.jpg?$p=8896326&f=16x10&w=856&q=0.8)
Photo: AP
റിയാദ്: സ്പാനിഷ് സൂപ്പര്‍ കപ്പ് ഫൈനലില്‍ നടന്ന എല്‍ ക്ലാസിക്കോ പോരാട്ടത്തില്‍ റയല്‍ മാഡ്രിഡിനെ തകര്‍ത്ത് കിരീടം ചൂടി ബാഴ്‌സലോണ. ഒന്നിനെതിരേ മൂന്ന് ഗോളുകള്‍ക്കായിരുന്നു ബാഴ്‌സയുടെ ജയം.
33-ാം മിനിറ്റില്‍ ഗാവി, 45-ാം മിനിറ്റില്‍ റോബര്‍ട്ട് ലെവന്‍ഡോവ്‌സ്‌കി, 69-ാം മിനിറ്റില്‍ പെഡ്രി എന്നിവരാണ് ബാഴ്‌സയ്ക്കായി ഗോളുകള്‍ നേടിയത്. ഇന്‍ജുറി ടൈമില്‍ കരീം ബെന്‍സേമയാണ് റയലിന്റെ ആശ്വാസ ഗോള്‍ നേടിയത്.
ബാഴ്‌സയുടെ 14-ാം സൂപ്പര്‍ കപ്പ് വിജയമാണിത്. സാവി പരിശീലകനായി ചുമതലയേറ്റ ശേഷമുള്ള ബാഴ്‌സയുടെ ആദ്യ കിരീട നേട്ടമാണിത്. മത്സരത്തിന്റെ തുടക്കം മുതല്‍ തന്നെ ആധിപത്യം പുലര്‍ത്തിയ ബാഴ്‌സ മികച്ച ആക്രമണങ്ങളുമായി കളംനിറഞ്ഞു.
33-ാം മിനിറ്റില്‍ ഗാവിയുടെ ഗോളെത്തി. ബുസ്‌ക്വെറ്റ്‌സ് നല്‍കിയ പന്ത് പെഡ്രി, ലെവന്‍ഡോവ്‌സ്‌കിക്ക് മറിച്ച് നല്‍കുന്നു. ഈ സമയം കൃത്യമായി ഓടിക്കയറിയെ ഗാവി, ലെവന്‍ഡോവ്‌സ്‌കി നല്‍കിയ പാസ് വലയിലെത്തിക്കുകയായിരുന്നു. പിന്നീട് ആദ്യ പകുതി അവസാനിക്കുന്നതിന് തൊട്ടുമുമ്പ് ഗാവിയുടെ പാസില്‍ നിന്ന് ലെവന്‍ഡോവ്‌സ്‌കി ബാഴ്‌സയുടെ ലീഡുയര്‍ത്തി.
ഇതോടെ രണ്ടാം പകുതിയില്‍ റോഡ്രിഗോയെ ആന്‍സലോട്ടി കളത്തിലിറക്കി. 69-ാം മിനിറ്റില്‍ പെഡ്രിയിലൂടെ ബാഴ്‌സ ജയമുറപ്പിച്ച് മൂന്നാം ഗോള്‍ നേടി. ഇത്തവണയും ഗാവി തന്നെയാണ് ഗോളിന് വഴിയൊരുക്കിയത്. ഗാവിയെ ഇടത് വിങ്ങില്‍ കളിപ്പിച്ച സാവിയുടെ തന്ത്രം ഫലം കണ്ടു.
Content Highlights: Gavi scores one assists two Barcelona beat Real Madrid to win Supercopa de Espana
Also Watch
RELATED STORIES
.jpg?$p=9396e2d&f=1x1&w=100&q=0.8)
.jpg?$p=bec7056&f=1x1&w=100&q=0.8)
.jpg?$p=08558d0&f=1x1&w=100&q=0.8)
.jpg?$p=c686dae&f=1x1&w=100&q=0.8)
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=a80322e&f=1x1&w=100&q=0.8)
.jpg?$p=e1fda36&q=0.8&f=16x11&w=104)
.jpg?$p=e4e93ab&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..