യൂറോപ്പ ലീഗില്‍ ആഴ്‌സനലും മിലാനും ടോട്ടനവും പ്രീ ക്വാര്‍ട്ടറില്‍, ലെസ്റ്ററിന് തോല്‍വി


എന്നാല്‍ കരുത്തരായ ലെസ്റ്ററിനെ എതിരില്ലാത്ത ഒരു ഗോളിന് സോര്യ ലുഹാന്‍സ്‌ക് അട്ടിമറിച്ചു.

വിജയമാഘോഷിക്കുന്ന ആഴ്സനൽ താരങ്ങൾ | Photo: twitter.com|Arsenal

ലണ്ടന്‍: വമ്പന്മാരായ ആഴ്‌സനലും എ.സി.മിലാനും ടോട്ടനം ഹോട്‌സ്പറും യൂറോപ്പ ലീഗിന്റെ പ്രീ ക്വാര്‍ട്ടറില്‍. ആഴ്‌സനല്‍ റാപ്പിഡ് വിയനിനെ തോല്‍പ്പിച്ചപ്പോള്‍ എ.സി മിലാന്‍ സെല്‍റ്റിക്കിനെ കീഴടക്കി. ലാസ്‌കിനോട് സമനില വഴങ്ങിയെങ്കിലും ടോട്ടനം പ്രീകാര്‍ട്ടറില്‍ പ്രവേശിച്ചു. എന്നാല്‍ കരുത്തരായ ലെസ്റ്ററിനെ എതിരില്ലാത്ത ഒരു ഗോളിന് സോര്യ ലുഹാന്‍സ്‌ക് അട്ടിമറിച്ചു.

ഒന്നിനെതിരേ നാലു ഗോളുകള്‍ക്കാണ് റാപ്പിഡ് വിയനിനെ ആഴ്‌സനല്‍ പരാജയപ്പെടുത്തിയത്. ലാക്കസെറ്റ്, മാറി, നിക്കേടിയ, സ്മിത്ത് എന്നിവര്‍ ഗണ്ണേഴ്‌സിനായി സ്‌കോര്‍ ചെയ്തപ്പോള്‍ റാപ്പിഡ് വിയനിനുവേണ്ടി കിറ്റാഗാവ ആശ്വാസഗോള്‍ നേടി.

രണ്ടിനെതിരെ നാലുഗോളുകള്‍ക്കാണ് മിലാന്‍ സെല്‍റ്റിക്കിനെ പരാജയപ്പെടുത്തിയത്. കല്‍ഹനോഗ്ലു, കാസ്റ്റിലെഹോ, ഹൗജ്, ഡയസ് എന്നിവരാണ് മിലാന് വേണ്ടി ഗോള്‍ നേടിയത്. സെല്‍റ്റിക്കിന് വേണ്ടി റോജിക്, എഡോവാര്‍ഡ് എന്നിവര്‍ സ്‌കോര്‍ ചെയ്തു. സൂപ്പര്‍ താരം ഇബ്രഹാമോവിച്ച് ഇല്ലാതെയാണ് മിലാന്‍ കളിക്കാനിറങ്ങിയത്.

റയല്‍ മഡ്രിഡില്‍ നിന്നും ടോട്ടനത്തിലേക്ക് തിരിച്ചെത്തിയ ഗരെത് ബെയ്ല്‍ ആദ്യമായി യൂറോപ്പ ലീഗില്‍ സ്‌കോര്‍ ചെയ്ത മത്സരത്തില്‍ ഇരുടീമുകളും മൂന്നുഗോള്‍ വീതം നേടി. ടോട്ടനത്തിനായി ബെയ്‌ലും സണ്ണും ഡെലെ അലിയും സ്‌കോര്‍ ചെയ്തപ്പോള്‍ മിച്ചോരി, എഗ്ഗെസ്‌റ്റെയ്ന്‍, കരമോക്കോ എന്നിവരാണ് ലാസ്‌കിന്റെ ഗോള്‍ സ്‌കോറര്‍മാര്‍.

മറ്റൊരു മത്സരത്തില്‍ നിലവില്‍ ലാലിഗയിലെ ഒന്നാം സ്ഥാനക്കാരായ റയല്‍ സോസിഡാഡ് ദുര്‍ബലരായ റിയേക്കയോട് സമനില വഴങ്ങി.

Content Highlights: Tottenham, AC Milan, Arsenal reach knockout stage of Europa League

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
antony raju

1 min

പിന്നില്‍ രാഷ്ട്രീയശക്തികള്‍; ആക്രമിക്കപ്പെട്ട നടിക്കെതിരേ ഗുരുതര ആരോപണങ്ങളുമായി മന്ത്രി ആന്റണി രാജു

May 24, 2022


vismaya

11 min

'അവൾ അന്ന് പൊട്ടിക്കരഞ്ഞുകൊണ്ട് ചോദിച്ചു: ഞാൻ വേസ്റ്റാണോ ചേച്ചി...'

May 23, 2022


dileep highcourt

1 min

ദിലീപും ഭരണമുന്നണിയും തമ്മില്‍ അവിശുദ്ധബന്ധം, മറ്റൊരു വഴിയും ഇല്ല; നടി ഹൈക്കോടതിയില്‍

May 23, 2022

More from this section




Most Commented