ബ്രസീല്‍ ആരാധകര്‍ക്ക് നിരാശ, അര്‍ജന്റീനയ്‌ക്കെതിരായ മത്സരത്തില്‍ നെയ്മര്‍ കളിക്കില്ല


അര്‍ജന്റീനയ്ക്ക് വേണ്ടി സൂപ്പര്‍ താരം ലയണല്‍ മെസ്സി കളിക്കുമെന്ന് പരിശീലകന്‍ ലയണല്‍ സ്‌കളോനി അറിയിച്ചു.

Photo: AFP

സാന്‍ യുവാന്‍: 2022 ലോകകപ്പ് യോഗ്യതാ മത്സരത്തില്‍ അര്‍ജന്റീനയെ നേരിടാനൊരുങ്ങുന്ന ബ്രസീലിന് തിരിച്ചടി. അര്‍ജന്റീനയ്‌ക്കെതിരായ മത്സരത്തില്‍ സൂപ്പര്‍ താരം നെയ്മര്‍ ബ്രസീലിനുവേണ്ടി കളിക്കില്ല. പരിക്കാണ് താരത്തിന് തിരിച്ചടിയായത്.

ഇടത്തേ തുടയ്ക്ക് പരിക്കേറ്റ നെയ്മര്‍ക്ക് ടീം വിശ്രമം അനുവദിച്ചു. അര്‍ജന്റീനയിലെ സാന്‍ യുവന്‍ സ്റ്റേഡിയത്തില്‍ വെച്ചാണ് മത്സരം നടക്കുക.നെയ്മര്‍ക്ക് പുറമേ കാസെമിറോയും കളിക്കില്ല. അര്‍ജന്റീനയ്ക്ക് വേണ്ടി സൂപ്പര്‍ താരം ലയണല്‍ മെസ്സി കളിക്കുമെന്ന് പരിശീലകന്‍ ലയണല്‍ സ്‌കളോനി അറിയിച്ചു.

പരിക്കില്‍ നിന്നും മോചിതനായി തിരിച്ചെത്തിയ മെസ്സി യുറുഗ്വായ്‌ക്കെതിരായ മത്സരത്തില്‍ വെറും 15 മിനിട്ട് മാത്രമാണ് കളിച്ചത്. പി.എസ്.ജിയുടെ രണ്ട് മത്സരങ്ങളും താരത്തിന് നഷ്ടമായി. പി.എസ്.ജിയ്ക്ക് വേണ്ടി മെസ്സിയും നെയ്മറും ഒരുമിച്ചാണ് കളിക്കുന്നത്.

ലോകകപ്പ് യോഗ്യത ബ്രസീല്‍ നേരത്തേ ഉറപ്പിച്ചിട്ടുണ്ട്. 2009 ന് ശേഷം അര്‍ജന്റീനയ്‌ക്കെതിരേ അവരുടെ ഹോം ഗ്രൗണ്ടില്‍ വിജയിക്കാന്‍ ബ്രസീലിന് സാധിച്ചിട്ടില്ല.

ലോകകപ്പ് യോഗ്യതാ റൗണ്ടില്‍ 12 മത്സരങ്ങളില്‍ നിന്ന് 34 പോയന്റുകള്‍ നേടിക്കൊണ്ട് ബ്രസീല്‍ പോയന്റ് പട്ടികയില്‍ ഒന്നാം സ്ഥാനത്ത് നില്‍ക്കുന്നു. ഇത്രയും മത്സരങ്ങളില്‍ നിന്ന് 28 പോയന്റ് നേടിയ അര്‍ജന്റീന രണ്ടാം സ്ഥാനത്താണ്. ഇരുടീമുകളും യോഗ്യതാ റൗണ്ടില്‍ ഇതുവരെ തോല്‍വി വഴങ്ങിയിട്ടില്ല.

ഈയിടെ അവസാനിച്ച കോപ്പ അമേരിക്ക ഫൈനലില്‍ ബ്രസീലിനെ കീഴടക്കി കിരീടം നേടാന്‍ അര്‍ജന്റീനയ്ക്ക് സാധിച്ചിരുന്നു.

Content Highlights: Neymar out of Argentina vs Brazil in World Cup qualifying


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
policeman mango theft

1 min

മാമ്പഴം മോഷ്ടിച്ച പോലീസുകാരന്‍ ബലാത്സംഗക്കേസിലും പ്രതി; അതിജീവിതയെ ഉപദ്രവിക്കാനും ശ്രമം

Oct 5, 2022


shashi tharoor

4 min

തരൂര്‍ പേടിയില്‍ കോണ്‍ഗ്രസ്? പ്രമുഖ നേതാക്കള്‍ നെട്ടോട്ടത്തില്‍

Oct 5, 2022


05:30

കൊച്ചിയുടെ ഉറക്കം കെടുത്തിയ മരിയാർപൂതത്തെ മൽപിടിത്തത്തിലൂടെ പിടികൂടി തമിഴ്നാട് സ്വദേശി

Oct 3, 2022

Most Commented