ബോസ്നിയയെ തകർത്ത് ഇറ്റലി സെമിയിൽ, ഇംഗ്ലണ്ടിനും ഹോളണ്ടിനും വിജയം


യുവേഫ നേഷന്‍സ് ലീഗിലെ ഗ്രൂപ്പ് ഘട്ടത്തിലെ അവസാന റൗണ്ട് മത്സരങ്ങള്‍ ഇതോടെ പൂര്‍ത്തിയായി. ഇറ്റലി, ബെല്‍ജിയം, ഫ്രാന്‍സ്, സ്‌പെയ്ന്‍ എന്നീ ടീമുകള്‍ ടൂര്‍ണമെന്റിന്റെ സെമി ഫൈനലില്‍ പ്രവേശിച്ചു

വിജയമാഘോഷിക്കുന്ന ഇറ്റലി താരങ്ങൾ | Photo: https:||twitter.com|EURO2020

ലണ്ടന്‍: യുവേഫ നേഷന്‍സ് ലീഗില്‍ ഇംഗ്ലണ്ടിനും ഇറ്റലിയ്ക്കും ഹോളണ്ടിനും ബെല്‍ജിയത്തിനും തകര്‍പ്പന്‍ ജയം. ബോസ്‌നിയയെ എതിരില്ലാത്ത രണ്ടുഗോളുകള്‍ക്ക് തറപറ്റിച്ച് ഇറ്റലി സെമി ഫൈനലിലെത്തി. പരാജയമറിയാതെ ഇറ്റലി പൂര്‍ത്തീകരിക്കുന്ന തുടര്‍ച്ചയായ 22-ാം മത്സരമായിരുന്നു ഇത്.

കളിയുടെ സകല മേഖലയിലും ആധിപത്യം പുലര്‍ത്തിയാണ് ഇറ്റലി ബോസ്‌നിയയെ തറപറ്റിച്ചത്. 22-ാം മിനിട്ടില്‍ ആന്‍ഡ്രെ ബെലോറ്റിയിലൂടെ ലീഡെടുത്ത ടീമിനായി ബെറാഡി 68-ാം മിനിട്ടില്‍ രണ്ടാം ഗോള്‍ നേടി. ഈ വിജയത്തോടെ ഗ്രൂപ്പ് എയിൽ 12 പോയന്റുകളുമായി ഇറ്റലി ഒന്നാമതെത്തി. കോവിഡ് സ്ഥിരീകരിച്ചതിനാല്‍ കോച്ച് മാന്‍സീനി ഇറ്റലിയ്‌ക്കൊപ്പം ഉണ്ടായിരുന്നില്ല. പരിക്കേറ്റ ചെല്ലിനി, ബൊനൂച്ചി, ഇമ്മൊബൈല്‍ എന്നിവരും കളിക്കാനിറങ്ങിയിരുന്നില്ല.

ഫില്‍ ഫോഡന്റെ ഇരട്ട ഗോള്‍ മികവില്‍ ഇംഗ്ലണ്ട് ഐസ്ലന്‍ഡിനെ തകര്‍ത്തു. എതിരില്ലാത്ത നാലുഗോളുകള്‍ക്കാണ് ത്രീ ലയണ്‍സിന്റെ വിജയം. റൈസിലൂടെ 20-ാം മിനിട്ടില്‍ ഗോള്‍ വേട്ട തുടങ്ങിയ ഇംഗ്ലണ്ടിനായി മേസണ്‍ മൗണ്ട് 24-ാം മിനിട്ടില്‍ രണ്ടാം ഗോള്‍ നേടി. 80, 84 മിനിട്ടുകളിലാണ് ഫോഡന്‍ ഗോളുകള്‍ നേടിയത്. വിജയിച്ചെങ്കിലും ഇംഗ്ലണ്ടിന്റെ സെമി ഫൈനല്‍ സാധ്യതകള്‍ നേരത്തേ അസ്തമിച്ചിരുന്നു.

ഒരു ഗോള്‍ വഴങ്ങിയശേഷം തിരിച്ചടിച്ചാണ് ഹോളണ്ട് വിജയം സ്വന്തമാക്കിയത്. പോളണ്ടിന്റെ 2-1 നാണ് ടീം പരാജയപ്പെടുത്തിയത്. അഞ്ചാം മിനിറ്റിൽ തന്നെ പോളണ്ടിനായി ജോസ്വിയാക്ക് ഗോള്‍ നേടിയെങ്കിലും സൂപ്പര്‍ താരം മെംഫിസ് ഡിപെ, ക്യാപ്റ്റന്‍ വിനാല്‍ഡം എന്നിവരുടെ ഗോളുകളില്‍ ഹോളണ്ട് വിജയം കരസ്ഥമാക്കി.

രണ്ടിനെതിരെ നാലുഗോളുകള്‍ക്ക് ഡെന്മാര്‍ക്കിനെ തകര്‍ത്ത് ബെല്‍ജിയം സെമി ഫൈനലിൽ കയറി. ലുക്കാക്കു ഇരട്ട ഗോളുകളുമായി തിളങ്ങിയപ്പോള്‍ ടൈലെമെന്‍സ്, ഡിബ്രുയിനെ എന്നിവര്‍ ബെല്‍ജിയത്തിന്റെ ശേഷിച്ച ഗോളുകള്‍ സ്വന്തമാക്കി. വിന്‍ഡ് ഡെന്മാര്‍ക്കിനായി ഗോള്‍ നേടി. ചാഡിയുടെ സെല്‍ഫ് ഗോളും ഡെന്മാര്‍ക്കിന് തുണയായി.

മറ്റു പ്രധാന മത്സരങ്ങളില്‍ സെര്‍ബിയ റഷ്യയെയും ഹംഗറി തുര്‍ക്കിയെയും ചെക്ക് റിപ്പബ്ലിക്ക് സ്ലൊവാക്യയെയും വെയ്ല്‍സ് ഫിന്‍ലന്‍ഡിനെയും ഇസ്രായേല്‍ സ്‌കോട്‌ലന്‍ഡിനെയും പരാജയപ്പെടുത്തി.

യുവേഫ നേഷന്‍സ് ലീഗിലെ ഗ്രൂപ്പ് ഘട്ടത്തിലെ അവസാന റൗണ്ട് മത്സരങ്ങള്‍ ഇതോടെ പൂര്‍ത്തിയായി. ഇറ്റലി, ബെല്‍ജിയം, ഫ്രാന്‍സ്, സ്‌പെയ്ന്‍ എന്നീ ടീമുകള്‍ ടൂര്‍ണമെന്റിന്റെ സെമി ഫൈനലില്‍ പ്രവേശിച്ചു

Content Highlights: Italy extend unbeaten run, wins for England and Netherlands


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 28, 2022


22:40

ഐഎഎഎസ്സിനായി 25-ാം വയസ്സിലാണ് ഞാൻ കൈയ്യക്ഷരം നന്നാക്കാൻ പോയത്: കളക്ടർ കൃഷ്ണ തേജ | Interview Part 1

Sep 28, 2022


pfi

1 min

തീരുമാനം അംഗീകരിക്കുന്നു: പോപ്പുലര്‍ ഫ്രണ്ട് പിരിച്ചുവിട്ടതായി സംസ്ഥാന സെക്രട്ടറി

Sep 28, 2022

Most Commented