ഫ്രാന്‍സിനും ഇംഗ്ലണ്ടിനും വിജയം, ബെല്‍ജിയത്തിന് സമനില


കരുത്തരായ ഹോളണ്ടിനും സമനിലക്കുരുക്ക് വീണു. ഹോളണ്ടിനെ സ്‌കോട്ട്‌ലന്‍ഡാണ് സമനിലയില്‍ കുരുക്കിയത്.

Photo: twitter.com|JackGrealish

ലണ്ടന്‍: യൂറോകപ്പ് ഫുട്‌ബോളിന് മുന്നോടിയായുള്ള സൗഹൃദമത്സരങ്ങളില്‍ ഇംഗ്ലണ്ട്, ഫ്രാന്‍സ് ടീമുകള്‍ക്ക് ജയം. അതേസമയം ജര്‍മനി, ഹോളണ്ട് ടീമുകള്‍ സമനിലയില്‍ കുരുങ്ങി.

ഇംഗ്ലണ്ട് ഓസ്ട്രിയയെ ഏകപക്ഷീയമായ ഒരു ഗോളിന് തോല്‍പ്പിച്ചു. മധ്യനിരതാരം ബുകയോ സാഖ (56) ടീമിനായി വിജയഗോള്‍ നേടി. ടീമില്‍ നിരവധി പരീക്ഷണങ്ങള്‍ കോച്ച് ഗരെത് സൗത്ത്‌ഗേറ്റ് നടത്തി.

ലോകചാമ്പ്യന്മാരായ ഫ്രാന്‍സ് എതിരില്ലാത്ത മൂന്നു ഗോളുകള്‍ക്കാണ് വെയ്ല്‍സിനെ കീഴടക്കിയത്. കൈലിയന്‍ എംബാപ്പെ (34), അന്റോയിന്‍ ഗ്രീസ്മാന്‍ (47), ഒസുമാനെ ഡെംബലെ (79) എന്നിവര്‍ ഫ്രഞ്ച് പടയ്ക്കായി ഗോള്‍ നേടി.

കരുത്തരായ ജര്‍മനിയെ ഡെന്മാര്‍ക്കാണ് സമനിലയില്‍ തളച്ചത്. ഇരുടീമുകളും ഓരോ ഗോളുകള്‍ നേടി പിരിഞ്ഞു. ജര്‍മനിയ്ക്കായി 48-ാം മിനിട്ടില്‍ ഫ്‌ളോറിയാന്‍ ന്യൂയസും ഡെന്മാര്‍ക്കിനായി യൂസഫ് പോള്‍സണും സ്‌കോര്‍ ചെയ്തു.

മറ്റൊരു മത്സരത്തില്‍ കരുത്തരായ ഹോളണ്ടിനും സമനിലക്കുരുക്ക് വീണു. ഹോളണ്ടിനെ സ്‌കോട്ട്‌ലന്‍ഡാണ് സമനിലയില്‍ കുരുക്കിയത്. ഇരുടീമുകളും രണ്ട് ഗോളുകള്‍ വീതം നേടി. മെംഫീസ് ഡീപെ ഡച്ച് ടീമിനായി ഇരട്ടഗോള്‍ (17, 89) നേടിയപ്പോള്‍ ജാക്ക് ഹെന്‍ഡ്രി, കെവിന്‍ നിസ്‌ബെത്ത് എന്നിവര്‍ സ്‌കോട്ട്‌ലന്‍ഡിനായി വലകുലുക്കി.

ലോകകപ്പിലെ മൂന്നാം സ്ഥാനക്കാരായ ബെല്‍ജിയത്തിനും സമനിലകൊണ്ട് തൃപ്തിപ്പെടേണ്ടിവന്നു. ഗ്രീസാണ് ടീമിനെ സമനിലയില്‍ തളച്ചത്. ഇരുടീമുകളും ഓരോ ഗോള്‍ വീതം നേടി. ബെല്‍ജിയത്തിനായി തോര്‍ഗാന്‍ ഹസാര്‍ഡും ഗ്രീസിനായി ജോര്‍ജിയസ് സാവെല്ലാസും ഗോള്‍ നേടി.

മറ്റൊരു മത്സരത്തില്‍ സ്വിറ്റ്‌സര്‍ലന്‍ഡ് എതിരില്ലാത്ത ഏഴുഗോളുകള്‍ക്ക് ദുര്‍ബലരായ ലിക്ടന്‍സ്‌റ്റെയിനിനെ തകര്‍ത്തു.

Content Highlights: International friendly football matches results


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented