ക്രിസ്റ്റല്‍ പാലസിനെ മുക്കി ലിവര്‍പൂള്‍, സിറ്റിയ്ക്ക് ജയം, ആഴ്‌സനലിന് വീണ്ടും തോല്‍വി


ലിവര്‍പൂളിന് വേണ്ടി ഫിര്‍മിനോ, മുഹമ്മദ് സല എന്നിവര്‍ ഇരട്ട ഗോളുകള്‍ നേടിയപ്പോള്‍ മിനാമിനോ, മാനെ, ഹെന്‍ഡേഴ്‌സണ്‍ എന്നിവര്‍ ഓരോ ഗോളുകള്‍ നേടി.

Photo: twitter.com|premierleague

ലണ്ടന്‍: ഇംഗ്ലീഷ് പ്രീമിയര്‍ ലീഗില്‍ ലിവര്‍പൂള്‍, മാഞ്ചെസ്റ്റര്‍ സിറ്റി ടീമുകള്‍ വിജയിച്ചപ്പോള്‍ ആഴ്‌സനലിന് വീണ്ടും തോല്‍വി.

ലിവര്‍പൂള്‍ എതിരില്ലാത്ത ഏഴുഗോളുകള്‍ക്ക് ക്രിസ്റ്റല്‍ പാലസിനെയാണ് തകര്‍ത്ത് തരിപ്പണമാക്കിയത്. ഈ വിജയത്തോടെ ടീം ലീഗില്‍ ഒന്നാം സ്ഥാനം നിലനിര്‍ത്തി. ലിവര്‍പൂളിന് വേണ്ടി ഫിര്‍മിനോ, മുഹമ്മദ് സല എന്നിവര്‍ ഇരട്ട ഗോളുകള്‍ നേടിയപ്പോള്‍ മിനാമിനോ, മാനെ, ഹെന്‍ഡേഴ്‌സണ്‍ എന്നിവര്‍ ഓരോ ഗോളുകള്‍ നേടി. ഫിഫയുടെ മികച്ച പരിശീലകനുള്ള പുരസ്‌കാരം സ്വന്തമാക്കിയതിനുശേഷം ലിവര്‍പൂള്‍ കോച്ച് ക്ലോപ്പ് നേടുന്ന ആദ്യ വിജയമാണിത്.

കരുത്തരായ സതാംപ്ടണെ എതിരില്ലാത്ത ഒരു ഗോളിനാണ് മാഞ്ചെസ്റ്റര്‍ സിറ്റി പരാജയപ്പെടുത്തിയത്. സിറ്റിയ്ക്കായി 16-ാം മിനിട്ടില്‍ റഹീം സ്റ്റെര്‍ലിങ്ങാണ് വിജയഗോള്‍ നേടിയത്. ഈ വിജയത്തോടെ സിറ്റി പോയന്റ് പട്ടികയില്‍ അഞ്ചാം സ്ഥാനത്തേക്ക് ഉയര്‍ന്നു.

എന്നാല്‍ ആഴ്‌സനലിന്റെ കഷ്ടകാലം തീരുന്നില്ല. ഇത്തവണ എവര്‍ട്ടണിനോടാണ് ഗണ്ണേഴ്‌സ് പരാജയപ്പെട്ടത്. ഒന്നിനെതിരേ രണ്ടുഗോളുകള്‍ക്കാണ് എവര്‍ട്ടണ്‍ വിജയിച്ചത്. എവര്‍ട്ടണിനായി മിന ഗോള്‍ നേടിയപ്പോള്‍ മറ്റൊരു ഗോള്‍ ആഴ്‌സനല്‍ താരം ഹോള്‍ഡിങ്ങിന്റെ സെല്‍ഫ് ഗോളായിരുന്നു. ആഴ്‌സനലിനായി നിക്കോളാസ് പെപ്പെ പെനാല്‍ട്ടിയിലൂടെ ആശ്വാസ ഗോള്‍ നേടി. ടീം കഴിഞ്ഞ അഞ്ചുമത്സരങ്ങളില്‍ ഇതുവരെ വിജയിച്ചിട്ടില്ല. അഞ്ചില്‍ നാലുതോല്‍വിയും ഒരു പരാജയവുമാണ് ആഴ്‌സനലിനുള്ളത്. പോയന്റ് പട്ടികയില്‍ 14 മത്സരങ്ങളില്‍ നിന്നും വെറും നാല് വിജയങ്ങള്‍ മാത്രമുള്ള ടീം 15-ാം സ്ഥാനത്താണ്.

ലീഗിലെ മറ്റൊരു മത്സരത്തില്‍ ന്യൂകാസില്‍ യുണൈറ്റഡ് ഫുള്‍ഹാമിനെ സമനിലയില്‍ തളച്ചു.

Content Highlights: Liverpool sinks Crystal Palace Manchester City beat Southampton Arsenal lost to Everton

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Modi, Shah

9 min

മോദി 2024-ൽ വീണ്ടും ബി.ജെ.പിയെ നയിക്കുമ്പോൾ | വഴിപോക്കൻ

Aug 6, 2022


08:52

ഒറ്റ രാത്രിയില്‍ രജീഷിന് നഷ്ടം 40 ലക്ഷം; ഒലിച്ചുപോയത് നാലേക്കര്‍ പൈനാപ്പിള്‍ തോട്ടം

Aug 5, 2022


04:08

എന്താണ് ലോൺ ബോൾസ്? കോമണ്‍വെല്‍ത്ത് ഗെയിംസില്‍ ഇന്ത്യ സ്വര്‍ണമണിഞ്ഞ ലോണ്‍ ബോള്‍സിനെ കുറിച്ച് അറിയാം..

Aug 6, 2022

Most Commented