.jpg?$p=8a7b7b1&f=16x10&w=856&q=0.8)
Photo: twitter.com/realmadrid
മാഡ്രിഡ്: ചാമ്പ്യന്‍സ് ലീഗ് ക്വാര്‍ട്ടറില്‍ ബുധനാഴ്ച പുലര്‍ച്ചെ നടന്ന റയല്‍ മാഡ്രിഡ് - ചെല്‍സി മത്സരം സാക്ഷിയായത് ഇഞ്ചോടിഞ്ച് പോരാട്ടത്തിന്. രണ്ടാം പാദത്തില്‍ മൂന്നിനെതിരേ രണ്ടു ഗോളുകള്‍ക്ക് പരാജയപ്പെട്ടെങ്കിലും ഇരുപാദങ്ങളിലുമായി 5-4 ന്റെ ജയത്തോടെ റയല്‍ സെമിയിലേക്ക് മുന്നേറി. പുറത്തായെങ്കിലും റയലിന്റെ സ്വന്തം മൈതാനമായ സാന്തിയാഗോ ബെര്‍ണബ്യുവില്‍ കാണികളുടെ മനംകവര്‍ന്നാണ് നിലവിലെ ജേതാക്കളായ ചെല്‍സി മടങ്ങിയത്.
ആദ്യപാദത്തില്‍ ചെല്‍സിയെ അവരുടെ തട്ടകത്തില്‍ 3-1 ന് വീഴ്ത്തിയതിന്റെ ആത്മവിശ്വാസത്തിലാണ് സ്വന്തം മൈതാനത്ത് റയല്‍ ഇറങ്ങിയത്. എന്നാല്‍ വര്‍ദ്ധിത വീര്യത്തോടെ കളത്തിലിറങ്ങിയ ചെല്‍സി ടീമിനെയായിരുന്നു അവര്‍ കണ്ടത്.
തുടക്കം മുതല്‍ ആക്രമിച്ച് കളിച്ച ചെല്‍സി 15-ാം മിനിറ്റില്‍ മേസണ്‍ മൗണ്ടിലൂടെ മുന്നിലെത്തി. പിന്നാലെ 52-ാം മിനിറ്റില്‍ അന്റോണിയോ റൂഡിഗറും സ്‌കോര്‍ ചെയ്തതോടെ അഗ്രഗേറ്റില്‍ ചെല്‍സി 3-3 ന് ഒപ്പമെത്തി. പിന്നാലെ 75-ാം മിനിറ്റില്‍ തിമോ വെര്‍ണറും സ്‌കോര്‍ ചെയ്തതോടെ ബെര്‍ണബ്യൂ ഒന്നടങ്കം ഞെട്ടി, അഗ്രഗേറ്റില്‍ ചെല്‍സി 4-3ന് മുന്നില്‍.
പിന്നില്‍ പോയതോടെ റയല്‍ രണ്ടു കല്‍പ്പിച്ച് ആക്രമണം ശക്തമാക്കി. 80-ാം മിനിറ്റില്‍ അതിന് ഫലവും കിട്ടി. ലൂക്ക മോഡ്രിച്ചിന്റെ കിറുകൃത്യമായ ക്രോസ് വലയിലെത്തിച്ച് റോഡ്രിഗോ രണ്ടാം പാദത്തിലെ റയലിന്റെ ആദ്യ ഗോള്‍ നേടി.
നിശ്ചിത സമയത്ത് മത്സരം അഗ്രഗേറ്റില്‍ 4-4 ന് സമനിലയിലായതോടെ കളി അധിക സമയത്തേക്ക് നീണ്ടു. 96-ാം മിനിറ്റില്‍ ബെര്‍ണബ്യുവിനെ ഇളക്കിമറിച്ച് കരീം ബെന്‍സേമയുടെ ഗോള്‍ വന്നു. വിനീഷ്യസ് ജൂനിയറിന്റെ ക്രോസില്‍ നിന്നായിരുന്നു ഗോള്‍. ഇതോടെ റയല്‍ 5-4ന്റെ ലീഡെടുത്തു. പിന്നീട് ചെല്‍സി ആക്രമണങ്ങളെ പ്രതിരോധിച്ച റയല്‍ സെമിയിലേക്ക് മുന്നേറി. ചാമ്പ്യന്‍സ് ലീഗ് ചരിത്രത്തില്‍ ഇത് 31-ാം തവണയാണ് റയല്‍ സെമിയിലെത്തുന്നത്.
Content Highlights: uefa Champions League Real Madrid beat Brave Chelsea to Reach Semifinals
Also Watch
RELATED STORIES
.jpg?$p=bec7056&f=1x1&w=100&q=0.8)
IN CASE YOU MISSED IT
.jpg?$p=0040ee1&f=1x1&w=100&q=0.8)
.jpg?$p=aa62323&f=1x1&w=100&q=0.8)
.jpg?$p=e4e93ab&q=0.8&f=16x11&w=104)
.jpg?$p=7b364d9&q=0.8&f=16x11&w=104)
.jpg?$p=fc07f96&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..