പോളണ്ടിനെ കീഴടക്കി തുടര്‍ച്ചയായ മൂന്നാം മത്സരത്തിലും വിജയിച്ച് ഇംഗ്ലണ്ട്


കളി സമനിലയിലേക്ക് നീങ്ങവേ 85-ാം മിനിട്ടില്‍ ഒരു തകര്‍പ്പന്‍ ഗോളിലൂടെ ഹാരി മഗ്വയര്‍ ഇംഗ്ലണ്ടിന് വിജയം സമ്മാനിച്ചു

Photo: twitter.com|England

ലണ്ടന്‍: 2022 ലോകകപ്പ് ഫുട്‌ബോള്‍ യോഗ്യതാ മത്സരത്തില്‍ പോളണ്ടിനെ കീഴടക്കി ഇംഗ്ലണ്ട്. ഒന്നിനെതിരേ രണ്ടു ഗോളുകള്‍ക്കാണ് ടീമിന്റെ വിജയം. കളിയവസാനിക്കാന്‍ മിനിട്ടുകള്‍ മാത്രം ബാക്കി നില്‍ക്കേ ഹാരി മഗ്വയര്‍ നേടിയ ഗോളിന്റെ ബലത്തിലാണ് ഇംഗ്ലണ്ട് വിജയത്തിലെത്തിയത്.

19-ാം മിനിട്ടില്‍ നായകന്‍ ഹാരി കെയ്‌നിലൂടെ ഇംഗ്ലണ്ട് മത്സരത്തില്‍ ലീഡെടുത്തു. റഹിം സ്‌റ്റെര്‍ലിങ്ങിനെ ബോക്‌സിനകത്തുവെച്ച് വീഴ്ത്തിയതിനാണ് ഇംഗ്ലണ്ടിനനുകൂലമായി പെനാല്‍ട്ടി വിധിച്ചത്. കിക്കെടുത്ത കെയ്ന്‍ പന്ത് അനായാസം വലയിലെത്തിച്ചു. ആദ്യ പകുതിയില്‍ ഇംഗ്ലണ്ട് 1-0 ന് മുന്നിലെത്തി.

രണ്ടാം പകുതിയില്‍ ഇംഗ്ലണ്ടിനെ ഞെട്ടിച്ച് പോളണ്ട് 58-ാം മിനിട്ടില്‍ സമനില ഗോള്‍ നേടി. യാക്കൂബ് മോഡറാണ് ടീമിനായി സ്‌കോര്‍ ചെയ്തത്. കളി സമനിലയിലേക്ക് നീങ്ങവേ 85-ാം മിനിട്ടില്‍ ഒരു തകര്‍പ്പന്‍ ഗോളിലൂടെ ഹാരി മഗ്വയര്‍ ഇംഗ്ലണ്ടിന് വിജയം സമ്മാനിച്ചു.

ബോക്‌സിന് വെളിയില്‍ നിന്നും മഗ്വയര്‍ എടുത്ത ലോങ്‌റേഞ്ചര്‍ വലതുളച്ചുകയറി. ഈ വിജയത്തോടെ ഗ്രൂപ്പ് ഐയില്‍ ഇംഗ്ലണ്ട് ഒന്നാം സ്ഥാനത്ത് തുടരുന്നു. മൂന്നു മത്സരങ്ങളില്‍ മൂന്നിലും ടീം വിജയിച്ചു. നേരത്തേ സാന്‍ മരിനോയെയും അല്‍ബേനിയയെയും ഇംഗ്ലണ്ട് കീഴടക്കിയിരുന്നു.

Content Highlights: Harry Maguire strikes late as England see off Poland to keep perfect record


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 28, 2022


22:40

ഐഎഎഎസ്സിനായി 25-ാം വയസ്സിലാണ് ഞാൻ കൈയ്യക്ഷരം നന്നാക്കാൻ പോയത്: കളക്ടർ കൃഷ്ണ തേജ | Interview Part 1

Sep 28, 2022


pfi

1 min

തീരുമാനം അംഗീകരിക്കുന്നു: പോപ്പുലര്‍ ഫ്രണ്ട് പിരിച്ചുവിട്ടതായി സംസ്ഥാന സെക്രട്ടറി

Sep 28, 2022

Most Commented