റയല്‍ മഡ്രിഡും മാഞ്ചെസ്റ്റര്‍ സിറ്റിയും ചാമ്പ്യന്‍സ് ലീഗ് ക്വാര്‍ട്ടര്‍ ഫൈനലില്‍


റയല്‍ അത്‌ലാന്റയെയും സിറ്റി മോണ്‍ഷെങ്ഗ്ലാഡ്ബാക്കിനെയുമാണ് കീഴടക്കിയത്.

Photo: twitter.com|realmadriden

മഡ്രിഡ്: കരുത്തരായ റയല്‍ മഡ്രിഡും മാഞ്ചെസ്റ്റര്‍ സിറ്റിയും യുവേഫ ചാമ്പ്യന്‍സ് ലീഗിന്റെ ക്വാര്‍ട്ടര്‍ ഫൈനലില്‍ പ്രവേശിച്ചു. റയല്‍ അത്‌ലാന്റയെയും സിറ്റി മോണ്‍ഷെങ്ഗ്ലാഡ്ബാക്കിനെയുമാണ് കീഴടക്കിയത്.

രണ്ടാം പാദ പ്രീ ക്വാര്‍ട്ടര്‍ മത്സരത്തില്‍ ഒന്നിനെതിരേ മൂന്നു ഗോളുകള്‍ക്കാണ് റയലിന്റെ വിജയം. 34-ാം മിനിട്ടില്‍ കരീം ബെന്‍സേമ റയലിനായി ആദ്യഗോള്‍ നേടി. 60-ാം മിനിട്ടില്‍ ലഭിച്ച പെനാല്‍ട്ടി ലക്ഷ്യത്തിലെത്തിച്ച് സെര്‍ജിയോ റാമോസ് ലീഡ് രണ്ടാക്കി. 83-ാം മിനിട്ടില്‍ അത്‌ലാന്റയ്ക്കായി മ്യൂറിയേല്‍ ഫ്രൂട്ടോ ഒരു ഗോള്‍ തിരിച്ചടിച്ചെങ്കിലും തൊട്ടുപിന്നാലെ റയലിനുവേണ്ടി മാര്‍ക്കോ അസെന്‍സിയോ ഗോള്‍ നേടി.

രണ്ടു പാദങ്ങളിലുമായി 4-1 എന്ന സ്‌കോറിനാണ് റയലിന്റെ വിജയം. ആദ്യപാദത്തില്‍ എതിരില്ലാത്ത ഒരു ഗോളിനായിരുന്നു ടീമിന്റെ വിജയം. ഈ വിജയത്തോടെ ഏറ്റവുമധികം തവണ ചാമ്പ്യന്‍സ് ലീഗ് ക്വാര്‍ട്ടറിലെത്തുന്ന ടീം എന്ന റെക്കോഡ് റയല്‍ ഊട്ടിയുറപ്പിച്ചു. 36 തവണയാണ് റയല്‍ ക്വാര്‍ട്ടറില്‍ ഇടം നേടിയത്. 30 തവണ പ്രവേശിച്ച ബയേണ്‍ മ്യൂണിക്കാണ് രണ്ടാമത്.

മോണ്‍ഷെങ്ഗ്ലാഡ്ബാക്കിന്റെ ഹോം ഗ്രൗണ്ടില്‍ വെച്ചുനടന്ന രണ്ടാം പാദ മത്സരത്തില്‍ എതിരില്ലാത്ത രണ്ടു ഗോളുകള്‍ക്കാണ് മാഞ്ചെസ്റ്റര്‍ സിറ്റിയുടെ വിജയം. 12-ാം മിനിട്ടില്‍ കെവിന്‍ ഡിബ്രുയിനെയും 18-ാം മിനിട്ടില്‍ ഗുണ്ടോഗനും സിറ്റിയ്ക്കായി വലകുലുക്കി. ആദ്യ പാദ മത്സരത്തിലും ഇതേ സ്‌കോറിനാണ് സിറ്റി വിജയിച്ചത്. രണ്ട് പാദങ്ങളിലുമായി 4-0 എന്ന സ്‌കോറിന് സിറ്റി മോണ്‍ഷെങ്ഗ്ലാഡ്ബാക്കിനെ കീഴടക്കി.

ഇന്ന് നടക്കുന്ന പ്രീക്വാര്‍ട്ടര്‍ മത്സരങ്ങളില്‍ ബയേണ്‍ ലാസിയോയെയും ചെല്‍സി അത്‌ലറ്റിക്കോ മഡ്രിഡിനെയും നേരിടും.

Content Highlights: Real Madrid and Manchester City cruise into UEFA Champions League quarters


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


pfi

1 min

കൊച്ചിയില്‍ പോലീസുകാരന് പോപ്പുലര്‍ ഫ്രണ്ട് ബന്ധം, സി.പി.ഒ സിയാദിന് സസ്‌പെന്‍ഷന്‍

Oct 4, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021

Most Commented