ആഴ്‌സനലും വിയ്യാറയലും റോമയും യൂറോപ്പ ലീഗിന്റെ സെമിയില്‍


സെമി ഫൈനലില്‍ വിയ്യാറയല്‍ മാഞ്ചെസ്റ്റര്‍ യുണൈറ്റഡിനെയും ആഴ്‌സനല്‍ റോമയെയും നേരിടും.

Photo: twitter.com|Arsenal

ഈഡന്‍: കരുത്തരായ ആഴ്‌സനല്‍, വിയ്യാറയല്‍, എ.എസ്.റോമ എന്നീ ടീമുകള്‍ യൂറോപ്പ ലീഗിന്റെ സെമി ഫൈനലില്‍ പ്രവേശിച്ചു. ആഴ്‌സനല്‍ സ്ലാവിയ പ്രാഹയെയും വിയ്യാറയല്‍ ഡൈനാമോ സാബ്‌റെബിനെയും റോമ അയാക്‌സിനെയും പരാജയപ്പെടുത്തി.

രണ്ടാം പാദ മത്സരത്തില്‍ ആഴ്‌സനല്‍ എതിരില്ലാത്ത നാലുഗോളുകള്‍ക്കാണ് സ്ലാവിയ പ്രാഹയെ പരാജയപ്പെടുത്തിയത്. ആദ്യ പാദത്തില്‍ ഇരുടീമുകളും ഓരോ ഗോളുകള്‍ വീതം നേടി സമനിലയില്‍ പിരിഞ്ഞിരുന്നു. രണ്ടാം പാദ മത്സരത്തില്‍ തകര്‍പ്പന്‍ പ്രകടനമാണ് ഗണ്ണേഴ്‌സ് പുറത്തെടുത്തത്. ടീമിനായി അലക്‌സാണ്ട്രെ ലക്കാസെറ്റ് ഇരട്ട ഗോളുകള്‍ നേടിയപ്പോള്‍ നിക്കോളാസ് പെപ്പെ, ബുക്കായോ സാക എന്നിവര്‍ ഓരോ ഗോളുകള്‍ നേടി. ഈ വിജയത്തോടെ ഇരുപാദങ്ങളിലുമായി 5-1 ന് വിജയിച്ച് ടീം സെമിയിലെത്തി.

ഒന്നിനെതിരേ രണ്ടുഗോളുകള്‍ക്കാണ് വിയ്യാറയല്‍ ഡൈനാമോ സാഗ്രെബിനെ കീഴടക്കിയത്. ആദ്യ പാദ മത്സരത്തില്‍ ടീം എതിരില്ലാത്ത ഒരു ഗോളിന് വിജയിച്ചിരുന്നു. വിയ്യാറയലിനായി പാക്കോ അല്‍ക്കാസര്‍, ജെറാര്‍ഡ് മൊറേനോ എന്നിവര്‍ സ്‌കോര്‍ ചെയ്തപ്പോള്‍ ഡൈനാമോയ്ക്കായി മിസ്ലാവ് ഒറിസിച്ച് ആശ്വാസ ഗോള്‍ നേടി. ഇരുപാദങ്ങളിലുമായി 3-1 എന്ന സ്‌കോറിനാണ് വിയ്യാറയല്‍ വിജയിച്ചത്.

രണ്ടാം പാദ മത്സരത്തില്‍ അയാക്‌സുമായി സമനില വഴങ്ങിയെങ്കിലും ആദ്യപാദ മത്സരത്തിലെ വിജയം റോമയ്ക്ക് തുണയായി. രണ്ടാം പാദ മത്സരത്തില്‍ ഇരുടീമുകളും ഓരോ ഗോളുകള്‍ നേടി പിരിഞ്ഞു. റോമയ്ക്കായി എഡിന്‍ സെക്കോയും അയാക്‌സിനായി ബ്രിയാന്‍ ബ്രോബറിയും ഗോള്‍ നേടി. ആദ്യ പാദ മത്സരത്തില്‍ 2-1 ന് റോമ വിജയിച്ചിരുന്നു.

സെമി ഫൈനലില്‍ വിയ്യാറയല്‍ മാഞ്ചെസ്റ്റര്‍ യുണൈറ്റഡിനെയും ആഴ്‌സനല്‍ റോമയെയും നേരിടും. ഏപ്രില്‍ 29 നാണ് ആദ്യപാദ സെമി ഫൈനല്‍ മത്സരം നടക്കുക.

Content Highlights: Villarreal, Roma and Arsenal enter into the semi finals of Europa league


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented