കേരളത്തിന് തോല്‍വിയോടെ തുടക്കം, ഒഡീഷയ്ക്കും മണിപ്പൂരിനും വന്‍ വിജയം


ഗ്രൂപ്പ് ജിയിലെ മത്സരത്തില്‍ മിസോറാം കേരളത്തെ തോല്‍പ്പിച്ചു.

കൂത്തുപറമ്പ്‌ നഗര സഭാ സ്റ്റേഡിയത്തിൽ ആരംഭിച്ച ഇരുപത്തിയാറാമത് ദേശീയ സീനിയർ വനിതാ ഫുട്ബോൾ ടൂർണ്ണമെന്റിലെ ആദ്യ ദിനത്തിൽ നിലവിലെ ചാമ്പ്യന്മാരായ മണിപ്പൂരും മേഘാലയയും തമ്മിൽ നടന്ന മത്സരം. ഏകപക്ഷീയമായ നാല് ഗോളുകൾക്കു മണിപ്പൂർ വിജയിച്ചു. | ഫോട്ടോ: ലതീഷ്‌ പി. | മാതൃഭൂമി

കോഴിക്കോട്: അവസാന മിനിറ്റില്‍ ഗോള്‍ വഴങ്ങിയ കേരളത്തിന് ദേശീയ വനിതാ ഫുട്ബോളില്‍ തോല്‍വിയോടെ തുടക്കം. ആവേശകരമായ കളിയില്‍ മിസോറം രണ്ടിനെതിരേ മൂന്നു ഗോളിന് ആതിഥേയരെ വീഴ്ത്തി. തോല്‍വി ക്വാര്‍ട്ടറിലേക്ക് മുന്നേറാനുള്ള കേരളത്തിന്റെ മോഹങ്ങള്‍ക്ക് തിരിച്ചടിയായി. മിസോറമിനായി ഗ്രേസ് ലാല്‍റാം പെരി (പെനാല്‍ട്ടി 39), എലിസബത്ത് വാന്‍ലാല്‍മാവി (79), ലാലുംസിയാമി(90+3) എന്നിവര്‍ ഗോള്‍ നേടി. കേരളത്തിനായി അതുല്യ (44), ഫെമിനാ രാജ് (45) എന്നിവര്‍ ലക്ഷ്യം കണ്ടു.

പെനാള്‍ട്ടി കിക്കിലൂടെ മിസോറമാണ് ലീഡെടുത്തത്. ലാല്‍നുന്‍ സുനായിയെ കേരളം ഫൗള്‍ ചെയ്തതിന് ലഭിച്ച പെനാള്‍ട്ടി കിക്ക് ഗ്രേസ് ലാല്‍റാംപെരി മിസോറമിന് ലീഡ് നല്‍കി. നേരത്തേ 18-ാം മിനിറ്റില്‍ കിട്ടിയ പെനാള്‍ട്ടി മിസോറമിന്റെ എലിസബത്ത് വാന്‍ലാല്‍മാവി തുലച്ചിരുന്നു.



പ്രതിരോധനിര താരം അതുല്യയിലൂടെ കേരളം സമനിലപിടിച്ചു. അതുല്യയുടെ ലോങ്ങ്റേഞ്ച് മിസോറം വലയില്‍ കയറി. തൊട്ടടുത്ത മിനിറ്റില്‍ ഫെമിനാരാജും കേരളത്തിനായി ഗോള്‍ കണ്ടെത്തി. പെനാള്‍ട്ടി ബോക്‌സിന് പുറത്തുനിന്നും ഫെമിനയുതിര്‍ത്ത ഷോട്ടാണ് ഗോളില്‍ കലാശിച്ചത്. ഇടവേളയ്ക്കുശേഷം എലിസബത്ത് വാന്‍ലാല്‍മാവിയും ഇഞ്ചുറി സമയത്തിന്റെ മൂന്നാം മിനിറ്റില്‍ ലാലുംസിയാമിയും സ്‌കോര്‍ ചെയ്തതോടെ മിസോറം ജയമുറപ്പിച്ചു.

ഗ്രൂപ്പ് ജി യിലെ ആദ്യകളിയില്‍ മധ്യപ്രദേശ് ഉത്തരാഖണ്ഡിനെ കീഴടക്കി (4-1). ചൊവ്വാഴ്ച ഉത്തരാഖണ്ഡുമായാണ് കേരളത്തിന്റെ അടുത്ത മത്സരം.

രാവിലെ നടന്ന മത്സരങ്ങളില്‍ ഒഡീഷയും മണിപ്പൂരും വിജയിച്ചു. കോഴിക്കോട് മെഡിക്കല്‍ കോളേജ് ഗ്രൗണ്ടില്‍ നടന്ന മത്സരത്തില്‍ ഒഡീഷ ആന്ധ്രാ പ്രദേശിനെ എതിരില്ലാത്ത ഒമ്പതു ഗോളുകള്‍ക്ക് തകര്‍ത്തു. ജബമണി, സുബദ്ര എന്നിവര്‍ ഇരട്ട ഗോളുകള്‍ നേടിയപ്പോള്‍ ജസോദ മുണ്ട, കരിശ്മ, ദീപ, സത്യബതി, സോണി എന്നിവരും ലക്ഷ്യം കണ്ടു.

കണ്ണൂര്‍ കൂത്തുപറമ്പ് നഗരസഭാ സ്റ്റേഡിയത്തില്‍ നടന്ന മത്സരത്തില്‍ നിലവിലെ ചാമ്പ്യന്‍മാരായ മണിപ്പൂര്‍ എതിരില്ലാത്ത നാല് ഗോളിന് മേഘാലയയെ തകര്‍ത്തു. റോജ ദേവി, മന്ദാകിനി, കിരണ്‍ബാല, ബേബിസന എന്നിവരാണ് മണിപ്പൂരിന്റെ ഗോളുകള്‍ കണ്ടെത്തിയത്.

Content Highlights: National Women Football Championship


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


argentina vs australia

3 min

ആളിക്കത്തി അര്‍ജന്റീന! ഓസ്‌ട്രേലിയയെ തകര്‍ത്ത് മെസ്സിയും സംഘവും ക്വാര്‍ട്ടര്‍ ഫൈനലില്‍

Dec 4, 2022


photo: Getty Images

1 min

മനോഹരം...മെസ്സി.... മാറഡോണയുടെ ഗോള്‍നേട്ടം മറികടന്നു

Dec 4, 2022

Most Commented