പ്രതീക്ഷകള്‍ തെറ്റിയില്ല; ചെല്‍സിക്കും യുണൈറ്റഡിനും ചാമ്പ്യന്‍സ് ലീഗ് യോഗ്യത


വോള്‍വ്‌സിനെ എതിരില്ലാത്ത രണ്ട് ഗോളിന് തോല്‍പ്പിച്ചായിരുന്നു ചെല്‍സി ചാമ്പ്യന്‍സ് ലീഗ് ടിക്കറ്റെടുത്തത്. ഇതേ സ്‌കോറിന് യുണൈറ്റഡ് ലെസ്റ്റര്‍ സിറ്റിയേയും പരാജയപ്പെടുത്തി.

-

ലണ്ടൻ: ഇംഗ്ലീഷ് പ്രീമിയർ ലീഗിലെ അവസാന മത്സരത്തിലെ വിജയത്തോടെ ചാമ്പ്യൻസ് ലീഗ് ഫുട്ബോളിലേക്ക് യോഗ്യത നേടി ചെൽസിയും മാഞ്ചസ്റ്റർ യുണൈറ്റഡും. വോൾവ്സിനെ എതിരില്ലാത്ത രണ്ട് ഗോളിന് തോൽപ്പിച്ചായിരുന്നു ചെൽസി ചാമ്പ്യൻസ് ലീഗ് ടിക്കറ്റെടുത്തത്. ഇതേ സ്കോറിന് യുണൈറ്റഡ് ലെസ്റ്റർ സിറ്റിയേയും പരാജയപ്പെടുത്തി.

നേരത്തെ തന്നെ ഒന്നാം സ്ഥാനത്തുള്ള ലിവർപൂളും രണ്ടാം സ്ഥാനക്കാരയ മാഞ്ചസ്റ്റർ സിറ്റിയും യോഗ്യത നേടിയിരുന്നു. ശേഷിക്കുന്ന രണ്ട് സ്ഥാനങ്ങൾക്കായി യുണൈറ്റഡും ചെൽസിയും ലെസ്റ്റർ സിറ്റിയും തമ്മിലായിരുന്നു മത്സരം. വിജയത്തോടെ 38 മത്സരങ്ങളിൽ നിന്ന് 66 പോയിന്റുമായി യുണൈറ്റഡ് മൂന്നാം സ്ഥാനത്ത് ലീഗ് അവസാനിപ്പിച്ചു. ഇതേ പോയിന്റുള്ള ചെൽസി നാലാം സ്ഥാനത്തെത്തി. 62 പോയിന്റുള്ള ലെസ്റ്റർ സിറ്റിക്ക് അഞ്ചാം സ്ഥാനം കൊണ്ട് തൃപ്തിപ്പെടേണ്ടിവന്നു. അതേസമയം പ്രീമിയർ ലീഗിലെ മറ്റൊരു കരുത്തരായ ആഴ്സണലിന് എട്ടാം സ്ഥാനത്ത് എത്താനേ കഴിഞ്ഞുള്ളു.

ആദ്യ പകുതിയുടെ ഇഞ്ചുറി ടൈമിലാണ് ചെൽസിയുടെ രണ്ടു ഗോളുകളും വന്നത്. മാസോൺ മൗണ്ടും ഒളിവർ ജിറൗഡുമായിരുന്നു ഗോൾ സ്കോറർമാർ. ഗോൾരഹിതമായ ആദ്യ പകുതിക്ക് ശേഷം 71-ാം മിനിറ്റിൽ പെനാൽറ്റി ലക്ഷ്യത്തിലെത്തിച്ച് ബ്രൂണോ ഫെർണാണ്ടസാണ് യുണൈറ്റഡിന് ലീഡ് നൽകിയത്. 98-ാം മിനിറ്റിൽ ജെസ്സി ലിൻഗാർഡും യുണൈറ്റഡിനായി ലക്ഷ്യം കണ്ടു. 94-ാം മിനിറ്റിൽ ജോണി ഇവാൻസ് ചുവപ്പ് കാർഡ് കണ്ട് പുറത്തായതോടെ 10 പേരുമായാണ് ലെസ്റ്റർ മത്സരം പൂർത്തിയാക്കിയത്.

മറ്റു മത്സരങ്ങളിൽ ലിവർപൂൾ 3-1ന് ന്യൂകാസിലിനേയും ആഴ്സണൽ രണ്ടിനെതിരേ മൂന്നു ഗോളുകൾക്ക് വാറ്റ്‌ഫോര്‍ഡിനേയും തോൽപ്പിച്ചു. നോർവിച്ച് സിറ്റിക്കെതിരേ എതിരില്ലാത്ത അഞ്ചു ഗോളിനായിരുന്നു മാഞ്ചസ്റ്റർ സിറ്റിയുടെ വിജയം. ക്രിസ്റ്റൽ പാലസും ടോട്ടൻഹാമും തമ്മിലുള്ള മത്സരം സമനിലയിൽ പിരിഞ്ഞപ്പോൾ എവർട്ടണെ ബൗൺമൗത്ത് 3-1ന് പരാജയപ്പെടുത്തി.

Content Highlights: Manchester United and Chelsea, confirm Champions League spots with victories in final, Premier League matches


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented