ലോകകപ്പ് യോഗ്യതാമത്സരത്തില്‍ നെതര്‍ലന്‍ഡ്‌സിന് വിജയം, ഫ്രാന്‍സിന് സമനില


ക്രൊയേഷ്യ എതിരില്ലാത്ത ഒരു ഗോളിന് സ്ലൊവാക്യയെ കീഴടക്കി

Photo: AFP

പാരിസ്: ഫിഫ ഫുട്‌ബോള്‍ ലോകകപ്പ് യോഗ്യതാ മത്സരത്തില്‍ നെതര്‍ലന്‍ഡ്‌സ്‌, ക്രൊയേഷ്യ ടീമുകള്‍ക്ക് വിജയം. എന്നാല്‍ നിലവിലെ ലോകകപ്പ് ജേതാക്കളായ ഫ്രാന്‍സ് സമനിലക്കുരുക്കില്‍പ്പെട്ടു.

ഗ്രൂപ്പ് ജി യില്‍ നടന്ന മത്സരത്തില്‍ മോണ്ടെനെഗ്രോയെയാണ് നെതര്‍ലന്‍ഡ്‌സ്‌ പരാജയപ്പെടുത്തിയത്. എതിരില്ലാത്ത നാലുഗോളുകള്‍ക്കാണ് ടീമിന്റെ ജയം. നെതര്‍ലന്‍ഡ്‌സിനായി സൂപ്പര്‍ താരം മെംഫിസ് ഡീപേ ഇരട്ട ഗോളുകള്‍ നേടിയപ്പോള്‍ ജോര്‍ജീന്യോ വൈനാള്‍ഡവും കോഡി ഗാക്‌പോയും സ്‌കോര്‍ ചെയ്തു. ഈ വിജയത്തോടെ നെതര്‍ലന്‍ഡ്‌സ്‌, ഗ്രൂപ്പ് ജി യില്‍ രണ്ടാം സ്ഥാനത്ത് തുടരുന്നു. തുര്‍ക്കിയാണ് ഗ്രൂപ്പില്‍ ഒന്നാമത്.



ക്രൊയേഷ്യ എതിരില്ലാത്ത ഒരു ഗോളിന് സ്ലൊവാക്യയെ കീഴടക്കി. 86-ാം മിനിട്ടില്‍ മാഴ്‌സെലോ ബ്രോസോവിച്ചാണ് ക്രൊയേഷ്യയ്ക്കായി വിജയ ഗോള്‍ നേടിയത്. ഈ വിജയത്തോടെ ക്രൊയേഷ്യ ഗ്രൂപ്പ് എച്ചില്‍ രണ്ടാം സ്ഥാനത്തെത്തി. റഷ്യയാണ് ഗ്രൂപ്പില്‍ ഒന്നാമത്.

ലോകചാമ്പ്യന്മാരായ ഫ്രാന്‍സിനെ യുക്രൈനാണ് സമനിലയില്‍ തളച്ചത്. ഇരുടീമുകളും ഓരോ ഗോള്‍ വീതം നേടി പിരിഞ്ഞു. 44-ാം മിനിട്ടില്‍ മൈക്കോള ഷാപ്പറെങ്കോയിലൂടെ യുക്രൈനാണ് ആദ്യം ലീഡെടുത്തത്. എന്നാല്‍ 50-ാം മിനിട്ടില്‍ ഫ്രാന്‍സിനായി ആന്തണി മാര്‍ഷ്യല്‍ സമനില ഗോള്‍ നേടി.

അഞ്ചുവര്‍ഷത്തിന് ശേഷമാണ് മാര്‍ഷ്യല്‍ ഫ്രാന്‍സിനായി ഗോള്‍ നേടുന്നത്. മാഞ്ചെസ്റ്റര്‍ യുണൈറ്റഡിന്റെ മുന്നേറ്റതാരമായ മാര്‍ഷ്യലിന് ഫ്രാന്‍സിനുവേണ്ടി അധികം കളിക്കാന്‍ സാധിച്ചിട്ടില്ല. സമനില വഴങ്ങിയെങ്കിലും ഗ്രൂപ്പ് ഡി യില്‍ ഫ്രാന്‍സ് ഒന്നാം സ്ഥാനത്ത് തുടരുന്നു. യുക്രൈന്‍ മൂന്നാം സ്ഥാനത്താണ്. ഫിന്‍ലന്‍ഡാണ് രണ്ടാമത്.

Content Highlights: Martial scores but France held at Ukraine, Croatia strike late to beat Slovakia


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


03:44

രാത്രിയാണറിഞ്ഞത് സിന്തറ്റിക് ട്രാക്കാണെന്ന്, സ്പീഡ് കുറയുമെന്ന് പേടിച്ചാണ് ഷൂസിടാതെ ഓടിയത്

Nov 28, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented