ഇംഗ്ലീഷ് പ്രീമിയര്‍ ലീഗില്‍ മാഞ്ചെസ്റ്റര്‍ സിറ്റിയെ സമനിലയില്‍ തളച്ച് ആസ്റ്റണ്‍ വില്ല


ഈ സമനിലയോടെ സിറ്റി പോയന്റ് പട്ടികയില്‍ രണ്ടാം സ്ഥാനത്ത് തന്നെ തുടരുന്നു.

Photo: twitter.com/ManCity

ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ നിലവിലെ ചാമ്പ്യന്മാരായ മാഞ്ചെസ്റ്റര്‍ സിറ്റിയ്ക്ക് സമനില. ആസ്റ്റണ്‍ വില്ലയാണ് സിറ്റിയെ സമനിലയില്‍ തളച്ചത്. ഇരുടീമുകളും ഓരോ ഗോള്‍ വീതം നേടി.

സിറ്റിയ്ക്ക് വേണ്ടി സൂപ്പര്‍ താരം എര്‍ലിങ് ഹാളണ്ടും ആസ്റ്റണ്‍ വില്ലയ്ക്ക് വേണ്ടി ലിയോണ്‍ ബെയ്‌ലിയും ഗോളടിച്ചു. രണ്ടാം പകുതിയിലാണ് ഇരുഗോളുകളും പിറന്നത്. 50-ാം മിനിറ്റില്‍ ഹാളണ്ടിലൂടെ സിറ്റിയാണ് മത്സരത്തില്‍ ലീഡെടുത്തത്.

കെവിന്‍ ഡിബ്രുയിനെയുടെ മനോഹരമായ ക്രോസ് ബോക്‌സില്‍ ചാടിയുയര്‍ന്നുകൊണ്ട് ഹാളണ്ട് വലയിലേക്ക് തട്ടിയിട്ടു. ആറ് മത്സരങ്ങളില്‍ നിന്ന് ഹാളണ്ട് നേടുന്ന പത്താം ഗോളാണിത്. ഗോള്‍വേട്ടക്കാരുടെ പട്ടികയില്‍ ഹാളണ്ട് ഒന്നാം സ്ഥാനത്ത് തുടരുന്നു.

എന്നാല്‍ സിറ്റിയുടെ ലീഡിന് അധികം ആയുസ്സുണ്ടായില്ല. 74-ാം മിനിറ്റില്‍ തകര്‍പ്പന്‍ ഫിനിഷിലൂടെ ലിയോണ്‍ ആസ്റ്റണ്‍ വില്ലയ്ക്ക് വേണ്ടി സമനില ഗോള്‍ നേടി. 80-ാം മിനിറ്റില്‍ ഫിലിപ്പ് കുടീന്യോയിലൂടെ വില്ല വീണ്ടും ഗോളടിച്ചെങ്കിലും റഫറി ഓഫ് സൈഡ് വിളിച്ചു.

ഈ സമനിലയോടെ സിറ്റി പോയന്റ് പട്ടികയില്‍ രണ്ടാം സ്ഥാനത്ത് തന്നെ തുടരുന്നു. ആറ് മത്സരങ്ങളില്‍ നിന്ന് 14 പോയന്റാണ് ടീമിനുള്ളത്. ഒരു മത്സരം കുറച്ചുകളിച്ച ആഴ്‌സനല്‍ 15 പോയന്റുമായി ഒന്നാം സ്ഥാനത്ത് തുടരുന്നു. ആഴ്‌സനല്‍ ഇന്ന് വൈകിട്ട് നടക്കുന്ന മത്സരത്തില്‍ കരുത്തരായ മാഞ്ചെസ്റ്റര്‍ യുണൈറ്റഡിനെ നേരിടും.

Content Highlights: epl 2022-2023, english premier league, manchester city, football news, sports, haaland


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 28, 2022


ksrtc

1 min

5.20 കോടി PFI കെട്ടിവെച്ചാല്‍ മാത്രം ജാമ്യം, അബ്ദുള്‍ സത്താറിനെ എല്ലാ കേസിലും പ്രതിയാക്കണം-ഹൈക്കോടതി

Sep 29, 2022

Most Commented