ചാമ്പ്യന്‍സ് ലീഗില്‍ ഷാക്തറിനെ മുക്കി റയല്‍, ഇന്ററിനും വിജയം


റയല്‍ എതിരില്ലാത്ത അഞ്ചുഗോളുകള്‍ക്ക് ഷാക്തര്‍ ഡോണെറ്റ്‌സ്‌കിനെ തകര്‍ത്തപ്പോള്‍ ഇന്റര്‍ അട്ടിമറിവീരന്മാരായ ഷെറീഫിനെ മറികടന്നു

Photo: AP

കീവ്: ചാമ്പ്യന്‍സ് ലീഗില്‍ സ്പാനിഷ് വമ്പന്മാരായ റയല്‍ മഡ്രിഡിനും ഇറ്റാലിയന്‍ സീരി എ ചാമ്പ്യന്മാരായ ഇന്റര്‍മിലാനും വിജയം. ഗ്രൂപ്പ് ഡിയില്‍ നടന്ന മത്സരത്തില്‍ റയല്‍ എതിരില്ലാത്ത അഞ്ചുഗോളുകള്‍ക്ക് ഷാക്തര്‍ ഡോണെറ്റ്‌സ്‌കിനെ തകര്‍ത്തപ്പോള്‍ ഇന്റര്‍ അട്ടിമറിവീരന്മാരായ ഷെറീഫിനെ മറികടന്നു.

തകര്‍പ്പന്‍ ഫോം പുറത്തെടുത്ത റയല്‍ മുന്നേറ്റനിര ഷാക്തര്‍ പ്രതിരോധത്തെ പിച്ചിച്ചീന്തി. യുവതാരം വിനീഷ്യസ് ജൂനിയര്‍ ഇരട്ട ഗോളുകള്‍ നേടിയപ്പോള്‍ സൂപ്പര്‍താരം കരിം ബെന്‍സേമ, റോഡ്രിഗോ എന്നിവരും റയലിനായി ലക്ഷ്യം കണ്ടു. സെര്‍ഹി ക്രിവ്‌സ്‌റ്റോവിന്റെ സെല്‍ഫ് ഗോളും ടീമിന് തുണയായി.

കഴിഞ്ഞ മത്സരത്തില്‍ ദുര്‍ബലരായ ഷെറീഫിനോട് തോല്‍വി വഴങ്ങിയ റയലിന് ഏറെ ആശ്വാസം പകരുന്ന വിജയമാണിത്. കൂറ്റന്‍ വിജയം നേടിയെങ്കിലും ഗ്രൂപ്പ് ഡിയില്‍ റയല്‍ രണ്ടാമതാണ്.

ഷെറീഫിനെ ഒന്നിനെതിരേ മൂന്നുഗോളുകള്‍ക്കാണ് ഇന്റര്‍ തകര്‍ത്തത്. എഡിന്‍ സെക്കോ, ആര്‍തുറോ വിദാല്‍, സ്‌റ്റെഫാന്‍ വിര്‍ജ് എന്നിവര്‍ ഇന്ററിന് വേണ്ടി വലകുലുക്കിയപ്പോള്‍ ഷെറീഫിനായി സെബാസ്റ്റ്യന്‍ ത്രില്‍ ആശ്വാസ ഗോള്‍ നേടി. തോറ്റെങ്കിലും ഗ്രൂപ്പ് ഡിയില്‍ ഷെറീഫാണ് ഒന്നാം സ്ഥാനത്ത്. മൂന്ന് മത്സരങ്ങളില്‍ നിന്ന് ആറുപോയന്റാണ് ടീമിനുള്ളത്. 4 പോയന്റുള്ള ഇന്റര്‍ മൂന്നാമതാണ്. ഒരുപോയന്റ് മാത്രമുള്ള ഷാക്തര്‍ നാലാം സ്ഥാനത്തേക്ക് വീണു.

Content Highlights: Real Madrid celebrate win over Shakhtar Donetsk, Inter Milan beat Sheriff


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented