ചേട്ടന്‍ പോഗ്ബ ബഗാനില്‍, അനിയന്‍ പോഗ്ബ യുവന്റസില്‍, Paul Pogba, juventus fc, Florentin Pogba, ATK Mohun Bagan

26 June 2022, 05:12 PM IST

Photo: twitter.com/IFTWC

കൊല്‍ക്കത്ത: അനിയന്‍ പോഗ്ബ പഴയ ക്ലബ്ബായ യുവന്റസിലേക്ക് മടങ്ങിപ്പോകുമ്പോള്‍ ചേട്ടന്‍ പോഗ്ബയാണ് അമ്പരപ്പിക്കുന്നത്. ഇന്ത്യന്‍ സൂപ്പര്‍ലീഗ് ഫുട്ബോള്‍ ക്ലബ്ബ് എ.ടി.കെ. മോഹന്‍ ബഗാനിലേക്കാണ് വരവ്. ഫ്‌ളോറന്റീന്‍ പോഗ്ബയുമായി കൊല്‍ക്കത്ത ക്ലബ്ബ് രണ്ടുവര്‍ഷത്തെ കരാറിലെത്തി.

ഫ്രഞ്ച് സൂപ്പര്‍താരം പോള്‍ പോഗ്ബയുടെ ചേട്ടനാണ് 32-കാരനായ ഫ്‌ളോറന്റീന്‍. ഫ്രഞ്ച് രണ്ടാം ഡിവിഷന്‍ ക്ലബ്ബായ സോഷൂസ് മോണ്‍ബെല്യാര്‍ഡില്‍നിന്നാണ് സെന്‍ട്രല്‍ ഡിഫന്‍ഡര്‍ ബഗാനിലേക്ക് എത്തുന്നത്. സ്പാനിഷ് താരം ടിറി പരിക്കുമൂലം ക്ലബ്ബ് വിട്ട ഒഴിവിലേക്കാണ് ചേട്ടന്‍ പോഗ്ബയുടെ വരവ്. അന്താരാഷ്ട്ര ഫുട്‌ബോളില്‍ ഗിനിക്ക് വേണ്ടിയാണ് കളിക്കുന്നത്. പോള്‍ പോഗ്ബ ഫ്രഞ്ച് ടീമിനായാണ് ഇറങ്ങുന്നത്. മധ്യനിരതാരമായ പോള്‍ പോഗ്ബ മാഞ്ചെസ്റ്റര്‍ യുണൈറ്റഡില്‍ നിന്ന് ഇറ്റാലിയന്‍ ക്ലബ്ബ് യുവന്റസിലേക്ക് ചേക്കേറുമെന്ന് ഉറപ്പായി. ആറുവര്‍ഷമായി യുണൈറ്റഡിലാണ് കളിച്ചിരുന്നത്. ക്ലബ്ബുമായുള്ള കരാര്‍ ഈ മാസത്തോടെ അവസാനിക്കും. ഇതോടെയാണ് മുന്‍ ക്ലബ്ബിലേക്ക് മടങ്ങാന്‍ പോള്‍ പോഗ്ബ തിരുമാനിച്ചത്.

Content Highlights: Paul Pogba to join juventus his brother Florentin Pogba Signed By ATK Mohun Bagan

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)