ഖേല്‍രത്‌ന പുരസ്‌കാരം: അശ്വിനേയും മിതാലി രാജിനേയും ശുപാര്‍ശ ചെയ്ത് ബിസിസിഐ


ശിഖര്‍ ധവാന്‍, കെഎല്‍ രാഹുല്‍, ജസ്പ്രീത് ബുംറ എന്നിവരെ അര്‍ജുന പുരസ്‌കാരത്തിനും ശുപാര്‍ശ ചെയ്തിട്ടുണ്ട്. 

അശ്വിനും മിതാലി രാജും | Photo: Getty Images

ന്യൂഡൽഹി: ഇന്ത്യയുടെ വനിതാ ഏകദിന, ടെസ്റ്റ് ടീം ക്യാപ്റ്റൻ മിതാലി രാജിനേയും സ്പിൻ ബൗളർ ആർ അശ്വിനേയും ഖേൽരത്ന പുരസ്കാരത്തിന് ശുപാർശ ചെയ്ത് ബിസിസിഐ. ശിഖർ ധവാൻ, കെഎൽ രാഹുൽ, ജസ്പ്രീത് ബുംറ എന്നിവരെ അർജുന പുരസ്കാരത്തിനും ശുപാർശ ചെയ്തിട്ടുണ്ട്.

ഇന്ത്യൻ ജഴ്സിയിൽ 22 വർഷങ്ങൾ പൂർത്തിയാക്കിയ മിതാലി ഏകദിനത്തിൽ ഏറ്റവും കൂടുതൽ റൺസ് നേടിയ വനിതാ താരമാണ്. 7170 റൺസാണ് 38-കാരിയായ മിതാലിയുടെ അക്കൗണ്ടിലുള്ളത്. മിതാലിയുടെ ക്യാപ്റ്റൻസിയിൽ ഇന്ത്യ രണ്ടു തവണ ഏകദിന ലോകകപ്പിന്റെ ഫൈനലിലെത്തി. 2005-ലും 2017-ലുമായിരുന്നു ഈ നേട്ടം.

ഇന്ത്യയുടെ ടെസ്റ്റ് ടീമിലെ സ്ഥിരസാന്നിധ്യമാണ് സ്പിൻ ബൗളറായ അശ്വിൻ. 79 ടെസ്റ്റിൽ നിന്ന് 413 വിക്കറ്റുകൾ വീഴ്ത്തി. ഏകദിനത്തിൽ 150 വിക്കറ്റും ട്വന്റി-20യിൽ 42 വിക്കറ്റും നേടി. ഇന്ത്യയുടെ ഓസ്ട്രേലിയൻ പര്യടനത്തിലും താരം മികവ് കാട്ടി. മൂന്നു മത്സരങ്ങളിൽ നിന്ന് 12 വിക്കറ്റ് വീഴ്ത്തി. ഇംഗ്ലണ്ടിനെതിരേ ഇന്ത്യയിൽ നടന്ന പരമ്പരയിൽ 32 വിക്കറ്റും ഒരു സെഞ്ചുറിയും നേടി. ലോക ടെസ്റ്റ് ചാമ്പ്യൻഷിപ്പിൽ 71 വിക്കറ്റെടുത്ത താരം ഏറ്റവും കൂടുതൽ വിക്കറ്റ് വീഴ്ത്തിയ താരമെന്ന റെക്കോഡും സ്വന്തമാക്കി.

അശ്വിനും മിതാലിയും നേരത്തെ അർജുന പുരസ്കാരം നേടിയിട്ടുണ്ട്. സച്ചിൻ തെണ്ടുൽക്കർ, എംഎസ് ധോനി, വിരാട് കോലി, രോഹിത് ശർമ എന്നിവരാണ് ഖേൽരത്ന നേടിയ മറ്റു ക്രിക്കറ്റ് താരങ്ങൾ.

Content Highlights: India Cricketers Mithali Raj And R Ashwin Recommended For Khel Ratna


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


mallikarjun kharge

2 min

അപ്രതീക്ഷിത നീക്കങ്ങള്‍; തരൂരിനെ തള്ളി ഖാര്‍ഗെയ്‌ക്കൊപ്പം നിരന്ന് ജി23യും, മുന്നില്‍ നിന്ന് ഗഹ്‌ലോത്

Sep 30, 2022


Mohan Bhagwat

1 min

തെറ്റായ ഭക്ഷണം കഴിക്കുന്നവര്‍ തെറ്റായ  വഴിയിലൂടെ സഞ്ചരിക്കും-നോണ്‍വെജിനെതിരെ മോഹന്‍ ഭാഗവത്

Sep 30, 2022

Most Commented