ഗ്രീസ്മാന്റെ മുന്നേറ്റം ഫോട്ടോ: ട്വിറ്റർ|ബാഴ്‌സലോണ
മാഡ്രിഡ്: സ്പാനിഷ് കിങ്‌സ് കപ്പില്‍ ബാഴ്‌സലോണയ്ക്കും റയല്‍ മാഡ്രിഡിനും വിജയം. ബാഴ്‌സ 2-1ന് ഇബിസയെ തോല്‍പ്പിച്ചപ്പോള്‍ റയല്‍, യുണിയനിസ്റ്റാസിനെ പരാജയപ്പെടുത്തി. 3-1നായിരുന്നു റയലിന്റെ വിജയം.
ലയണല്‍ മെസ്സിയില്ലാതെ കളിക്കാനിറങ്ങിയ ബാഴ്‌സയുടെ രക്ഷകനായത് അന്റോയ്ന്‍ ഗ്രീസ്മാനാണ്. കളി തുടങ്ങി ഒമ്പതാം മിനിറ്റില്‍ തന്നെ ജോസഫ് കാബല്ലെ മാര്‍ട്ടിനിലൂടെ ഇബിസ മുന്നിലെത്തി. ഈ ലീഡ് 72-ാം മിനിറ്റുവരെ മറികടക്കാന്‍ ബാഴ്‌സയ്ക്ക് കഴിഞ്ഞില്ല.
പിന്നീട് ഗ്രീസ്മാന്‍ രക്ഷകനാകുകയായിരുന്നു. 72-ാം മിനിറ്റില്‍ സമനില ഗോള്‍ കണ്ടെത്തിയ ഗ്രീസ്മാന്‍ 94-ാം മിനിറ്റില്‍ വീണ്ടും വല ചലിപ്പിച്ചു.
യുണിയനിസ്റ്റാസിനെതിരേ 18-ാം മിനിറ്റില്‍ തന്നെ ഗരെത് ബെയ്‌ലിലൂടെ റയല്‍ മുന്നിലെത്തി. 57-ാം മിനിറ്റില്‍ അല്‍വാരൊ റൊമാരിയോ മോറില്ലോയിലൂടെ യുണിയനിസ്റ്റാസ് ഒപ്പം പിടിച്ചു, എന്നാല്‍ 62-ാം മിനിറ്റില്‍ സെല്‍ഫ് ഗോള്‍ ഇവര്‍ക്ക് വിനയായി. ഇതോടെ റയല്‍ 2-1ന് ലീഡെടുത്തു. 92-ാം മിനിറ്റില്‍ ബ്രഹിം ഡയസിലൂടെ റയല്‍ വിജയമുറിപ്പിച്ചു.
Content Highlights: Spanish Kings Cup Real Madrid Barcelona
RELATED STORIES
.jpg?$p=e1fda36&f=1x1&w=100&q=0.8)
.jpg?$p=7c255b7&f=1x1&w=100&q=0.8)
IN CASE YOU MISSED IT
.jpg?$p=e4e93ab&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..