മെസ്സിക്ക് ചുവപ്പ് കാര്‍ഡ്; സൂപ്പര്‍ കപ്പ് ഫൈനലില്‍ ബാഴ്‌സയെ അട്ടിമറിച്ച് അത്‌ലറ്റിക്ക് ബില്‍ബാവോ


അധികസമയത്തേക്ക് നീണ്ട മത്സരത്തില്‍ രണ്ടിനെതിരേ മൂന്നു ഗോളുകള്‍ക്കായിരുന്നു ബില്‍ബാവോയുടെ ജയം

Photo: twitter.com|Athletic_en

മാഡ്രിഡ്: സ്പാനിഷ് സൂപ്പര്‍ കപ്പിലെ കലാശപ്പോരാട്ടത്തില്‍ കരുത്തരായ ബാഴ്‌സലോണയെ അട്ടിമറിച്ച് അത്‌ലറ്റിക്ക് ബില്‍ബാവോയ്ക്ക് കിരീടം.

അധികസമയത്തേക്ക് നീണ്ട മത്സരത്തില്‍ രണ്ടിനെതിരേ മൂന്നു ഗോളുകള്‍ക്കായിരുന്നു ബില്‍ബാവോയുടെ ജയം. സൂപ്പര്‍ താരം ലയണല്‍ മെസ്സി ചുവപ്പു കാര്‍ഡ് കണ്ട് പുറത്തായതോടെ ബാഴ്‌സയ്ക്ക് പൂര്‍ണമായും നിരാശയായിരുന്നു ഫലം. ബാഴ്‌സലോണ കരിയറില്‍ ഇതാദ്യമായാണ് മെസ്സിക്ക് ചുവപ്പു കാര്‍ഡ് കണ്ട് പുറത്തുപോകേണ്ടി വരുന്നത്.

ബാഴ്‌സയുടെ രണ്ടു ഗോളുകളും നേടിയത് അന്റോയ്ന്‍ ഗ്രീസ്മാനായിരുന്നു.

ഓസ്‌കാര്‍ ഡി മാര്‍ക്കോസ്, ഏസിയര്‍ വില്ലാലിബ്രെ, ഇനാകി വില്യംസ് എന്നിവരാണ് ബില്‍ബാവോയ്ക്കായി സ്‌കോര്‍ ചെയ്തത്.

ബില്‍ബാവോയുടെ മൂന്നാം സൂപ്പര്‍ കപ്പ് കിരീടമാണിത്. 1984, 2015 വര്‍ഷങ്ങളിലാണ് ഇതിനു മുമ്പ് ടീം കിരീടമണിഞ്ഞത്.

40ാം മിനിറ്റില്‍ ഗ്രീസ്മാനിലൂടെ ആദ്യം ലീഡെടുത്തത് ബാഴ്‌സയായിരുന്നു. രണ്ടു മിനിറ്റിന് ശേഷം മാര്‍ക്കോസിലൂടെ ബില്‍ബാവോ സമനില പിടിച്ചു.

ഇതിനിടെ 57-ാം മിനിറ്റില്‍ ബില്‍ബാവോ ഗോള്‍ നേടിയെങ്കിലും വാര്‍ പരിശോധനയില്‍ ഓഫ് സൈഡ് വിധിക്കുകയായിരുന്നു.

പിന്നാലെ 77-ാം മിനിറ്റില്‍ ബാഴ്‌സ വീണ്ടും ലീഡെടുത്തു. മത്സരം അവസാനിക്കാന്‍ നിമിഷങ്ങള്‍ ബാക്കിനില്‍ക്കെ വില്ലാലിബ്രെയിലൂടെ ബില്‍ബാവോ വീണ്ടും ഒപ്പമെത്തി. അധികസമയത്തേക്ക് നീണ്ട മത്സരത്തിന്റെ 93-ാം മിനിറ്റില്‍ വില്യംസിലൂടെ ബില്‍ബാവോ വിജയ ഗോള്‍ നേടി.

അധികസമയത്തിന്റെ അവസാന മിനിറ്റിലെ ഫൗളിനാണ് മെസ്സിക്ക് ചുവപ്പു കാര്‍ഡ് ലഭിച്ചത്.

Content Highlights: Messi sees red as Athletic Bilbao beat Barcelona to win Spanish Super Cup


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


v muraleedharan

1 min

കേരളം കത്തുമ്പോള്‍ പിണറായി ചെണ്ടകൊട്ടി രസിച്ചു, ഒരുമഹാന്‍ കണ്ടെയ്‌നറില്‍ കിടന്നുറങ്ങി- വി മുരളീധരന്‍

Sep 24, 2022

Most Commented