മാഡ്രിഡ്: ലാ ലിഗയിൽ ഈ സീസണിലെ ആദ്യ വിജയവുമായി റയൽ മാഡ്രിഡ്. എവേ മത്സരത്തിൽ റയൽ ബെറ്റിസിനെ രണ്ടിനെതിരേ മൂന്നു ഗോളിനാണ് റയൽ മാഡ്രിഡ് തോൽപ്പിച്ചത്. ആദ്യ പകുതിയിൽ പിന്നിൽ നിന്ന ശേഷം പൊരുതിക്കയറുകയായിരുന്നു മാഡ്രിഡ്.
യുറുഗ്വായുടെ യുവതാരം ഫെഡറിക്കോ വാൽവെർഡേയിലൂടെ 14-ാം മിനിറ്റിൽ റയൽ മാഡ്രിഡ് ലീഡെടുത്തു. എന്നാൽ രണ്ട് മിനിറ്റിനുള്ളിൽ രണ്ട് ഗോളുകൾ നേടി റയൽ ബെറ്റിസ് മാഡ്രിഡിനെ ഞെട്ടിച്ചു. 35-ാം മിനിറ്റിൽ എയ്സ മാൻഡിയും 37-ാം മിനിറ്റിൽ വില്ല്യം കാർവാലോയുമാണ് ലക്ഷ്യം കണ്ടത്.
എന്നാൽ 48-ാം മിനിറ്റിൽ എമേഴ്സൺന്റെ സെൽഫ് ഗോളിലൂടെ റയൽ മാഡ്രിഡ് തിരിച്ചടിച്ചു. 67-ാം മിനിറ്റിൽ എമേഴ്സൺ ചുവപ്പ് കാർഡ് കണ്ട് പുറത്തായതോടെ റയൽ ബെറ്റിസ് പത്ത് പേരായി ചുരുങ്ങി. ഒടുവിൽ 82-ാം മിനിറ്റിൽ സെർജിയോ റാമോസിന്റെ പെനാൽറ്റിയിലൂടെ റയൽ വിജയഗോൾ നേടി.
Content Highlights: Real Madrid Sergio Ramos La Liga Football
