'എന്ത് അറിഞ്ഞിട്ടാണ് നിങ്ങള്‍ സംസാരിക്കുന്നത്?';മുത്തയ്യ മുരളീധരനെതിരേ കരുണരത്‌നയും മാത്യൂസും


വളരെ കുറച്ചു പണത്തിനുവേണ്ടി നാല് മുതിര്‍ന്ന ലങ്കന്‍ താരങ്ങള്‍ മറ്റു 37 കായിക താരങ്ങളുടെ കരിയര്‍ അപകടത്തിലാക്കുന്നു എന്നായിരുന്നു മുരളീധരന്റെ വിമര്‍ശനം

Muttiah Muralitharan | Photo: twitter

കൊളംബോ: മുന്‍ ശ്രീലങ്കന്‍ താരവും ഇതിഹാസ സ്പിന്നറുമായ മുത്തയ്യ മുരളീധരനെ രൂക്ഷമായി വിമര്‍ശിച്ച് ലങ്കന്‍ താരങ്ങളായ ദിമുത് കരുണരത്‌നയും എയ്ഞ്ചലോ മാത്യൂസും. ശ്രീലങ്കന്‍ ക്രിക്കറ്റിനെ പ്രതിസന്ധിയിലാക്കിയ പ്രതിഫല വിഷയത്തില്‍ ക്രിക്കറ്റ് ബോര്‍ഡിനൊപ്പം നിന്ന് മുരളീധരന്‍ താരങ്ങളെ വിമര്‍ശിച്ചിരുന്നു. ഇതിന് പിന്നാലെയാണ് മുരളീധരനെതിരേ താരങ്ങള്‍ രംഗത്തെത്തിയത്.

വളരെ കുറച്ചു പണത്തിനുവേണ്ടി നാല് മുതിര്‍ന്ന ലങ്കന്‍ താരങ്ങള്‍ മറ്റു 37 കായിക താരങ്ങളുടെ കരിയര്‍ അപകടത്തിലാക്കുന്നു എന്നായിരുന്നു മുരളീധരന്റെ വിമര്‍ശനം. ഒരു ടിവി ചാനലിന് നല്‍കിയ അഭിമുഖത്തിലായിരുന്നു മുരളീധരന്‍ ഇത്തരത്തില്‍ ആരോപണം ഉന്നയിച്ചത്. എന്ത് അറിഞ്ഞിട്ടാണ് ഇത്തരമൊരു വിമര്‍ശനമുന്നയിച്ചതെന്ന് മാത്യൂസും കരുണരത്‌നയും മുരളീധരനോട് ചോദിച്ചു. തെറ്റായ വിവരങ്ങളുടെ അടിസ്ഥാനത്തിലും അനാവശ്യമായ വിദ്വേഷത്തിന്റെ പശ്ചാത്തലത്തിലുമാണ് മുരളീധരന്റെ വിമര്‍ശനമെന്നും ഇരുവരും കത്തില്‍ ആരോപിക്കുന്നു.

പ്രതിഫല വിഷയത്തിലെ തര്‍ക്കത്തെ തുടര്‍ന്ന് ശ്രീലങ്കന്‍ ക്രിക്കറ്റ് ബോര്‍ഡിന്റെ വാര്‍ഷിക കരാറില്‍ ഒപ്പിടാന്‍ താരങ്ങള്‍ വിസമ്മതിച്ച് പ്രതിസന്ധി സൃഷ്ടിച്ചിരുന്നു. തുടര്‍ന്ന് താത്കാലിക കരാറുകളുടെ അടിസ്ഥാനത്തിലാണ് ശ്രീലങ്കന്‍ താരങ്ങള്‍ ഇംഗ്ലണ്ടിനെതിരേയും ഇന്ത്യക്കെതിരേയും കളിക്കാന്‍ തയ്യാറായത്. മാത്യൂസിനേയും കരുണരത്‌നയേയും കരാറില്‍ നിന്ന് ബോര്‍ഡ് ഒഴിവാക്കുകയും ചെയ്തു. ഇതില്‍ ക്ഷുഭിതനായ മാത്യൂസ് സജീവ ക്രിക്കറ്റില്‍ നിന്ന് വിരമിക്കുന്നതായി ബോര്‍ഡിനെ അറിയിക്കുകയും ചെയ്തു.

Content Highlights: Angelo Mathews, Dimuth Karunaratne respond to Muralitharan’s allegations

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

08:25

'ദർശന' പാടിയും മലയാളം പറഞ്ഞും പഠിച്ചും വിജയ് ദേവരകൊണ്ടയും അനന്യയും

Aug 19, 2022


dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022


06:18

നിവേദ്യം കള്ള്, നേര്‍ച്ചയായി കിട്ടിയത് 101 കുപ്പി ഓള്‍ഡ് മങ്ക് റം; കേരളത്തിലെ ഏക ദുര്യോധന ക്ഷേത്രം

Mar 26, 2022

Most Commented