ഇരട്ടഗോളുകളുമായി തിളങ്ങി മെസ്സി, ഫോമിലേക്കുയര്‍ന്ന് ബാഴ്സലോണ


ഈ ജയത്തോടെ പോയന്റ് പട്ടികയില്‍ മൂന്നാം സ്ഥാനത്തേക്ക് കയറാന്‍ മെസ്സിയ്ക്കും സംഘത്തിനും സാധിച്ചു.

Photo: twitter.com|FCBarcelona

ബില്‍ബാവോ: ഇരട്ട ഗോളുകളുമായി തകര്‍പ്പന്‍ പ്രകടനം പുറത്തെടുത്ത സൂപ്പര്‍താരം ലയണല്‍ മെസ്സിയുടെ മികവില്‍ ലാലിഗയില്‍ അത്‌ലറ്റിക്ക് ബില്‍ബാവോയെ തകര്‍ത്ത് ബാഴ്സലോണ. രണ്ടിനെതിരേ മൂന്നുഗോളുകള്‍ക്കാണ് ടീമിന്റെ വിജയം. ഈ ജയത്തോടെ പോയന്റ് പട്ടികയില്‍ മൂന്നാം സ്ഥാനത്തേക്ക് കയറാന്‍ മെസ്സിക്കും സംഘത്തിനും സാധിച്ചു.

കളി തുടങ്ങി മൂന്നാം മിനിറ്റിൽ തന്നെ ബാഴ്സയെ ഞെട്ടിച്ചുകൊണ്ട് അത്‌ലറ്റിക്കാണ് ആദ്യം സ്‌കോര്‍ ചെയ്തത്. ഇനാകി വില്യംസാണ് ടീമിനായി ഗോള്‍ നേടിയത്. എന്നാല്‍ 14-ാം മിനിറ്റിൽ യുവതാരം പെഡ്രിയിലൂടെ ബാഴ്സ സമനില ഗോള്‍ നേടി. ഒരു ഫ്രീ ഹെഡ്ഡറിലൂടെയാണ് താരം ഗോള്‍ നേടിയത്.

രണ്ടാം ഗോളിന് വഴിവെച്ചതും പെഡ്രിയാണ്. ബോക്‌സിനകത്തുനിന്നും മനോഹരമായ ഒരു പാസ്സിലൂടെ പെഡ്രി പന്ത് മെസ്സിയുടെ കാലിലെത്തിച്ചു. അത് മികവോടെ മെസ്സി ഗോളാക്കി മാറ്റുകയും ചെയ്തു. രണ്ടാം പകുതിയില്‍ 62-ാം മിനിറ്റിൽ നേടിയ ഗോളിലൂടെ മെസ്സി തന്റെ രണ്ടാം ഗോള്‍ നേടി. ഗ്രീസ്മാന്റെ പാസ്സില്‍ നിന്നാണ് ഗോള്‍ പിറന്നത്. 90-ാം മിനിറ്റിൽ ഐകെര്‍ മുനിയന്‍ അത്‌ലറ്റിക്കിനായി ഗോള്‍ നേടിയെങ്കിലും ബാഴ്സ വിജയമുറപ്പിച്ചു.

ഈ വിജയത്തോടെ 17 മത്സരങ്ങളില്‍ നിന്നും 31 പോയന്റുകള്‍ നേടിയ ബാഴ്സ മൂന്നാം സ്ഥാനത്തെത്തി. ഇത്രയും മത്സരങ്ങളില്‍ നിന്നും 36 പോയന്റുള്ള റയലാണ് രണ്ടാം സ്ഥാനത്ത്. ലീഗില്‍ മികച്ച പ്രകടനം കാഴ്ചവെയ്ക്കുന്ന അത്‌ലറ്റിക്കോ മാഡ്രിഡ് ഒന്നാം സ്ഥാനത്ത് തുടരുന്നു. 15 മത്സരങ്ങളില്‍ നിന്നും 38 പോയന്റാണ് ടീമിനുള്ളത്.

Content Highlights: Messi nets 2 in Barcelona win at Bilbao in La Liga

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
alia bhatt

1 min

'ഞാന്‍ ഒരു സ്ത്രീയാണ്, പാഴ്‌സല്‍ അല്ല, ആരും എന്നെ ചുമക്കേണ്ടതില്ല'; രൂക്ഷ പ്രതികരണവുമായി ആലിയ

Jun 29, 2022


meena

1 min

'എന്റെ ജീവിതം കൂടുതല്‍ മനോഹരമാക്കിയ മഴവില്ല്';വിദ്യാസാഗറിനെ കുറിച്ച് അന്ന് മീന പറഞ്ഞു

Jun 29, 2022


devendra fadnavis

1 min

ഉദ്ധവിന്റെ രാജി ആഘോഷമാക്കി ബിജെപി; മധുരം പങ്കിട്ട് ഫട്നാവിസും നേതാക്കളും

Jun 29, 2022

Most Commented