വേതനം നല്‍കിയില്ലെന്ന് പൊപ്ലാനികിന്റെ പരാതി; കേരള ബ്ലാസ്റ്റേഴ്‌സിന് ട്രാന്‍സ്‌ഫര്‍ വിലക്ക്


ഐഎസ്എല്ലിലെ മറ്റൊരു ക്ലബ്ബായ ഈസ്റ്റ് ബംഗാളിനും ട്രാന്‍സ്‌ഫര്‍ വിലക്കുണ്ട്.

മുൻ ബ്ലാസ്‌റ്റേഴ്‌സ് താരം പൊപ്ലാനിക് | Photo: twitter|KBFC

മുംബൈ: ഇന്ത്യൻ സൂപ്പർ ലീഗ് ക്ലബ്ബ് കേരള ബ്ലാസ്റ്റേഴ്സിന് തിരിച്ചടിയായി ഫിഫയുടെ ട്രാൻസ്‌ഫർ വിലക്ക്. ഫിഫയുടെ സാമ്പത്തിക ചട്ടങ്ങൾ ലംഘിച്ചതിനാണ് വിലക്ക് ഏർപ്പെടുത്തിയിരിക്കുന്നത്. ഐഎസ്എല്ലിലെ മറ്റൊരു ക്ലബ്ബായ ഈസ്റ്റ് ബംഗാളിനും ട്രാൻസ്‌ഫർ വിലക്കുണ്ട്.

വിലക്ക് തീരുന്നതുവരെ പുതിയ താരങ്ങളുമായി കരാറിലേർപ്പെടാൻ ബ്ലാസ്റ്റേഴ്സിനും ഈസ്റ്റ് ബംഗാളിനും കഴിയില്ല. പുതിയ സീസണിനായി പുതിയ പരിശീലകനെ ടീമിലെത്തിച്ച ബ്ലാസ്റ്റേഴ്സ് മികച്ച ടീമിനെ വാർത്തെടുക്കാനുള്ള ഒരുക്കത്തിലായിരുന്നു. ഈ വിലക്ക് കേരള ക്ലബ്ബിന് തിരിച്ചടിയാകും.



മുൻ ബ്ലാസ്റ്റേഴ്സ് താരം പൊപ്ലാനികിന്റെ വേതനവുമായി ബന്ധപ്പെട്ടതാണ് ബ്ലാസ്റ്റേഴ്സിന്റെ വിലക്ക്. കോസ്റ്ററിക്കൻ താരമായ ജോണി അകോസ്റ്റയുടെ വേതനം നൽകാത്തതാണ് ഈസ്റ്റ് ബംഗാളിന്റെ വിലക്കിന് പിന്നിൽ. ഈ രണ്ട് താരങ്ങളുടേയും വേതനം നൽകി പ്രശ്നം പരിഹരിച്ചാൽ ഫിഫ ട്രാൻസ്‌ഫർ വിലക്ക് പിൻവലിക്കും.

സ്ലൊവാനിയൻ താരമായ പൊപ്ലാനിക് നിലവിൽ കളിക്കുന്ന സ്കോട്ടിഷ് ക്ലബ്ബ് ലിവിസ്റ്റൺ എഫ്.സിയാണ് ബ്ലാസ്റ്റേഴ്സിനെതിരേ പരാതി നൽകിയത്. 2018-20 സീസണിൽ ബ്ലാസ്റ്റേഴ്സിന്റെ വിദേശ താരങ്ങളിൽ ഒരാളായിരുന്ന പൊപ്ലാനികിന് ക്ലബ്ബ് ഇതുവരെ കരാറിൽ പറഞ്ഞ തുക മുഴുവനും കൊടുത്തിട്ടില്ലെന്നാണ് പരാതി.

2018-ൽ 1.36 കോടി രൂപ മുടക്കിയാണ് ജോണി അകോസ്റ്റയെ ഈസ്റ്റ് ബംഗാൾ തട്ടകത്തിലെത്തിച്ചത്. 2018-2019 സീസണിൽ ഈസ്റ്റ് ബംഗാളിന് കളിച്ച താരം 2020-ൽ വീണ്ടും കൊൽക്കത്ത ക്ലബ്ബിൽ തിരിച്ചെത്തി. എന്നാൽ രണ്ടാം വരവിൽ ഒരൊറ്റ മത്സരം മാത്രമാണ് അകോസ്റ്റ ഐഎസ്എല്ലിൽ കളിച്ചത്.

Content Highlights: Kerala Blasters Transfer Ban FIFA


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
nazer faizy koodathayi

2 min

'പോര്‍ച്ചുഗല്‍ അധിനിവേശം നടത്തിയ രാജ്യം, എതിര്‍പ്പ് വഴിവിട്ട ആരാധനയോട്'; വിശദീകരണവുമായി സമസ്ത

Nov 25, 2022


vote

5 min

അടുത്തവര്‍ഷം ലോക്‌സഭാ തിരഞ്ഞെടുപ്പ്; ഇത്തവണ ഒരു രാജ്യം ഒരു തിരഞ്ഞെടുപ്പോ?

Nov 25, 2022


arif muhammad khan

1 min

രാജ്ഭവനിലെ അതിഥിസത്കാരം: നാല് വര്‍ഷത്തിനിടെ 9 ലക്ഷത്തോളം ചെലവഴിച്ചെന്ന് കണക്കുകള്‍

Nov 25, 2022

Most Commented