15-ാം വയസ്സില്‍ ലാ ലിഗയില്‍ അരങ്ങേറ്റം ചരിത്രമെഴുതി ലൂക റൊമേരോ 


മെക്‌സിക്കന്‍ മെസ്സി എന്നറിയപ്പെടുന്ന റൊമേരോയുടെ പ്രായം 15 വയസ്സും 219 ദിവസവുമാണ്.

-

മാഡ്രിഡ്: ലാ ലിഗയിൽ അത്ഭുതകരമായ അരങ്ങേറ്റം നടത്തി മയ്യോർക്കയുടെ യുവതാരം ലുക റൊമേരോ. കഴിഞ്ഞ ദിവസം നടന്ന റയൽ മാഡ്രിഡിനെതിരായ മത്സരത്തിൽ കളത്തിലിറങ്ങുമ്പോൾ 15 വയസ്സായിരുന്നു ലൂക റൊമേരോയുടെ പ്രായം. ഇതോടെ ലാ ലിഗയിൽ അരങ്ങേറുന്ന ഏറ്റവും പ്രായം കുറഞ്ഞ താരമെന്ന റെക്കോഡ് ലുക റൊമേരോയുടെ പേരിനൊപ്പം ചേർന്നു.

'മെക്സിക്കൻ മെസ്സി' എന്നറിയപ്പെടുന്ന റൊമേരോയുടെ പ്രായം 15 വയസ്സും 219 ദിവസവുമാണ്. ഇതോടെ 80 വർഷം പഴക്കമുള്ള റെക്കോഡും ഈ യുവതാരത്തിന് മുന്നിൽ പഴങ്കഥയായി. 1939 ഡിസംബറിൽ സെൽറ്റ വിഗോയ്ക്ക് വേണ്ടി അരങ്ങേറിയ പ്രതിരോധ താരം സാൻസൺന്റെ പേരിലായിരുന്നു ഇതുവരെ റെക്കോഡ്. സാൻസൺ അരങ്ങേറുമ്പോൾ 15 വയസ്സും 255 ദിവസവുമായിരുന്നു പ്രായം.

റയൽ മാഡ്രിഡിനെതിരായ മത്സരത്തിന്റെ 83-ാം മിനിറ്റിൽ ഇദ്രിസു ബാബയ്ക്ക് പകരക്കാരനായാണ് റൊമേരോ കളത്തിലിറങ്ങിയത്. മത്സരത്തിൽ മയ്യോർക്കയെ എതിരില്ലാത്ത രണ്ട് ഗോളിന് റയൽ പരാജയപ്പെടുത്തി. വിയ്യാറയൽ, ലെഗനെസ് എന്നീ ക്ലബ്ബുകൾക്കെതിരേയുള്ള മാച്ച്ഡേ സ്ക്വാഡിലും അറ്റാക്കിങ് മിഡ്ഫീൽഡറായ റൊമേരോ ഇടം നേടിയിരുന്നു. എന്നാൽ അന്ന് സൈഡ് ബെഞ്ചിലായിരുന്നു സ്ഥാനം. ഒടുവിൽ റയലിനെതിരേ കളത്തിലിറങ്ങാൻ അവസരം ലഭിക്കുകയായിരുന്നു.

മെക്സിക്കോയിലാണ് ജനിച്ചതെങ്കിലും അർജന്റീന അണ്ടർ-17 ടീമിനുവേണ്ടിയാണ് റൊമേരോ കളിക്കുന്നത്. അർജന്റീനക്കാരനായ ഡിഫൻസീവ് മിഡ്ഫീൽഡർ ഡീഗോ റൊമേരോയാണ് ലൂക റൊമേരോയുടെ അച്ഛൻ.

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
mv govindan

കേരളത്തിലെ കറിപൗഡറുകളെല്ലാം വ്യാജം, വിഷം - മന്ത്രി എം.വി. ഗോവിന്ദന്‍

Aug 11, 2022


Eknath Shinde

1 min

കോടിപതികള്‍, ശ്രീലങ്കയില്‍നിന്ന് ഡോക്ടറേറ്റ്; ഷിന്ദേ മന്ത്രിസഭയില്‍ 75%പേരും ക്രിമിനല്‍ കേസുള്ളവര്‍

Aug 11, 2022


kt jaleel

1 min

പാക് അധീന കശ്മീരിനെ ആസാദ് കശ്മീർ എന്നു വിശേഷിപ്പിച്ച് ജലീൽ; പരാമർശം വൻവിവാദം

Aug 12, 2022

Most Commented