കാളികാവ്:ദുരിതബാധിതരെ സഹായിക്കാന്‍ ഇന്ത്യന്‍ ഫുട്‌ബോള്‍ താരം അനസ് എടത്തൊടികയും. മലപ്പുറം ജില്ലയിലെ വാഴക്കാട് വാലില്ലാപ്പുഴയിലാണ് അനസ് ശുചീകരണത്തിനിറങ്ങിയത്.
അനസിന്റെ നാടായ കൊണ്ടോട്ടി മുണ്ടപ്ര ഗ്രാമം ഒന്നിച്ച് ചൊവ്വാഴ്ച വാലില്ലാപ്പുഴയിലെത്തിയത്. അനസ് കൂടി ചേര്‍ന്നതോടെ ഫുട്‌ബോള്‍ കളിക്കാരടക്കം ധാരാളംപേര്‍ സംഘത്തില്‍ച്ചേര്‍ന്നു.
ശുചീകരണത്തിലൂടെയുള്ള പ്രശംസ ആഗ്രഹിക്കാത്ത അനസ് ക്യാമറകള്‍ക്ക് മുന്നില്‍നിന്ന് ഒഴിഞ്ഞുമാറി. ദേഹം മുഴുവന്‍ ചളിയുമായിട്ടാണ് അനസ് ഈ വീഡിയോയിലുള്ളത്. തന്നെ വളര്‍ത്തിയത് നാട്ടുകാരാണെന്നും അവര്‍ക്കൊപ്പം നില്‍ക്കണമെന്ന ആഗ്രഹം മാത്രമാണ് ഉള്ളതെന്നും അനസ് പറഞ്ഞു.
Content Highlights: Anas Edathodika helps flood victims Kerala Flood 2019
