ബാഴ്‌സലോണയുടെ ഒന്നാം സ്ഥാനം തെറിച്ചു; സോസീഡാഡിനെതിരായ ജയത്തോടെ റയല്‍ ഒന്നാമത്


കോവിഡ് പ്രതിസന്ധിക്കു പിന്നാലെ പുനഃരാരംഭിച്ച ലീഗില്‍ റയലിന്റെ തുടര്‍ച്ചയായ മൂന്നാം ജയമാണിത്

Image Courtesy: Getty Images

മാഡ്രിഡ്: സ്പാനിഷ് ലീഗില്‍ റയല്‍ സോസീഡാഡിനെതിരായ ജയത്തോടെ ബാഴ്‌സലോണയെ പിന്തള്ളി റയല്‍ മാഡ്രിഡ് ഒന്നാമതെത്തി. ഒന്നിനെതിരേ രണ്ടു ഗോളുകള്‍ക്കാണ് റയല്‍ എവേ മത്സരത്തില്‍ സോസീഡാഡിനെ മറികടന്നത്.

കഴിഞ്ഞ വെള്ളിയാഴ്ച നടന്ന മത്സരത്തില്‍ സെവിയ്യ, ബാഴ്‌സലോണയെ സമനിലയില്‍ തളച്ചതോടെയാണ് റയലിന് ഒന്നാം സ്ഥാനത്തേക്കുള്ള വഴിതെളിഞ്ഞത്. ഗോള്‍രഹിതമായ ആദ്യ പകുതിക്കു ശേഷമാണ് മൂന്നു ഗോളുകളും പിറന്നത്. 50-ാം മിനിറ്റില്‍ പെനാല്‍റ്റിയിലൂടെ സെര്‍ജിയോ റാമോസാണ് റയലിനെ മുന്നിലെത്തിച്ചത്. ഇതോടെ ലാ ലിഗയുടെ ചരിത്രത്തില്‍ ഏറ്റവും അധികം ഗോളുകള്‍ നേടിയ ഡിഫന്‍ഡറെന്ന റെക്കോഡും റാമോസ് സ്വന്തമാക്കി. താരത്തിന്റെ 68-ാം ഗോളായിരുന്നു കഴിഞ്ഞ ദിവസത്തേത്. മുന്‍ ബാഴ്‌സലോണ താരം റൊണാള്‍ഡ് കോമാന്റെ 67 ഗോളുകളെന്ന റെക്കോഡാണ് റാമോസ് മറികടന്നത്.

70-ാം മിനിറ്റില്‍ കരീം ബെന്‍സേമ റയലിന്റെ രണ്ടാം ഗോളും നേടി. 83-ാം മിനിറ്റില്‍ മൈക്കല്‍ മെറിനോയാണ് സോസീഡാഡിന്റെ ആശ്വാസ ഗോള്‍ നേടിയത്. 30 മത്സരങ്ങളില്‍ നിന്ന് റയലിനും ബാഴ്‌സയ്ക്കും 65 പോയന്റ് വീതമാണുള്ളത്. എന്നാല്‍ ലീഗില്‍ മുഖാമുഖം വന്നപ്പോഴുള്ള ഗോള്‍ ശരാശരി വെച്ച് റയല്‍ ഒന്നാമതെത്തുകയായിരുന്നു. കോവിഡ് പ്രതിസന്ധിക്കു പിന്നാലെ പുനഃരാരംഭിച്ച ലീഗില്‍ റയലിന്റെ തുടര്‍ച്ചയായ മൂന്നാം ജയമാണിത്.

Content Highlights: la liga Real Madrid beat Sociedad 2-1 to return to top of the league


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

1 min

താലികെട്ടിനു തൊട്ടുമുമ്പ് വിവാഹത്തില്‍നിന്ന് പിന്മാറി വധു; പിറ്റേന്ന് പഴയ സുഹൃത്തുമായി വിവാഹം

Jan 28, 2023


adani

2 min

നഷ്ടം കോടികള്‍: നിയമനടപടിയെന്ന് അദാനി; ഭീഷണിയല്ലാതെ ചോദ്യങ്ങള്‍ക്കുത്തരമുണ്ടോയെന്ന് ഹിന്‍ഡെന്‍ബര്‍ഗ്

Jan 27, 2023


Mentalist Aadhi
Premium

15:03

അതീന്ദ്രിയ ശക്തികളോ മനസ്സ് വായിക്കാനോ ഉള്ള കഴിവോ മെന്റലിസത്തിന് ഇല്ല

Jan 25, 2023

Most Commented