച്ച മെഡലിന് 6,300 രൂപയാണ് കസ്റ്റംസ് തീരുവയായി തന്നില്‍ നിന്ന് ഈടാക്കിയതെന്നും ശ്രീനാഥ് ചൂണ്ടിക്കാട്ടി.

2017 ജൂണ്‍ 30-ലെ കേന്ദ്രസര്‍ക്കാരിന്റെ വിജ്ഞാപന പ്രകാരം, അന്താരാഷ്ട്ര ടൂര്‍ണമെന്റുകളില്‍ പങ്കെടുത്തതിന് ഇന്ത്യന്‍ ടീം അംഗങ്ങള്‍ നേടുന്ന മെഡലുകളും ട്രോഫികളും കസ്റ്റംസ് തീരുവയില്‍ നിന്ന് ഒഴിവാക്കിയിരുന്നു. ഈ വിജ്ഞാപനം നിലനില്‍ക്കുമ്പോഴാണ് ശ്രീനാഥ് നാരായണനില്‍ നിന്ന് തീരുവ ഈടാക്കിയ നടപടി.

Content Highlights: Chess Olympiad winning team India asked to pay custom duty on gold medals


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented