ബാഴ്‌സലോണ: സ്പാനിഷ് ഫുട്‌ബോള്‍ വമ്പന്മാരായ എഫ്.സി. ബാഴ്‌സലോണയ്ക്ക് ഇരട്ട കിരീടം. സ്പാനിഷ് ലാ ലീഗ കിരീടം നേടി ഒരാഴ്ചയ്ക്കകം കോപ്പ ഡെല്‍ റെ കിരീടം കൂടി സ്വന്തമാക്കിയിരിക്കുകയാണ് ലയണല്‍ മെസ്സിയും കൂട്ടരും.
ഫൈനലില്‍ സെവിയ്യയെ എക്‌സ്ട്രാ ടൈമില്‍ നേടിയ രണ്ട് ഗോളിനാണ് പത്തുപേരുമായി കളിച്ച ബാഴ്‌സ തോല്‍പിച്ചത്. 97-ാം മിനിറ്റില്‍ മെസ്സിയുടെ പാസില്‍ ജോര്‍ഡി ആല്‍ബയിലൂടെയാണ് ബാഴ്‌സ ആദ്യം ലീഡ് നേടിയത്. 122-ാം മിനിറ്റില്‍ നെയ്മര്‍ മെസ്സിയുടെ തന്നെ പാസില്‍ രണ്ടാംഗോളും വലയിലാക്കി. 36-ാം മിനിറ്റില്‍ ഹാവിയര്‍ മഷറാനൊ ചുവപ്പ് കാര്‍ഡ് കണ്ട് പുറത്തായതിനെ തുടര്‍ന്നാണ് ബാഴ്‌സ പത്തുപേരായി ചുരുങ്ങിയത്. ഗോളിലേയ്ക്ക് കുതിക്കുകയായിരുന്ന കെവിന്‍ ഗമെയ്‌രോയെ ജെഴ്‌സി പിടിച്ചു വലിച്ച് വീഴ്ത്തിയതിനാണ് മഷറാനൊ നേരിട്ട് ചുവപ്പ് കാര്‍ഡ് വാങ്ങിയത്.
92-ാം മിനിറ്റില്‍ എവര്‍ ബെനേഗയും അവസാന വിസിലിന് തൊട്ട് മുന്‍പ് കാരിക്കോ മാര്‍ട്ടിന്‍സും ചുവപ്പ് കണ്ട് പുറത്തായതോടെ ഒന്‍പതു പേരെയും വച്ചാണ് സെവിയ്യയും കളി അവസാനിപ്പിച്ചത്.
ഇത് ഇരുപത്തിയെട്ടാം തവണയാണ് ബാഴ്‌സ കോപ്പ ഡെല്‍ റെ കിരീടം നേടുന്നത്.
RELATED STORIES
IN CASE YOU MISSED IT
.jpg?$p=dd6a0d8&f=1x1&w=100&q=0.8)
.jpg?$p=79c0b37&q=0.8&f=16x11&w=104)
.jpg?$p=7631b5d&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..