.jpg?$p=e4e93ab&f=16x10&w=852&q=0.8)
Photo: screengrab
കൂരാച്ചുണ്ട്: പ്രാദേശിക ഫുട്‌ബോള്‍ മത്സരങ്ങള്‍ക്ക് പേരുകേട്ട ഇടമാണ് മലബാര്‍. കോഴിക്കോട്, മലപ്പുറം ജില്ലകളിലായി നിരവധി ഫുട്‌ബോള്‍ ടൂര്‍ണമെന്റുകളാണ് അരങ്ങേറാറുള്ളത്. പല മത്സരങ്ങളും തന്നെ മികച്ച നിലവാരം പുലര്‍ത്താറുമുണ്ട്. ഇപ്പോഴിതാ കോഴിക്കോട് കൂരാച്ചുണ്ടിലെ വട്ടുകുളം ഫുട്‌ബോള്‍ ടൂര്‍ണമെന്റിലെ ഒരു മത്സരത്തില്‍നിന്നുള്ള ദൃശ്യങ്ങള്‍ സോഷ്യല്‍ മീഡിയയില്‍ വൈറലാവുകയാണ്‌.
കളിക്കിടെ ഒരു കളിക്കാരനെടുക്കുന്ന ഫ്രീ കിക്ക്, പോസ്റ്റിലിടിച്ച് മടങ്ങുന്നതും പന്ത് പിടിച്ചെടുത്ത് അതേ ടീമിലെ താരം ബോക്‌സിലേക്ക് ഉയര്‍ത്തി നല്‍കിയ പന്തില്‍നിന്ന് മറ്റൊരു താരത്തിന്റെ ബൈസിക്കിള്‍ കിക്ക് ബാറിലിടിച്ച് മടങ്ങുന്നതുമാണ് വീഡിയോയിലുള്ളത്. 38-ാമത് വട്ടുകുളം ഫുട്‌ബോള്‍ ടൂര്‍ണമെന്റില്‍ എഫ്സി ഷൂട്ടേഴ്സ് കൂരാച്ചുണ്ടും ഇസ എഫ്സി അരീക്കോടും തമ്മില്‍ നടന്ന വാശിയേറിയ മത്സരത്തില്‍ നിന്നുള്ളതായിരുന്നു ആ ദൃശ്യങ്ങള്‍. മത്സരത്തില്‍ എഫ്സി ഷൂട്ടേഴ്സ് കൂരാച്ചുണ്ടിനെ എതിരില്ലാത്ത ഒരു ഗോളിന് പരാജയപ്പെടുത്തി ഇസ എഫ്സി അരീക്കോട് സെമിയിലേക്ക് മുന്നേറുകയും ചെയ്തു.
ആദ്യ പകുതി അവസാനിക്കുന്നതിന് തൊട്ടുമുമ്പ് ലഭിച്ച പെനാല്‍റ്റി ലക്ഷ്യത്തിലെത്തിച്ചാണ് ഇസ എഫ്സി അരീക്കോട് വിജയഗോള്‍ കുറിച്ചത്. രണ്ടാം പകുതിയില്‍ ഗോള്‍ തിരിച്ചടിക്കാനുള്ള എഫ്സി ഷൂട്ടേഴ്സ് കൂരാച്ചുണ്ടിന്റെ ശ്രമത്തിനിടെയായിരുന്നു വൈറലായ ദൃശ്യത്തിന്റെ പിറവി. കളി അവസാനിക്കാറായ ഘട്ടത്തില്‍ എഫ്സി ഷൂട്ടേഴ്സിന് അനുകൂലമായി ഫ്രീകിക്ക് ലഭിക്കുന്നു. സമനില ഗോള്‍ ലക്ഷ്യമിട്ട് എഫ്സി ഷൂട്ടേഴ്സ് താരമടിച്ച പന്ത് പോസ്റ്റിലിടിച്ച് പുറത്തേക്ക്. എന്നാല്‍ റീബൗണ്ട് വന്ന പന്ത് പിടിച്ചെടുത്ത് എഫ്സി ഷൂട്ടേഴ്സ് താരം ബോക്‌സിലേക്ക് നല്‍കിയ പന്തില്‍ നിന്നുള്ള സഹതാരത്തിന്റെ ബൈസിക്കിള്‍ കിക്ക് ബാറിലിടിച്ച് മടങ്ങുന്നത് അവിശ്വസനീയതയോടെയാണ് കാണികള്‍ നോക്കിനിന്നത്. കാണികളിലൊരാള്‍ പകര്‍ത്തിയ ഈ ദൃശ്യങ്ങള്‍ വൈകാതെ സോഷ്യല്‍ മീഡിയയില്‍ വൈറലാകുകയും ചെയ്തു.
Content Highlights: free kick hits the post and the bicycle kick hits the bar
RELATED STORIES
.jpg?$p=430c1f1&f=1x1&w=100&q=0.8)
.jpg?$p=298ab5c&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
.jpg?$p=7c255b7&f=1x1&w=100&q=0.8)
IN CASE YOU MISSED IT
.jpg?$p=e1fda36&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..