Photo: AFP
ലിസ്ബണ്‍: 2024 യൂറോ കപ്പിനോടനുബന്ധിച്ചുള്ള യോഗ്യതാ മത്സരങ്ങള്‍ക്കുള്ള പോര്‍ച്ചുഗല്‍ ടീമിനെ പ്രഖ്യാപിച്ച് പുതിയ പരിശീലകന്‍ റോബര്‍ട്ടോ മാര്‍ട്ടിനെസ്. സൂപ്പര്‍ താരം ക്രിസ്റ്റ്യാനോ റൊണാള്‍ഡോ ടീമിലുണ്ട്. 26 അംഗ സംഘത്തെയാണ് പരിശീലകന്‍ പ്രഖ്യാപിച്ചത്.
ലക്‌സംബര്‍ഗ്, ലീസ്റ്റെന്‍സ്റ്റെയ്ന്‍ എന്നീ ടീമുകള്‍ക്കെതിരെയാണ് പോര്‍ച്ചുഗലിന്റെ മത്സരം. റൊണാള്‍ഡോ ടീമിന്റെ അവിഭാജ്യ ഘടകമാണെന്നും വയസ്സ് തിരഞ്ഞെടുപ്പിലെ മാനദണ്ഡമല്ലെന്നും പരിശീലകന്‍ മാര്‍ട്ടിനെസ് വ്യക്തമാക്കി. ബെല്‍ജിയത്തിന്റെ മുന്‍ പരിശീലകനാണ് മാര്‍ട്ടിനെസ്. മാര്‍ച്ച് 23 നാണ് ടീമിന്റെ ആദ്യ മത്സരം.
ലോകകപ്പ് പ്രീ ക്വാര്‍ട്ടറില്‍ സ്വിറ്റ്‌സര്‍ലന്‍ഡിനെതിരായ മത്സരത്തില്‍ പോര്‍ച്ചുഗല്‍ ടീമിന്റെ ആദ്യ ഇലവനില്‍ നിന്ന് റൊണാള്‍ഡോ പുറത്തായിരുന്നു. പിന്നാലെ വന്ന ക്വാര്‍ട്ടര്‍ ഫൈനലില്‍ മൊറോക്കോയ്‌ക്കെതിരെയും താരം സൈഡ് ബെഞ്ചിലായിരുന്നു. ഈ മത്സരങ്ങളുമായി ബന്ധപ്പെട്ട് നിരവധി ഗോസിപ്പുകളും പുറത്തുവന്നിരുന്നു. റൊണാള്‍ഡോയുടെ കാലം കഴിഞ്ഞുവെന്നും താരം ടീമില്‍ നിന്ന് പുറത്താകുമെന്നും പലരും വിധിയെഴുതി. എന്നാല്‍ പുതിയ പരിശീലകന്‍ സ്ഥാനമേറ്റതോടെ റൊണാള്‍ഡോ വിമര്‍ശകരുടെ വായടപ്പിച്ചിരിക്കുകയാണ്.
2003 ഓഗസ്റ്റില്‍ ആദ്യമായി പോര്‍ച്ചുഗല്‍ കുപ്പായമണിഞ്ഞ റൊണാള്‍ഡോ രാജ്യത്തിനായി 118 ഗോളുകള്‍ നേടി റെക്കോഡിട്ടു. അന്താരാഷ്ട്ര ഫുട്‌ബോളില്‍ ഏറ്റവുമധികം ഗോളുകള്‍ നേടിയ താരമാണ് റൊണാള്‍ഡോ. 38 കാരനായ റൊണാള്‍ഡോ നിലവില്‍ സൗദി അറേബ്യന്‍ ക്ലബ്ബ് അല്‍ നസ്‌റിനുവേണ്ടിയാണ് കളിക്കുന്നത്.
Content Highlights: Roberto Martinez Includes Cristiano Ronaldo In Squad For Opening Euro Qualifiers
Also Watch
RELATED STORIES
.png?$p=c3eee67&f=1x1&w=100&q=0.8)
.jpg?$p=e1fda36&f=1x1&w=100&q=0.8)
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..