പാരിസ്: ഫ്രഞ്ച് ക്ലബ്ബ് പി.എസ്.ജിയുടെ സൂപ്പർതാരം നെയ്മർ കോവിഡ് മുക്തനായി. കോവിഡ്-19 സ്ഥിരീകരിച്ചതിനെ തുടർന്ന് ഐസൊലേഷനിലായിരുന്ന നെയ്മർ ടീമിനൊപ്പം പരിശീലനത്തിന് ചേർന്നെന്ന് പരിശീലകൻ തോമസ് ടൂഹെൽ വ്യക്തമാക്കി.
നെയ്മറിനൊപ്പം എയ്ഞ്ചൽ ഡി മരിയ, ലിയാണ്ട്രൊ പരെദസ് എന്നിവരുടേയും പരിശോധനാഫലം നെഗറ്റീവ് ആയിട്ടുണ്ട്. മൂന്നു പേരും തിങ്കളാഴ്ച്ച് മാഴ്സയ്ക്ക് എതിരേ നടക്കുന്ന മത്സരത്തിൽ കളിക്കും.
എന്നാൽ മൗറോ ഇക്കാർഡി, എംബാപ്പെ, കെയ്ലർ നവാസ്, മാർക്കിഞ്ഞ്യോസ് എന്നിവർ ഇപ്പോഴും കോവിഡ് മുക്തരായിട്ടില്ല. നാലും പേരും ഐസൊലേഷനിൽ തുടരുകയാണ്. ഫ്രഞ്ച് ലീഗിലെ ആദ്യ മത്സരത്തിൽ ഏഴു പ്രധാന താരങ്ങളില്ലാതെ കളിച്ച പി.എസ്.ജി പരാജയപ്പെട്ടിരുന്നു. ലെൻസ് ക്ലബ്ബിനോടായിരുന്നു തോൽവി.
Content Highlights: Neymar clear of corona virus, PSG
