Image Courtesy: Getty Images
ന്യൂഡല്‍ഹി: ഇന്ത്യന്‍ ക്രിക്കറ്റിലെ എക്കാലത്തെയും നല്ല ഓര്‍മകളിലൊന്നാണ് 2002 നാറ്റ്‌വെസ്റ്റ് ട്രോഫി ഫൈനലിലെ വിജയം. ഇംഗ്ലണ്ട് ഉയര്‍ത്തിയ 326 റണ്‍സ് വിജയലക്ഷ്യം പിന്തുടര്‍ന്ന ഇന്ത്യ രണ്ടു വിക്കറ്റിന് ജയം സ്വന്തമാക്കുകയായിരുന്നു.
ഒരു ഘട്ടത്തില്‍ അഞ്ചിന് 146 റണ്‍സെന്ന നിലയില്‍ തകര്‍ച്ച നേരിട്ട സമയത്ത് ക്രീസില്‍ ഒന്നിച്ച മുഹമ്മദ് കൈഫ് - യുവ്രാജ് സിങ് സഖ്യമാണ് ഇന്ത്യന്‍ വിജയത്തില്‍ നിര്‍ണായക സാന്നിധ്യമായത്. ആറാം വിക്കറ്റില്‍ ഇരുവരും 121 റണ്‍സിന്റെ കൂട്ടുകെട്ടാണ് പടുത്തുയര്‍ത്തിയത്.
75 പന്തില്‍ ആറു ഫോറും രണ്ടു സിക്‌സും സഹിതം 87 റണ്‍സോടെ പുറത്താകാതെ നിന്ന കൈഫായിരുന്നു അന്ന് കളിയിലെ താരം. ഇപ്പോഴിതാ അന്നത്തെ മത്സരത്തിനിടയില്‍ ക്യാപ്റ്റന്‍ സൗരവ് ഗാംഗുലിയുടെ വായടപ്പിച്ച സംഭവം വെളിപ്പെടുത്തിയിരിക്കുകയാണ് കൈഫ്. യുവിക്കൊപ്പമുള്ള ഒരു ഇന്‍സ്റ്റാഗ്രാം ലൈവ് വീഡിയോയിലായിരുന്നു കൈഫിന്റെ വെളിപ്പെടുത്തല്‍.
അന്ന് ക്രീസിലെത്തിയപാടേ യുവി ഇംഗ്ലീഷ് ബൗളര്‍മാരെ കടന്നാക്രമിക്കാന്‍ തുടങ്ങി. കൈഫാകട്ടെ ഒരറ്റത്ത് പിടിച്ചുനിന്ന് യുവിക്ക് പിന്തുണ നല്‍കുകയായിരുന്നു. എന്നാല്‍ ആവശ്യമായ റണ്‍റേറ്റ് ഉയരാന്‍ തുടങ്ങിയതോടെ അസ്വസ്ഥനായ ഗാംഗുലി പവലിയനില്‍ നിന്ന് കൈഫിനോട് സിംഗിളെടുത്ത് യുവിക്ക് സ്‌ട്രൈക്ക് കൈമാറാന്‍ ആക്രോശിക്കുന്നുണ്ടായിരുന്നു.
''അടുത്ത പന്ത് ഒരു ഷോര്‍ട്ട് ബോളായിരുന്നു. അന്ന് ഷോര്‍ട്ട് ബോളുകള്‍ അനായാസം കളിക്കാന്‍ എനിക്ക് സാധിച്ചിരുന്നു. ഞാനൊരു പുള്‍ ഷോട്ട് കളിച്ചു, അത് സിക്‌സായി'', കൈഫ് പറഞ്ഞു.
ആ സിക്‌സ് നേടിയ ശേഷം കൈഫ് തന്റെ അടുത്തെത്തി കൈക്ക് ഇടിച്ച ശേഷം ഞാനും കളിക്കാനാണ് വന്നതെന്ന് പറഞ്ഞത് ഓര്‍മയുണ്ടെന്ന് യുവിയും കൂട്ടിച്ചേര്‍ത്തു. അതിനു ശേഷം ദാദ മിണ്ടിയിട്ടില്ലെന്നും കൈഫിനും സിക്‌സടിക്കാന്‍ സാധിക്കുമെന്ന് അദ്ദേഹത്തിന് മനസിലായെന്നും യുവി പറഞ്ഞു.
ഡ്രിങ്ക്‌സ് ബ്രേക്കിനിടെ സിംഗിളെടുത്ത് യുവിക്ക് സ്‌ട്രൈക്ക് കൈമാറണമെന്ന ദാദയുടെ നിര്‍ദേശം വന്ന് പറയാന്‍ ആരോ ഒരാള്‍ നിന്നിരുന്നത് തനിക്ക് ഓര്‍മയുണ്ടെന്നും കൈഫ് പറഞ്ഞു. എന്നാല്‍ ആ സിക്‌സിനു ശേഷം പിന്നെ ആരും വന്നില്ലെന്നും അദ്ദേഹം കൂട്ടിച്ചേര്‍ത്തു.
അന്ന് യുവി 63 പന്തുകള്‍ നേരിട്ട് ഒമ്പത് ഫോറും ഒരു സിക്‌സുമടക്കം 69 റണ്‍സെടുത്തു. കൈഫാകട്ടെ 75 പന്തില്‍ ആറു ഫോറും രണ്ടു സിക്‌സും സഹിതം 87 റണ്‍സോടെ പുറത്താകാതെ നിന്നു. അന്ന് ലോര്‍ഡ്‌സിലെ ഗാലറിയില്‍ ടീഷര്‍ട്ടൂരി വീശിയാണ് ഇന്ത്യന്‍ ക്യാപ്റ്റനും നിലവിലെ ബി.സി.സി.ഐ അധ്യക്ഷനുമായ സൗരവ് ഗാംഗുലി ഈ വിജയം ആഘോഷിച്ചത്.
Content Highlights: 2002 Natwest series final Mohammad Kaif ignored Sourav Ganguly’s advice and hammered a six
RELATED STORIES
Premium
IN CASE YOU MISSED IT
.jpg?$p=c686dae&f=1x1&w=100&q=0.8)
.jpg?$p=e4e93ab&f=1x1&w=100&q=0.8)
.jpg?$p=c686dae&q=0.8&f=16x11&w=104)
.jpg?$p=e4e93ab&q=0.8&f=16x11&w=104)
.jpg?$p=e4e93ab&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..