കീവ്: സെനഗലിലെ തന്റെ ഗ്രമാത്തിലെ കൂട്ടുകാര്‍ക്കും ബന്ധുക്കള്‍ക്കും അയല്‍ക്കാര്‍ക്കും ചാമ്പ്യന്‍സ് ലീഗ് ഫൈനല്‍ നടക്കുമ്പോള്‍ അണിയാനായി ലിവര്‍പൂള്‍ താരം സാദിയോ മാനെ 300 ജഴ്‌സികള്‍ അയച്ചുകൊടുത്തു.
തന്റെ ഗ്രാമമായ ബന്‍ബലിയിലേക്കാണ് മാനെ ചെമ്പടയുടെ ജേഴ്സി അയച്ചിരിക്കുന്നത്. 2005-ല്‍ ചാമ്പ്യന്‍സ് ലീഗ് ഫൈനലില്‍ ലിവര്‍പൂളും എസിമിലാനും ഏറ്റുമുട്ടുമ്പോള്‍ 12 വയസുകാരനായ സാദിയോ മാനെ ബന്‍ബലിയിലെ ഗ്രാമവാസികള്‍ക്കൊപ്പമിരുന്ന് കളി കണ്ടതിന്റെ മാധുര്യമേറിയ സ്മരണയും ഈ ജഴ്‌സി കൊടുത്തയക്കിലിന്റെ പിന്നിലുണ്ട്.
ബന്‍ബലി ഗ്രാമത്തില്‍ തന്നെയാണ് ഇപ്പോഴും സാദിയോയുടെ കുടുംബം കഴിയുന്നത്. റയലിനെതിരായ ഫൈനലില്‍ ജയിച്ച് കിരീടം ചൂടുമെന്നും തന്റെ ജീവിതത്തിലെ അവിശ്വസനീയമായ ഒന്നായിരിക്കും അതെന്നും അദ്ദേഹം ആത്മവിശ്വാസം പ്രകടിപ്പിച്ചു.
2005-ല്‍ ചാമ്പ്യന്‍സ് ലീഗ് ഫൈനലില്‍ ലിവര്‍പൂളും എ സി മിലാനും വാശിയേറിയ പോരാട്ടം നടക്കുമ്പോള്‍ ഗ്രാമവാസികള്‍ക്കൊപ്പം ഞാനും കളി കണ്ടിരുന്നു. എന്നാല്‍ ആ സമയം ഞാന്‍ ലിവര്‍പൂളിനെ പിന്തുണച്ചിരുന്നില്ല. അന്ന് ഞാന്‍ ബാഴ്‌സിലോണയുടെ വലിയ ആരാധകനായിരുന്നുവെന്നും സാദിയോ പറഞ്ഞു.
ലിവര്‍പൂള്‍ ഫൈനലിലെത്തിയതില്‍ സാദിയോ മാനെയുടെ പങ്ക് നിര്‍ണായകമായിരുന്നു. ഈ ചാമ്പ്യന്‍സ് ലീഗില്‍ ഒമ്പത് ഗോളാണ് മാനെ നേടിയത്.
Content Highlights: Sadio Mane sends 300 Liverpool jerseys to his village
RELATED STORIES
IN CASE YOU MISSED IT
.jpg?$p=f67c2a2&f=1x1&w=100&q=0.8)
.jpg?$p=1990e2a&q=0.8&f=16x11&w=104)
.jpg?$p=3ca10ba&q=0.8&f=16x11&w=104)
.jpg?$p=d83648f&q=0.8&f=16x11&w=104)
.jpg?$p=48405e6&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..