സെര്‍ജിയോ റാമോസ് ഇനി ഫ്രാന്‍സില്‍; പിഎസ്ജിയുമായി രണ്ടു വര്‍ഷത്തെ കരാര്‍, Sergio Ramos,Football

08 July 2021, 05:48 PM IST

റയലില്‍ ലഭിച്ചിരുന്നതിനേക്കാള്‍ ഉയര്‍ന്ന പ്രതിഫലം നല്‍കിയാണ് 35-കാരനെ പി.എസ്.ജിയില്‍ എത്തിച്ചതെന്നാണ് പുറത്തുവരുന്ന റിപ്പോര്‍ട്ടുകള്‍.

സെർജിയോ റാമോസ് | Photo: twitter| PSG

പാരിസ്: റയൽ മാഡ്രിഡിലെ 16 വർഷത്തെ കരിയർ അവസാനിപ്പിച്ച പ്രതിരോധ താരം സെർജിയോ റാമോസ് ഫ്രഞ്ച് ക്ലബ്ബ് പി.എസ്.ജിയുമായി കരാറൊപ്പിട്ടു. പിഎസ്ജി ഇക്കാര്യം ഔദ്യോഗികമായി സ്ഥിരീകരിച്ചു. അടുത്ത രണ്ടു വർഷത്തേക്കാണ് കരാർ. റയലിൽ ലഭിച്ചിരുന്നതിനേക്കാൾ ഉയർന്ന പ്രതിഫലം നൽകിയാണ് 35-കാരനായ റാമോസിനെ പി.എസ്.ജിയിൽ എത്തിച്ചതെന്നാണ് പുറത്തുവരുന്ന റിപ്പോർട്ടുകൾ.

റയലിനൊപ്പം നാല് തവണ ചാമ്പ്യൻസ് ലീഗ് കിരീടമുയർത്താൻ റാമോസിന് കഴിഞ്ഞിട്ടുണ്ട്. എന്നാൽ രണ്ടു തവണയും കിരീടത്തിന് അടുത്തെത്തി പിഎസ്ജി വീഴുകയായിരുന്നു. കഴിഞ്ഞ തവണ സെമി ഫൈനലിലും അതിന് മുമ്പ് ഫൈനലിലും പി.എസ്.ജി പരാജയപ്പെട്ടു. റാമോസിന്റെ പരിചയസമ്പത്ത് പ്രയോജനപ്പെടുത്താമെന്ന പ്രതീക്ഷയിലാണ് പി.എസ്.ജി. മുൻ ഫ്രഞ്ച് ചാമ്പ്യൻമാർക്കൊപ്പം കളിക്കാൻ കഴിയുന്നതിൽ സന്തോഷമുണ്ടെന്ന് കരാറൊപ്പിട്ട ശേഷം റാമോസ് വ്യക്തമാക്കി.

നിലവിൽ എംബാപ്പെയും നെയ്മറും എയ്ഞ്ചൽ ഡി മരിയയും അടക്കമുള്ള സൂപ്പർ താരങ്ങൾ പി.എസ്.ജിയിലുണ്ട്. കഴിഞ്ഞ ദിവസം മൊറോക്കൻ ഫുട്ബോൾ താരം അഷ്റഫ് ഹകീമിയും പി.എസ്.ജിയിലെത്തിയിരുന്നു. ഇതിന് പിന്നാലെയാണ് റാമോസ് കരാർ ഉറപ്പിച്ചത്.

Content Highlights: Sergio Ramos joins PSG on two year deal

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)