photo: Getty Images
പാരിസ്: ലോകകപ്പ് ഫൈനലിലെ ഫ്രഞ്ച് സൂപ്പര്‍താരം കിലിയന്‍ എംബാപ്പെയുടെ പ്രകടനത്തെ പ്രശംസിച്ച് അര്‍ജന്റൈന്‍ നായകന്‍ ലയണല്‍ മെസ്സി. ലോകകപ്പ് ഫൈനലില്‍ ഹാട്രിക് നേടിയ എംബാപ്പെയുടെ പ്രകടനം ഗംഭീരമായിരുന്നുവെന്ന് മെസ്സി പറഞ്ഞു. പിഎസ്ജി ടിവിക്ക് നല്‍കിയ അഭിമുഖത്തിലാണ് മെസ്സിയുടെ പ്രതികരണം.
'യഥാര്‍ഥത്തില്‍ ഇത് ശ്വാസമടക്കിപ്പിടിച്ച ഫൈനലായിരുന്നു. കിലിയന്റെ പ്രകടനവും ഗംഭീരമായിരുന്നു. ഫൈനലില്‍ മൂന്ന് ഗോളുകള്‍ നേടിയിട്ടും ചാമ്പ്യനാകാന്‍ കഴിയാത്തത് നിരാശാജനകമാണ്'- മെസ്സി പറഞ്ഞു
ലോകകപ്പിന്റെ ചരിത്രത്തിലെ തന്നെ ഏറ്റവും മികച്ച ഫൈനലുകളിലൊന്നായിരുന്നു ഖത്തറിലേത്. ഫ്രാന്‍സിനായി എംബാപ്പെ ഹാട്രിക് നേടിയപ്പോള്‍ മെസ്സി അര്‍ജന്റീനയ്ക്കായി ഇരട്ടഗോളുകളും നേടി. പെനാല്‍റ്റി ഷൂട്ടൗട്ടിലാണ് അര്‍ജന്റീന ഫ്രാന്‍സിനെ പരാജയപ്പെടുത്തി ജേതാക്കളായത്. എംബാപ്പെ ഗോള്‍ഡന്‍ ബൂട്ട് സ്വന്തമാക്കിയപ്പോള്‍ മെസ്സി ഗോള്‍ഡന്‍ ബോളും നേടി.
'എംബാപ്പെ നേരത്തേ ലോകകിരീടം നേടിയിട്ടുണ്ട്. ഒരു ലോകചാമ്പ്യന്‍ എങ്ങനെയായിരിക്കുമെന്ന് അയാള്‍ക്കറിയാം. എന്തായാലും ലോകഫുട്‌ബോളിന് ഇത് മനോഹരമായ ഫൈനലായിരുന്നു. ഇപ്പോള്‍ ഒരേ ടീമില്‍ കളിക്കാന്‍ കഴിയുന്നത് നല്ലകാര്യമാണ്, പാരിസില്‍ ഞങ്ങള്‍ക്ക് മികച്ച പ്രകടനം കാഴ്ചവെക്കാന്‍ സാധിക്കുമെന്ന് പ്രതീക്ഷിക്കുന്നു.'-മെസ്സി കൂട്ടിച്ചേര്‍ത്തു
മെസ്സിയും എംബാപ്പെയും പിഎസ്ജിയില്‍ മിന്നും ഫോമിലാണുള്ളത്. എന്നാല്‍ നെയ്മര്‍ പരിക്കേറ്റ് പുറത്തുപോയത് ടീമിന് തിരിച്ചടിയാണ്. ചാമ്പ്യന്‍സ് ലീഗ് പ്രീക്വാര്‍ട്ടര്‍ രണ്ടാം പാദത്തില്‍ ബയേണിനെ നേരിടാനൊരുങ്ങുകയാണ് പിഎസ്ജി. ആദ്യ പാദത്തില്‍ ഏകപക്ഷീയമായ ഒരുഗോളിന് തോറ്റ മെസ്സിയും സംഘവും ക്വാര്‍ട്ടറിലേക്ക് മുന്നേറുമോ എന്ന ആശങ്കയിലാണ് ആരാധകര്‍.
Content Highlights: Lionel Messi hails Mbappe's hat-trick in World Cup final
Also Watch
RELATED STORIES
.jpg?$p=e4e93ab&f=1x1&w=100&q=0.8)
IN CASE YOU MISSED IT
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..