ഇരട്ട ഗോളുകളുമായി വെര്‍ണര്‍, ജര്‍മനിയ്ക്ക് ലോകകപ്പ് യോഗ്യത


മറ്റ് മത്സരങ്ങളില്‍ നെതര്‍ലന്‍ഡ്‌സ് എതിരില്ലാത്ത ആറുഗോളുകള്‍ക്ക് ജിബ്രാള്‍ട്ടറിനെ തകര്‍ത്തപ്പോള്‍ റഷ്യ ഒന്നിനെതിരേ രണ്ടുഗോളുകള്‍ക്ക് സ്ലൊവേനിയയെ കീഴടക്കി.

Photo: AFP

സ്‌കോപ്യെ: ഖത്തറില്‍ വെച്ച് നടക്കുന്ന 2022 ലോകകപ്പിന് യോഗ്യത നേടി മുന്‍ ചാമ്പ്യന്മാരായ ജര്‍മനി. യോഗ്യതാ മത്സരത്തില്‍ ഉത്തര മാസിഡോണിയയെ എതിരില്ലാത്ത നാലുഗോളുകള്‍ക്ക് തകര്‍ത്താണ് ജര്‍മനി ലോകകപ്പ് യോഗ്യത സ്വന്തമാക്കിയത്.

പുതിയ പരിശീലകന്‍ ഹാന്‍സി ഫ്‌ളിക്കിന് കീഴില്‍ തകര്‍പ്പന്‍ പ്രകടനം പുറത്തെടുക്കുന്ന ജര്‍മനി ഗ്രൂപ്പ് ജെ യില്‍ ഒന്നാം സ്ഥാനക്കാരായാണ് ലോകകപ്പ് യോഗ്യത നേടിയത്. ഉത്തര മാസിഡോണിയയുടെ ഹോം ഗ്രൗണ്ടില്‍ വെച്ചുനടന്ന മത്സരത്തില്‍ ജര്‍മനിയ്ക്ക് വേണ്ടി സൂപ്പര്‍താരം തിമോ വെര്‍ണര്‍ ഇരട്ട ഗോളുകള്‍ നേടി. കൈ ഹാര്‍വെര്‍ട്‌സും ജമാല്‍ മുസിയാലയും ടീമിനായി ഗോള്‍വല ചലിപ്പിച്ചു.

ഇതിനുമുന്‍പ് ഇരുടീമുകളും ഏറ്റുമുട്ടിയപ്പോള്‍ ഉത്തര മാസിഡോണിയ ജര്‍മനിയെ അട്ടിമറിച്ചിരുന്നു. അതിനുള്ള പ്രതികാരം കൂടിയായി ജര്‍മന്‍ പടയ്ക്ക് ഈ വിജയം.

മറ്റ് മത്സരങ്ങളില്‍ നെതര്‍ലന്‍ഡ്‌സ് എതിരില്ലാത്ത ആറുഗോളുകള്‍ക്ക് ജിബ്രാള്‍ട്ടറിനെ തകര്‍ത്തപ്പോള്‍ റഷ്യ ഒന്നിനെതിരേ രണ്ടുഗോളുകള്‍ക്ക് സ്ലൊവേനിയയെ കീഴടക്കി. വെയ്ല്‍സ് 1-0 ന് എസ്‌തോണിയയെ കീഴടക്കിയപ്പോള്‍ കരുത്തരായ ക്രൊയേഷ്യയെ സ്ലൊവാക്യ 2-2 എന്ന സ്‌കോറിന് സമനിലയില്‍ തളച്ചു.

Content Highlights: Timo Werner Double Sees Germany Qualify For 2022 World Cup


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
cm pinarayi vijayan kodiyeri balakrishnan

5 min

'ഒരുമിച്ച് നടന്ന യഥാര്‍ത്ഥ സഹോദരര്‍ തന്നെയാണ് ഞങ്ങള്‍,സംഭവിക്കരുത് എന്ന് തീവ്രമായി ആഗ്രഹിച്ചു,പക്ഷേ'

Oct 1, 2022


Kodiyeri Balakrishnan

2 min

കോടിയേരി ബാലകൃഷ്ണന്‍  അന്തരിച്ചു

Oct 1, 2022


Joe Biden

01:00

ബൈഡന് എന്തുപറ്റി ? വൈറലായി വീഡിയോകൾ

Oct 1, 2022

Most Commented