എട്ടു ഗോളുകള്‍ പിറന്ന മത്സരം; ചെല്‍സിയെ തകര്‍ത്ത് ലിവര്‍പൂള്‍ പ്രീമിയര്‍ ലീഗ് കിരീടമുയര്‍ത്തി


വിജയത്തിനു ശേഷം ആന്‍ഫീല്‍ഡില്‍ ലിവര്‍പൂള്‍ പ്രീമിയര്‍ ലീഗ് കിരീടം ഏറ്റുവാങ്ങി. തോല്‍വിയോടെ ചെല്‍സിക്ക് ചാമ്പ്യന്‍സ് ലീഗ് ബര്‍ത്ത് ഉറപ്പിക്കാന്‍ അവസാന ലീഗ് മത്സരം നിര്‍ണായകമായി

Image Courtesy: Getty Images

ലണ്ടന്‍: ആന്‍ഫീല്‍ഡില്‍ എട്ടു ഗോളുകള്‍ പിറന്ന ത്രില്ലറില്‍ ചെല്‍സിയെ തകര്‍ത്ത് ലിവര്‍പൂള്‍ പ്രീമിയര്‍ ലീഗ് കിരീടം ഏറ്റുവാങ്ങി. മൂന്നിനെതിരെ അഞ്ച് ഗോളുകള്‍ക്കായിരുന്നു ജയം.

30 വര്‍ഷക്കാലത്തെ കാത്തിരിപ്പ് അവസാനിപ്പിച്ചാണ് ലിവര്‍പൂള്‍ പ്രീമിയര്‍ ലീഗ് കിരീടത്തില്‍ മുത്തമിട്ടത്. 1989-90 സീസണിലാണ് ഇതിനു മുമ്പ് അവസാനമായി ലിവര്‍പൂള്‍ കിരീടം നേടിയത്.

ഈ സീസണില്‍ സ്വന്തം മൈതാനത്ത് നടന്ന അവസാന മത്സരത്തില്‍ തകര്‍പ്പന്‍ പ്രകടനമാണ് ചെമ്പട പുറത്തെടുത്തത്.

നാബി കെയ്റ്റയിലൂടെ 23-ാം മിനിറ്റില്‍ തന്നെ ലിവര്‍പൂള്‍ മുന്നിലെത്തി. 38-ാം മിനിറ്റില്‍ ഫ്രീകിക്ക് വലയിലെത്തിച്ച് അലക്‌സാണ്ടര്‍ അര്‍ണോള്‍ഡ് ലീഡുയര്‍ത്തി. 43-ാം മിനിറ്റില്‍ കോര്‍ണറില്‍ നിന്ന് ജോര്‍ജിനിയോ വൈനാള്‍ഡം ലിവര്‍പൂളിന്റെ മൂന്നാം ഗോളും നേടി. 43 മിനിറ്റിനിടെ മൂന്നു ഗോള്‍ വലയിലെത്തിയെങ്കിലും ചെല്‍സി വിട്ടുകൊടുത്തില്ല. ആദ്യ പകുതിയുടെ അധിക സമയത്ത് ഒളിവര്‍ ജിറൂദിലൂടെ അവര്‍ ഒരു ഗോള്‍ മടക്കി. ആദ്യ പകുതി അവസാനിക്കുമ്പോള്‍ ലിവര്‍പൂള്‍ 3-1 ന് മുന്നില്‍.

Liverpool beat Chelsea in eight goal thriller before trophy party

പിന്നീട് 55-ാം മിനിറ്റില്‍ ഫിര്‍മിനോ ലിവര്‍പൂളിന് 4-1ന്റെ ലീഡ് നല്‍കി. എന്നാല്‍ 61-ാം മിനിറ്റില്‍ ടാമി അബ്രഹാമും 73-ാം മിനിറ്റില്‍ പുലിസിച്ചും സ്‌കോര്‍ ചെയ്തതോടെ ചെല്‍സി 4-3 എന്ന നിലയിലേക്ക് സ്‌കോര്‍ മാറ്റി. സമനില ഗോളിനായി ചെല്‍സി ശ്രമിക്കവെ 84-ാം മിനിറ്റില്‍ ചേംബര്‍ലായ്ന്‍ ചെമ്പടയുടെ അഞ്ചാം ഗോള്‍ നേടി.

വിജയത്തിനു ശേഷം ആന്‍ഫീല്‍ഡില്‍ ലിവര്‍പൂള്‍ പ്രീമിയര്‍ ലീഗ് കിരീടം ഏറ്റുവാങ്ങി. തോല്‍വിയോടെ ചെല്‍സിക്ക് ചാമ്പ്യന്‍സ് ലീഗ് ബര്‍ത്ത് ഉറപ്പിക്കാന്‍ അവസാന ലീഗ് മത്സരം നിര്‍ണായകമായി. നിലവില്‍ 37 മത്സരങ്ങളില്‍ നിന്ന് 63 പോയന്റുമായി മാഞ്ചെസ്റ്റര്‍ യുണൈറ്റഡിന് പിറകില്‍ നാലാമതാണ് ചെല്‍സി. വോള്‍വ്‌സിനെതിരായ അവസാന മത്സരത്തില്‍ വിജയിച്ചാല്‍ ചെല്‍സിക്ക് ചാമ്പ്യന്‍സ് ലീഗ് യോഗ്യത ഉറപ്പിക്കാം. അല്ലെങ്കില്‍ ലെസ്റ്റര്‍ സിറ്റി - മാഞ്ചെസ്റ്റര്‍ യുണൈറ്റഡ് മത്സര ഫലത്തിനായി കാത്തിരിക്കണം.

Content Highlights: Liverpool beat Chelsea in eight goal thriller before trophy party


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


pfi

1 min

കൊച്ചിയില്‍ പോലീസുകാരന് പോപ്പുലര്‍ ഫ്രണ്ട് ബന്ധം, സി.പി.ഒ സിയാദിന് സസ്‌പെന്‍ഷന്‍

Oct 4, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021

Most Commented