അന്ന് പെലെയെക്കുറിച്ച് ബ്രിട്ടോ ഇങ്ങനെ പറഞ്ഞു, 'ഇവന്‍ ലോകത്തിലെ ഏറ്റവും മികച്ച ഫുട്‌ബോളറാകും'


അഭിനാഥ് തിരുവലത്ത്‌

പെലെയുടെ വരവിന് സാന്റോസ് കടപ്പെട്ടിരിക്കുന്നത് വാള്‍ഡെമാര്‍ ഡി ബ്രിട്ടോ എന്ന ബ്രസീലിയന്‍ താരത്തോടാണ്

Photo: Getty Images

റെ പുരാതനമായ ഒരു ഫുട്ബോള്‍ ക്ലബ്ബാണ് സാന്റോസ്. 1912 ഏപ്രില്‍ 14-നായിരുന്നു ക്ലബ്ബിന്റെ പിറവി. റയ്മുണ്‍ഡോ മാര്‍ക്വസ്, മാരിയോ ഫെറെസ് ഡെ കാംപോസ്, അര്‍ജെമിറോ സൗസ എന്നീ മൂന്ന് ഫുട്ബോള്‍ ഭ്രാന്തന്മാരുടെ കളിഭ്രമമാണ് സാന്റോസ് ക്ലബ്ബിന്റെ ജനനത്തിന് വഴിവെച്ചത്. രണ്ടു പതിറ്റാണ്ടുകള്‍ക്ക് ശേഷം 1935-ലാണ് സാന്റോസ് ആദ്യമായി സാവോ പൗലോ പ്രീമിയര്‍ സ്റ്റേറ്റ് ലീഗ് ജേതാക്കളാകുന്നത്.

1956-ലാണ് സാന്റോസിന്റെ തലവര മാറുന്നത്. പെലെ സാന്റോസിന്റെ ഭാഗമാകുന്നത് ആ വര്‍ഷമായിരുന്നു. പെലെയുടെ വരവിന് സാന്റോസ് കടപ്പെട്ടിരിക്കുന്നത് വാള്‍ഡെമാര്‍ ഡി ബ്രിട്ടോ എന്ന ബ്രസീലിയന്‍ താരത്തോടാണ്. അദ്ദേഹമാണ് പെലെയെ കണ്ടെത്തുന്നതും സാന്റോസിലെത്തിക്കുന്നതും.

അന്ന് തുച്ഛമായ ശമ്പളമായിരുന്നു ക്ലബ്ബ് പെലെയ്ക്ക് വാഗ്ദാനം ചെയ്തത്. പക്ഷേ അന്നത്തെ ആ 15 വയസുകാരനെ സാന്റോസ് ക്ലബ്ബ് ഡയറക്ടര്‍ക്ക് ബ്രിട്ടോ പരിചയപ്പെടുത്തിയത് ഇങ്ങനെയായിരുന്നു - ''ഇവന്‍ ലോകത്തിലെ ഏറ്റവും മികച്ച ഫുട്ബോള്‍ താരമാകും.''

1956 സെപ്റ്റംബറിലാണ് കുഞ്ഞു പെലെ സാന്റോസിനായി ആദ്യമായി കളത്തിലിറങ്ങുന്നത്. കൊറിന്ത്യന്‍സിനെതിരായ മത്സരത്തില്‍ നാലു ഗോളുകളോടെ തിളങ്ങിയ പെലെ പെട്ടെന്നു തന്നെ സാന്റോസിന്റെയും ആരാധകരുടെയും പ്രിയപ്പെട്ടവനായി മാറി. ആ സീസണില്‍ സാന്റോസ് ലീഗ് ജേതാക്കളാകുക കൂടി ചെയ്തതോടെ പെലെ പേരെടുക്കാന്‍ തുടങ്ങി. ആ സീസണില്‍ പെലെ അടിച്ചുകൂട്ടിയത് 17 ഗോളുകളായിരുന്നു. 16-ാം വയസില്‍ ലീഗിലെ ടോപ് സ്‌കോറര്‍ പട്ടം പെലെ സ്വന്തമാക്കി.

പെലെ എത്തിയതോടെ സാന്റോസിന്റെ രാശിയും തെളിഞ്ഞു. പെലെ കളിച്ച 18 സീസണുകളിലായി 10 ലീഗ് കിരീടങ്ങളാണ് സാന്റോസ് സ്വന്തമാക്കിയത്. 1958, 1960, 1961, 1962, 1964, 1965, 1967, 1968, 1969, 1973 എന്നീ വര്‍ഷങ്ങളിലായിരുന്നു ആ നേട്ടങ്ങള്‍.

സാന്റോസിനായി കളിക്കാനിറങ്ങിയതിന്റെ തൊട്ടടുത്ത വര്‍ഷം തന്നെ പെലെയെ തേടി ദേശീയ ടീമില്‍ നിന്നുള്ള വിളിയെത്തി. 1958, 1962 ലോകകപ്പുകളില്‍ ബ്രസീല്‍ ജേതാക്കളായതോടെ പെലെ ഫുട്ബോളിലെ താരത്തിളക്കമായി തീര്‍ന്നു. റയല്‍ മാഡ്രിഡ്, യുവെന്റസ്, മാഞ്ചെസ്റ്റര്‍ യുണൈറ്റഡ് തുടങ്ങിയ യൂറോപ്യന്‍ വമ്പന്‍മാരെല്ലാം പെലെ തങ്ങളുടെ പാളയത്തിലെത്തിക്കാന്‍ ശ്രമം തുടങ്ങി. പക്ഷേ അതെല്ലാം വെറുതെയായി. 1958-ല്‍ ഇന്റര്‍ മിലാന്‍ താരവുമായി കരാറിലെത്തി. ഇതറിഞ്ഞ ബ്രസീല്‍ ആരാധകര്‍ കലാപക്കൊടിയുയര്‍ത്തി. ഒടുവില്‍ സാന്റോസ് ചെയര്‍മാന്റെ അപേക്ഷയനുസരിച്ച് മിലാന്‍ ഉടമയും പ്രമുഖ വ്യവസായിയുമായിരുന്ന ആഞ്ജലോ മൊറാറ്റിക്ക് പെലെയുമായുള്ള കരാര്‍ കീറിക്കളയേണ്ടി വന്നു.

1958 സീസണില്‍ സാന്റോസിനായി 58 ഗോളുകള്‍ പെലെ അടിച്ചുകൂട്ടി. തൊട്ടടുത്ത വര്‍ഷം 45 ഗോളുകളും. ഗോളടിച്ചുകൂട്ടുന്നത് പതിവാക്കിയ താരം 1961-ല്‍ 47 ഗോളുകളും 1965-ല്‍ 49 ഗോളുകളും സാന്റോസിനായി സ്വന്തമാക്കി.

1961, 1962 വര്‍ഷങ്ങളില്‍ തുടര്‍ച്ചയായി സാന്റോസ് കോപ്പ ലിബര്‍ട്ടഡാറോസ് കപ്പില്‍ മുത്തമിട്ടതും പെലെയുടെ മികവിലായിരുന്നു. 1961, 1962, 1963, 1964, 1965, 1968 വര്‍ഷങ്ങളില്‍ സാന്റോസിനൊപ്പം ബ്രസീലിയന്‍ കപ്പ് വിജയങ്ങളിലും പെലെ പങ്കാളിയായി. 1962, 1963 വര്‍ഷങ്ങളില്‍ ലോക ക്ലബ്ബ് ചാമ്പ്യന്‍ഷിപ്പും നേടി.

1974 വരെ പെലെ സാന്റോസില്‍ തുടര്‍ന്നു. ആ വര്‍ഷം ഒക്ടോബര്‍ രണ്ടിനാണ് പെലെ തന്റെ പ്രിയ ക്ലബ്ബിനു വേണ്ടി അവസാനമായി ബൂട്ടുകെട്ടിയത്.

Content Highlights: Pele and the immortalize legacy of santos


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


mallikarjun kharge

2 min

അപ്രതീക്ഷിത നീക്കങ്ങള്‍; തരൂരിനെ തള്ളി ഖാര്‍ഗെയ്‌ക്കൊപ്പം നിരന്ന് ജി23യും, മുന്നില്‍ നിന്ന് ഗഹ്‌ലോത്

Sep 30, 2022


Mohan Bhagwat

1 min

തെറ്റായ ഭക്ഷണം കഴിക്കുന്നവര്‍ തെറ്റായ  വഴിയിലൂടെ സഞ്ചരിക്കും-നോണ്‍വെജിനെതിരെ മോഹന്‍ ഭാഗവത്

Sep 30, 2022

Most Commented