ആരാധകന്‍ കുഴഞ്ഞുവീണു, ടോട്ടനം-ന്യൂ കാസില്‍ മത്സരം അല്‍പനേരം നിര്‍ത്തിവെച്ചു


മത്സരത്തില്‍ ടോട്ടനം ന്യൂകാസിലിനെ കീഴടക്കി. രണ്ടിനെതിരേ മൂന്നുഗോളുകള്‍ക്കാണ് ടോട്ടനത്തിന്റെ വിജയം

Photo: AP

ലണ്ടന്‍: ഗാലറിയിലിരുന്ന്‌ കളി കാണുകയായിരുന്ന ആരാധകന് ഹൃദയാഘാതമുണ്ടായതിനെ തുടര്‍ന്ന് ഇംഗ്ലീഷ് പ്രീമിയര്‍ ലീഗിലെ ടോട്ടനം-ന്യൂകാസില്‍ മത്സരം നിര്‍ത്തിവെച്ചു. ഗ്രൗണ്ടിലുണ്ടായിരുന്ന മെഡിക്കല്‍ സംഘം അടിയന്തര ശുശ്രൂഷ നല്‍കുകയും തുടര്‍ന്ന് ആശുപത്രിയിലേക്ക് മാറ്റുകയും ചെയ്തു. ഇതിന് ശേഷമാണ് കളി പുനരാരംഭിച്ചത്.

ആദ്യപകുതിയുടെ അവസാനമിനിറ്റുകളിലാണ് സംഭവം. ഗാലറിയിലെ സംഭവം ശ്രദ്ധയില്‍പ്പെട്ട ടോട്ടനം താരങ്ങളായ സെര്‍ജി റെഗുലിയോണും എറിക് ഡയറും റഫറിയുടെ ശ്രദ്ധയില്‍പ്പെടുത്തുകയായിരുന്നു. ഇതേ തുടര്‍ന്നാണ് മെഡിക്കല്‍ സംഘം എത്തിയത്.

മത്സരത്തില്‍ ടോട്ടനം ന്യൂകാസിലിനെ കീഴടക്കി. രണ്ടിനെതിരേ മൂന്നുഗോളുകള്‍ക്കാണ് ടോട്ടനത്തിന്റെ വിജയം. ടോട്ടനത്തിനായി ടാങ്ഗ്വായ് എന്‍ഡോംബെലെ, സൂപ്പര്‍ താരം ഹാരി കെയ്ന്‍, സണ്‍ ഹ്യുങ് മിന്‍ എന്നിവര്‍ സ്‌കോര്‍ ചെയ്തു. ന്യൂ കാസിലിനായി കാല്ലം വില്‍സണ്‍ ലക്ഷ്യം കണ്ടപ്പോള്‍ എറിക്ക് ഡയറുടെ സെല്‍ഫ് ഗോളും ടീമിന് തുണയായി. സീസണില്‍ കെയ്‌നിന്റെ ആദ്യ ഗോളാണിത്.

ഈ വിജയത്തോടെ ടോട്ടനം പോയന്റ്‌ പട്ടികയില്‍ മാഞ്ചെസ്റ്റര്‍ യുണൈറ്റഡിനെ മറികടന്ന് അഞ്ചാം സ്ഥാനത്തെത്തി. എട്ട് മത്സരങ്ങളില്‍ നിന്ന് അഞ്ച് വിജയങ്ങളാണ് ടീമിനുള്ളത്. മോശം ഫോം തുടരുന്ന ന്യൂകാസിലിന് ഇതുവരെ ഒരു മത്സരത്തില്‍ പോലും വിജയിക്കാനായിട്ടില്ല. പോയന്റ് പട്ടികയില്‍ 19-ാം സ്ഥാനത്താണ് ടീം.

Content Highlights: Play halted at Newcastle vs Tottenham after fan collapses


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


v muraleedharan

1 min

കേരളം കത്തുമ്പോള്‍ പിണറായി ചെണ്ടകൊട്ടി രസിച്ചു, ഒരുമഹാന്‍ കണ്ടെയ്‌നറില്‍ കിടന്നുറങ്ങി- വി മുരളീധരന്‍

Sep 24, 2022

Most Commented