ക്ലബ്ബിന് എന്നില്‍ വിശ്വാസമില്ലായിരുന്നു; റയല്‍ വിട്ടതിന്റെ കാരണം വെളിപ്പെടുത്തി സിദാന്‍


റയല്‍ മാഡ്രിഡ് ആരാധകര്‍ക്കായി എഴുതിയ കത്തിലാണ് ക്ലബ് വിടാനുണ്ടായ കാരണം സിദാന്‍ വെളിപ്പെടുത്തിയത്

Photo By PIERRE-PHILIPPE| AFP

മാഡ്രിഡ്: ലാ ലിഗ കിരീട പോരാട്ടം അവസാനിച്ചതിനു പിന്നാലെ സിനദിന്‍ സിദാന്‍ റയല്‍ മാഡ്രിഡ് പരിശീലക സ്ഥാനം രാജിവെച്ചിരുന്നു.

കഴിഞ്ഞ 11 സീസണിനിടെ ആദ്യമായി ഒരു കിരീടം പോലുമില്ലാതെ റയല്‍ സീസണ്‍ അവസാനിപ്പിച്ചതിനു പിന്നാലെയായിരുന്നു സിദാന്റെ രാജി.



ഇപ്പോഴിതാ താന്‍ രാജിവെയ്ക്കാനുണ്ടായ സാഹചര്യം വെളിപ്പെടുത്തിയിരിക്കുകയാണ് സിദാന്‍. റയല്‍ മാഡ്രിഡ് ആരാധകര്‍ക്കായി എഴുതിയ കത്തിലാണ് ക്ലബ് വിടാനുണ്ടായ കാരണം സിദാന്‍ വെളിപ്പെടുത്തിയത്.

ക്ലബ്ബിന് തന്നിലുള്ള വിശ്വാസം നഷ്ടപ്പെട്ടതിനാലാണ് ക്ലബ്ബ് വിടാന്‍ തീരുമാനിച്ചതെന്ന് സിദാന്‍ പറഞ്ഞു. റയല്‍ പരിശീലകനായുള്ള ആദ്യ വരവില്‍ ക്ലബ്ബിന് രണ്ട് ലാ ലിഗ കിരീടങ്ങളും ഹാട്രിക്ക് ചാമ്പ്യന്‍സ് ലീഗും നേടിക്കൊടുത്ത പരിശീലകനാണ് സിദാന്‍.

''ഇപ്പോള്‍, കാര്യങ്ങള്‍ വ്യത്യസ്തമാണ്. ഞാന്‍ കരുതിയതുപോലുള്ള ഒരു വിശ്വാസം എന്നോട് ക്ലബ്ബിന് ഇല്ല. ദീര്‍ഘകാലാടിസ്ഥാനത്തില്‍ എന്തെങ്കിലും ചെയ്യണമെങ്കില്‍ ആ വിശ്വാസവും പിന്തുണയും ആവശ്യമായിരുന്നു.'' - സിദാന്‍ പറഞ്ഞു.

കഴിഞ്ഞ കുറച്ച് മാസങ്ങളായി ക്ലബ്ബും ക്ലബ്ബ് പ്രസിഡന്റുമായുള്ള തന്റെ ബന്ധം അത്ര രസത്തിലായിരുന്നില്ലെന്നും സിദാന്‍ കൂട്ടിച്ചേര്‍ത്തു.

ഒരു മത്സരത്തിലെ തോല്‍വിക്കു ശേഷം പത്രം നോക്കുമ്പോള്‍ അടുത്ത മത്സരത്തില്‍ വിജയിച്ചില്ലെങ്കില്‍ താന്‍ പുറത്താക്കപ്പെടുമെന്നൊക്കെ കാണുന്നത് ഏറെ വേദനിപ്പിച്ചുവെന്നും അദ്ദേഹം ചൂണ്ടിക്കാട്ടി.

Content Highlights: Zinedine Zidane reveals reason behind his Real Madrid departure


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:44

രാത്രിയാണറിഞ്ഞത് സിന്തറ്റിക് ട്രാക്കാണെന്ന്, സ്പീഡ് കുറയുമെന്ന് പേടിച്ചാണ് ഷൂസിടാതെ ഓടിയത്

Nov 28, 2022


37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented